ក្តៅៗ! ធនាគារអាមេរិកមួយទៀត កំពុងប្រឈមដួលរលំ បន្ទាប់ពីធនាគារ SVB និង Signature
សហរដ្ឋអាមេរិក ៖ បណ្តាធនាគារធំរបស់សហរដ្ឋអាមេរិកមួយក្រុម បានបញ្ចូលទឹកប្រាក់ចំនួន ៣០
សហរដ្ឋអាមេរិក ៖ បណ្តាធនាគារធំរបស់សហរដ្ឋអាមេរិកមួយក្រុម បានបញ្ចូលទឹកប្រាក់ចំនួន ៣០
សហរដ្ឋអាមេរិក ៖ បណ្តាធនាគារធំរបស់សហរដ្ឋអាមេរិកមួយក្រុម បានបញ្ចូលទឹកប្រាក់ចំនួន ៣០ពាន់លានដុល្លារទៅក្នុងធនាគារក្នុងតំបន់តូចមួយ ដែលមានឈ្មោះថា «First Republic» ដែលត្រូវបានគេមើលឃើញថា កំពុងមានហានិភ័យខ្ពស់នៃការដួលរលំ។
ចំណាត់ការនេះ បានកើតឡើងនៅពេលដែលអាជ្ញាធរអាមេរិកកំពុងព្យាយាមបំបាត់ការភ័យស្លន់ស្លោចំពោះសុខភាពនៃប្រព័ន្ធធនាគាររបស់ខ្លួន បន្ទាប់ពីការដួលរលំនៃធនាគារ Silicon Valley Bank (SVB)និង Signature Bank|បន្តបន្ទាប់គ្នា កាលពីពេលថ្មីៗនេះ។ ការព្រួយបារម្ភអំពីវិស័យនេះ បានរីករាលដាលពាសពេញពិភពលោក ដែលបង្កើនដល់ការភ័.យខ្លា.ចនៃវិបត្តិសេដ្ឋកិច្ចពិភពលោក។
និយតករអាមេរិកបានហៅការផ្លាស់ប្តូរនេះថា ការស្វាគមន៍ដ៏ធំបំផុត ខណៈពេលដែលបណ្តាធនាគារជាច្រើនបានលើកឡើងថា សកម្មភាពពួកគេគឺឆ្លុះបញ្ចាំងអំពីទំនុកចិត្ត ដោយសារតែប្រព័ន្ធធនាគារមានសាច់ប្រាក់ច្រើន និងទទួលបានប្រាក់ចំណេញយ៉ាងច្រើន ហើយព្រឹត្តិការណ៍ដែលកើតឡើងថ្មីៗនេះ មិនមានអ្វីផ្លាស់ប្តូរអ្វីនោះទេ។ ស្របពេលដែលសកម្មភាពរបស់បណ្តាធនាគារធំៗរបស់អាមេរិក ក៏បានឆ្លុះបញ្ចាំងអំពីទំនុកចិត្តពួកគេ ចំពោះប្រព័ន្ធធនាគាររបស់ប្រទេសមហាអំណាចសេដ្ឋកិច្ចធំបំផុតរបស់ពិភពលោកមួយនេះ។
របាយការណ៍នៃផែនការសម្រាប់ជំនួយពីធនាគារទាំង១១ ដែលដឹកនាំដោយក្រុមហ៊ុន JP Morgan និង Citigroup បានជួយលើកទីផ្សារហិរញ្ញវត្ថុ និងបានបញ្ជូនភាគហ៊ុននៅក្នុងធនាគារ First Republic ដែលកើនឡើងជាង ២០%។
ធនាគារ First Republic ដែលមានមូលដ្ឋានក្នុងទីក្រុងសាន់ហ្វ្រាន់ស៊ីស្កូសាន់នៃរដ្ឋកាលីហ្វ័រញ៉ាបានមើលឃើញថា តម្លៃភាគហ៊ុនរបស់ខ្លួនបានធ្លាក់ចុះជិត ៧០% នៅក្នុងសប្តាហ៍ចុងក្រោយនេះ។
ដោយសារអ្នកវិនិយោគព្រួយបារម្ភថា First Republic គឺជាធនាគារបន្ទាប់ដែលមានហានិភ័យនៃការប្រញាប់ប្រញាល់របស់អតិថិជនក្នុងការដកប្រាក់បញ្ញើរបស់ពួកគេ បើទោះបីជាមន្ត្រីហិរញ្ញវត្ថុអាមេរិកបានអះអាងពីការបង្ហាញការគាំទ្រដោយក្រុមធនាគារធំៗសម្រាប់ធនាគារមួយនេះ ព្រមទាំងភាពធន់នៃប្រព័ន្ធធនាគារយ៉ាងណាក៏ដោយ៕ (ដកស្រង់ចេញពី BBC)
ចែករំលែកព័តមាននេះ