អណ្ដាតភ្លើងឆាបឆេះព្រះរាជដំណាក់តូច (ព្រះអង្គចូលគង់) យ៉ាងសន្ធោសន្ធៅ (វីដេអូ)
- សៀមរាប
មានករណីអគ្គិភ័យឆាបឆេះព្រះរាជដំណាក់តូចយ៉ាងសន្ធោសន្ធៅ បង្កឱ្យមានការភ្ញាក់ផ្អើលកាលពី
មានករណីអគ្គិភ័យឆាបឆេះព្រះរាជដំណាក់តូចយ៉ាងសន្ធោសន្ធៅ បង្កឱ្យមានការភ្ញាក់ផ្អើលកាលពី
ខេត្តសៀមរាប ៖ បើតាមសេចក្តីរាយការណ៍បឋមបានឱ្យដឹងថា មានករណីអគ្គិភ័យឆាបឆេះព្រះរាជដំណាក់តូចយ៉ាងសន្ធោសន្ធៅ បង្កឱ្យមានការភ្ញាក់ផ្អើលកាលពីវេលាម៉ោង៩និង៤៥នាទីយប់ ថ្ងៃទី១២ ខែមីនា ឆ្នាំ២០២៣ នៅចំណុចមុខព្រះអង្គចេក ព្រះអង្គចម ស្ថិតក្នុងភូមិមណ្ឌល១ សង្កាត់ស្វាយដង្គំ ក្រុងខេត្តសៀមរាប។
សេចក្ដីរាយការណ៍បន្តថា ហើយមូលហេតុជាជំហានដំបូង គឺបណ្តាលមកពីការធ្វេសប្រហែសរបស់ក្រុមជាងដែលខុសបច្ចេកទេស ព្រោះតែបានធ្វើទាំងយប់ទាំងថ្ងៃ។ នេះបើយោងតាមប្រភពពីសមត្ថកិច្ចជំនាញ នៃស្នងការនគរបាលខេត្តសៀមរាបបានប្រាប់ដឹង។ ហើយខណៈមកដល់ម៉ោង១១និង៤០នាទីយប់នេះ កម្លាំងសមត្ថកិច្ចចម្រុះកំពុងតែមមាញឹកញាប់ដៃញាប់ជើង ដើម្បីជួយបាញ់ទឹកពន្លត់ហើយ។
បើតាមប្រភពពីសមត្ថកិច្ចដែលឃើញហេតុការណ៍ បានប្រាប់ឱ្យថា មុនពេលកើតហេតុ ពួកគាត់កំពុងតែដើរល្បាត ក៏ស្រាប់តែក្រឡេកឃើញអណ្តាតភ្លើងឆាបឆេះចេញពីព្រះរាជដំណាក់តូច ដែលសម្រាប់ព្រះអង្គទ្រង់ចូលគង់ បណ្ដាលឱ្យហុយផ្សែងយ៉ាងខ្មួលខ្មាញ់ពេញលើដំបូលតែម្តង។ ខណៈពេលនោះ ពួកគាត់ក៏បោះដៃតាមវិទ្យុទាក់ទងទៅរថយន្តសង្គ្រោះបន្ទាន់របស់ស្នងការដ្ឋាននគរបាលខេត្តសៀមរាប ដើម្បីអន្តរាគមន៍ជួយបាញ់ទឹកពន្លត់។
សមត្ថកិច្ចបន្តថា លុះមួយសន្ទុះក្រោយមក ក៏ឃើញរថយន្តពន្លត់អគ្គិភ័យមកដល់ រួមមាន ៖ រថយន្តពន្លត់អគ្គីភ័យរបស់ស្នងការដ្ឋាននគរបាលខេត្ត, រថយន្តពន្លត់អគ្គិភ័យរបស់កងរាជអាវុធហត្ថខេត្ត, រថយន្តពន្លត់អគ្គិភ័យរបស់ អប្សរា, រថយន្តពន្លត់អគ្គិភ័យរបស់ព្រលានយន្តហោះខេត្តសៀមរាប ជាច្រើនគ្រឿងផងដែរ មកជួយអន្តរាគមន៍បាញ់ទឹកពន្លត់អគ្គិភ័យខាងលើនេះ។
ព័ត៌មានបន្ថែម និងលំអិត នឹងមានផ្សាយជូននៅពេលក្រោយបន្តទៀត ។
ចែករំលែកព័តមាននេះ