ជឿជាក់ថា ពុកម៉ែបងប្អូនប្រាកដជាបានស្គាល់ហើយ បើនិយាយអំពីតារាចម្រៀងប្រុស Original Song មួយរូបនោះ គឺលោក ទ្រី សក្កដា។ ដោយថ្មីៗនេះ គ្រប់គ្នាសម្ដែងការភ្ញាក់ផ្អើលមិនធម្មតានោះឡើយ នៅលើបណ្ដាញទំនាក់ទំនងសង្គមហ្វេសប៊ុករបស់តារាចម្រៀង
រាជធានីភ្នំពេញ ៖ ជឿជាក់ថា ពុកម៉ែបងប្អូនប្រាកដជាបានស្គាល់ហើយ បើនិយាយអំពីតារាចម្រៀងប្រុស Original Song មួយរូបនោះ គឺលោក ទ្រី សក្កដា។ ដោយថ្មីៗនេះ គ្រប់គ្នាសម្ដែងការភ្ញាក់ផ្អើលមិនធម្មតានោះឡើយ នៅលើបណ្ដាញទំនាក់ទំនងសង្គមហ្វេសប៊ុករបស់តារាចម្រៀង Original Song រូបនេះ។
បន្ទាប់ពីនៅសុខៗ លោកក៏បានបញ្ចេញនូវសារមួយ រហូតដល់ថ្នាក់ធ្វើឱ្យមហាជនអ្នកគាំទ្ររបស់លោកកំពុងតែផ្ទុះការចាប់អារម្មណ៍ និងមានការភ្ញាក់ផ្អើលយ៉ាងខ្លាំង ខណៈពេលបានឃើញលោកចេញមុខមកនិយាយ ដោយបានសរសេររៀបរាប់ខ្ទេចគ្មានសល់ និងថែមទាំងបានទម្លាយនូវរឿងរ៉ាវដ៏គួរអោយខ្លាច និងព្រឺសម្បុរមួយទាក់ទងជាមួយនឹងរឿងអមនុស្សដែលលោកបានជួប។ ដោយពេលនោះលោកសឹងតែបាត់បង់ជីវិតទៅហើយ ប៉ុន្តែលោកប្រាប់ថា ដោយសារតែអំពើល្អដែលលោកបានសាង ទើបលោកអាចរួចផុត និងជម្នះវាបានដោយគ្មានភាពភ័យខ្លាច។
ហើយនៅក្នុងសំណេរមួយនោះ តារាចម្រៀងប្រុសលោក ទ្រី សក្កដា បានបញ្ជាក់រៀបរាប់ថា «លើកទីពីរ ក្នុងជីវិតខ្ញុំ អ្នកជឿលើរឿងអមនុស្សទេ? រាល់ថ្ងៃអមនុស្សជាច្រើនកំពុងរស់នៅក្បែរខ្លួន និងទាញយកអ្នកដែលមានរាសីទាប និងបាក់ទឹកចិត្ត។ កន្លះខែមុន មិនមែនយល់សប្តិទេ ខ្ញុំអង្គុយលេងផ្ទះមិត្តខ្ញុំ តែស្រាប់តែមានអ្វីមួយខ្មៅមកគ្របដណ្តប់ខ្ញុំ ធ្វើអោយខ្ញុំបាត់ឈឹង!។ មួយសន្ទុះក្រោយមក ខ្ញុំបានភ្ញាក់មកវិញនៅលើគ្រែគេងមិត្តភ័ក្ត ហើយបើកភ្នែកដឹងខ្លួនមកឃើញមិត្តបីបួននាក់ឈរជុំវិញគ្រែខ្ញុំ ចាំជួយមើលខ្ញុំ ខ្ញុំក៏ដឹងច្បាស់ថា ខ្ញុំត្រូវបានខ្មោចចូល និងចង់យកព្រលឹងទៅ!។ ស្រមោលខ្មៅ២មានតែក្បាល បានស្រែក និងទាញដៃខ្ញុំទៅថា គេត្រូវមកយកព្រលឹងទៅស្រស់ៗ ខ្ញុំនឹងលែងបានរស់ទៀតហើយ។
លោកបន្តថា ប្រហែលជាដោយសារអំពើល្អដែលបានធ្វើអោយខ្ញុំគ្មានអារម្មណ៍ថា ខ្លាចខ្មោច ព្រាយ បីសាចទាំងនោះឡើយ ហើយព្រលឹងក៏បានចូលសណ្ឋិតរូបកាយវិញ ! តែចាប់ពីថ្ងៃនោះមក ខ្ញុំតែងតែជួបរឿងស៊យរហូតមក បើទៅគេងនៅ Hotel គឺតែងតែលឺសម្លេងមួយដូចជាអន្ទងហៅយើងអោយធ្វើអត្តឃា.ត តែខ្ញុំរឹងមាំហើយសូត្រធម៌ជាប់រហូត ! ថ្ងៃខ្លះ ៣ថ្ងៃខ្ញុំគេងបានតែ៤ម៉ោងក៏មាន ! ខ្ញុំគត់ឆ្នាំ មិនដឹងថា នឹងមានរឿងអ្វីបន្តបន្ទាប់ទៀតទេ តែខ្ញុំនឹងនៅតែបន្តគោរពប្រណិប័តន៍ព្រះធម៌ និងអ្នកមានគុណជាភ្លើងបំភ្លឺផ្លូវជីវិតមួយនេះ ! អ្នកមិនជួប គឺមិនជឿឡើយ»។
ក្រោយបានលឺលោកបង្ហើបប្រាប់ដូច្នេះភ្លាម ក៏មានអ្នកចូលទៅខមិនលើកឡើងពីមួយទៅមួយយ៉ាងដូច្នេះថា «ចាស់ៗផ្ទះខ្ញុំ តែងប្រាប់ថា ពេលជួបរឿងភិតភ័យណាមួយ ត្រូវនឹកដល់គុណមាតាបិតា និងគុណគ្រូដែលតាមថែរក្សាយើង ហើយសូត្រធម៌រហូតទៅ ក៏អាចជួយយើងបានខ្លះដែរ សូមជូនពរបងជួបតែសំណាងល្អណាបង មនុស្សល្អទេវតាតាមថែរក្សា»។
ជាការកត់សម្គាល់ មិនត្រឹមតែជាតារាចម្រៀងប្រុសដែលឆក់យកបេះដូងពីទស្សនិកជនជាច្រើនរាប់មិនអស់នោះទេ បើនិយាយអំពីសំឡេងវិញ ក៏ពីរោះស្ដាប់ទៅលន្លង់លន្លោចផ្អែមស្រទន់ រហូតធ្វើអោយគ្រប់គ្នាស្លុងទៅតាមបទចម្រៀងតែម្ដង។ ជាពិសេសតារាប្រុសដ៏ស្រស់សង្ហារូបនេះ មិនត្រឹមតែមានសំឡេងពីរោះតែមួយមុខនោះទេ តែរូបលោកក៏ត្រូវបានអ្នកគាំទ្រផ្ទុះការចាប់អារម្មណ៍ និងសរសើរមិនដាច់ពីមាត់ ចំពោះសមត្ថភាពតែងនិពន្ធទំនុកច្រៀងយ៉ាងប៉ិនប្រសប់របស់លោកផងដែរ។
ដោយជារឿយៗ គេតែងតែសង្កេតឃើញថា តារាប្រុសរូបនេះតែងតែបង្ហាញនៅអ្វីប្លែកៗជាមួយនឹងស្នាដៃរបស់លោកជាច្រើនទាំងការច្រៀង និងនិពន្ធទំនុកច្រៀងរបស់តារាចម្រៀងប្រុសរូបនេះ ស្ទើរតែគ្រប់ស្ទីលទៅហើយ។ អាចនិយាយបានថា គឺសុទ្ធសឹងតែពេញនិយមទទួលបានការគាំទ្រពីមហាជនគ្រប់ស្រទាប់តែម្ដង៕ ដោយ ៖ សុភា ដានេត
ចែករំលែកព័តមាននេះ