ឃាត់ខ្លួនមុខសញ្ញាប្រើប្រាស់គ្រឿងញៀ.ន៧នាក់
ខេត្តពោធិ៍សាត់ ៖ កាលពីវេលាម៉ោង១៧និង៣០នាទីល្ងាច ថ្ងៃទី២៥ ខែកញ្ញា ឆ្នាំ២០១៧ កម្លាំងជំនាញអធិការដ្ឋាននគរបាលស្រុកក្រគរ
ខេត្តពោធិ៍សាត់ ៖ កាលពីវេលាម៉ោង១៧និង៣០នាទីល្ងាច ថ្ងៃទី២៥ ខែកញ្ញា ឆ្នាំ២០១៧ កម្លាំងជំនាញអធិការដ្ឋាននគរបាលស្រុកក្រគរ
ខេត្តពោធិ៍សាត់ ៖ កាលពីវេលាម៉ោង១៧និង៣០នាទីល្ងាច ថ្ងៃទី២៥ ខែកញ្ញា ឆ្នាំ២០១៧ កម្លាំងជំនាញអធិការដ្ឋាននគរបាលស្រុកក្រគរ សហការជាមួយកម្លាំងប៉ុស្តិ៍រដ្ឋបាលឈើតុំ បានចុះបង្ក្រាបករណីគ្រឿងញៀននៅភូមិកាប៉ាស់ ឃុំឈើតុំ ស្រុកក្រគរ ឃាត់ខ្លួនមុខសញ្ញាប្រើប្រាស់បានចំនួន៧នាក់ រួមជាមួយឧបករណ៍ជក់មួយចំនួនទៀត ប៉ុន្តែមិនចាប់បានថ្នាំញៀននោះទេ ។
សមត្ថកិច្ចឲ្យដឹងថា បុរសជាមុខសញ្ញាដែលឃាត់ខ្លួនបានទាំង៧នាក់នេះមានឈ្មោះ ៖ ១.លី មុនីរ័ត្ន អាយុ២៧ឆ្នាំ, ២.ឈ្មោះ សូ វាសនា អាយុ៣៨ឆ្នាំ, ៣.ភាព មេសា អាយុ២៧ឆ្នាំ, ៤.ចក់ តុលា អាយុ១៧ឆ្នាំ, ៥.អាង ណារិន អាយុ១៧ឆ្នាំ, ៦.ណាត វណ្ណេត អាយុ១៧ឆ្នាំ, និង៧.ឈុន លីហៀង អាយុ២៣ឆ្នាំ ។ ពួកគេទាំងអស់ រស់នៅភូមិកាប៉ាស់ ឃុំឈើតុំ ស្រុកក្រគរ ខេត្តពោធិ៍សាត់ ។ វត្ថុតាងមានតែឧបករណ៍បម្រើឲ្យការជក់ និងថង់សម្រាប់ច្រកចែកចាយថ្នាំញៀនតែប៉ុណ្ណោះ ដែលថ្នាំញៀនអាចពួកគេគ្រវែងចោលទៅក្នុងទឹក ខណៈពេលដែលសមត្ថកិច្ចទៅដល់ ។
មុខសញ្ញាជក់ និងចែកចាយគ្រឿងញៀនខាងលើ ឪពុកម្ដាយ និងអាណាព្យាបាល បានធានាធ្វើកិច្ចសន្យាសុំយកទៅអប់រំនៅផ្ទះលើកទីមួយ បើមានជាលើកទីពីរ នឹងប្រគល់ឲ្យទៅសមត្ថកិច្ចចាត់ការតាមច្បាប់ ៕
ចែករំលែកព័តមាននេះ