ត្រូវគេកា.ប់រងរបួសធ្ងន់ ទើបដឹងថា…
រាជធានីភ្នំពេញ ៖ បុរសម្នាក់ត្រូវជនមិនស្គាល់មុខ
រាជធានីភ្នំពេញ ៖ បុរសម្នាក់ត្រូវជនមិនស្គាល់មុខ
រាជធានីភ្នំពេញ ៖ បុរសម្នាក់ត្រូវជនមិនស្គាល់មុខកាប់ជាច្រើនដាវសាំម៉ូរ៉ៃ បណ្តាលឱ្យរងរបួសធ្ងន់ ហើយជនបង្ករត់គេចខ្លួនបាត់ស្រមោល ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១២នឹង៣០នាទីរំលងអធ្រាត្រឈានចូលថ្ងៃទី៥ ខែកញ្ញា ឆ្នាំ២០១៧ តាមបណ្តោយផ្លូវ១៥៤ កែងផ្លូវ៥១ ស្ថិតនៅក្នុងសង្កាត់ផ្សារថ្មី៣ ខណ្ឌដូនពេញ ។ ជនរងគ្រោះមានឈ្មោះ អាព្រឹម ភេទប្រុស អាយុ៣០ឆ្នាំ ស្នាក់នៅនឹងមុខរបរមិនពិតប្រាកដ ។
សាក្សីដែលឃើញហេតុការណ៍បានឱ្យដឹងថា មុនពេលកើតហេតុគេបានឃើញបុរសជាជនរងគ្រោះម្នាក់មិនដឹងថាមានរឿងអីជាមួយជនបង្កនោះទេ ត្រូវជនដៃដល់បានជាយកដាវសាំម៉ូរៃដេញកាប់ហូរឈាមស្រោចពេញខ្លួនហើយបានរត់ទៅ ដេកដួលនៅមុខផ្សារសូរិយាម៉លស្រែកអោយគេជួយ បង្កអោយមានការភ្ញាក់ផ្អើលដល់សមត្ថកិច្ចមូលដ្ឋានចុះមកកន្លែងទាក់ទងហៅរថយន្តសង្គ្រោះដឹកយកទៅព្យាបាល ។ ចំណែកឯជនបង្កវិញបានរត់គេចខ្លួនបាត់ស្រមោល ។ ជនរងគ្រោះបានរៀបរាប់ប្រាប់ឱ្យដឹងថា គាត់មិនបានស្គាល់មុខជនបង្កនិងមិនដែលមានរឿងជាមួយអ្នកណានោះទេ ខណៈដែលកំពុងតែឡើងកាំជណ្តើរទៅជាន់ខាងលើ ស្រាប់តែមានជនដៃដល់កាប់គាត់ជាច្រើនដាវសាំម៉ូរ៉ៃតែម្តង ។
បើតាមប្រភពព័ត៌មានពីសមត្ថកិច្ចវិញបានប្រាប់ឱ្យដឹងថា ជនរងគ្រោះនេះកាលពីម៉ោង៦ល្ងាចថ្ងៃកើតហេតុបានលួចយកកាបូបលុយរបស់ជនជាតិបរទេសម្នាក់ដែលឈរនៅមុខផ្សារសូរិយាម៉ល ប៉ុន្តែលួចមិនបានសម្រេច ។ ហើយជនបរទេសមិនបានទៅដាក់ពាក្យបណ្ដឹងនោះទេ។ ក្រោយឃើញជនរងគ្រោះខាងលើដែលត្រូវជនមិនស្គាល់មុខកាប់របួស ទើបដឹងថាជននេះធ្លាប់លួចកាបូបលុយជនបរទេសតែមិនបានសម្រេច ។ ក្រោយពេលកើតហេតុ រថយន្តសង្គ្រោះរបស់គ្លីនិកឯកជនហុងហាក់មកដល់ដឹកយកជនរងគ្រោះយកទៅព្យាបាល ៕
ចែករំលែកព័តមាននេះ