ពិតជាឈា.មស្រែកស្បែកហៅមែន បុរសអាណិកជនខ្មែររស់នៅសហរដ្ឋអាមេរិកម្នាក់ ដែលជាប្តីបានជិះយន្តហោះមកសម្លា.ប់ប្រពន្ធដល់ក្នុងផ្ទះនៅខណ្ឌពោធិ៍សែនជ័យ រាជធានីភ្នំពេញ រួចប៉ុនប៉ងរត់គេចខ្លួនទៅប្រទេសទីបីវិញនោះ ទីបំផុត
រាជធានីភ្នំពេញ ៖ ពិតជាឈា.មស្រែកស្បែកហៅមែន បុរសអាណិកជនខ្មែររស់នៅសហរដ្ឋអាមេរិកម្នាក់ ដែលជាប្តីបានជិះយន្តហោះមកសម្លា.ប់ប្រពន្ធដល់ក្នុងផ្ទះនៅខណ្ឌពោធិ៍សែនជ័យ រាជធានីភ្នំពេញ រួចប៉ុនប៉ងរត់គេចខ្លួនទៅប្រទេសទីបីវិញនោះ ទីបំផុតត្រូវបានកម្លាំងសមត្ថកិច្ចនគរបាលកម្ពុជា សហការជាមួយអាជ្ញាធរនៃប្រទេសថៃ ចាប់ខ្លួនបានហើយ ដែលជនដៃដល់រូបនេះមានឈ្មោះ មូល ណេត អាយុ៦៣ឆ្នាំ ជាអាណិកជនខ្មែររស់នៅសហរដ្ឋអាមេរិក។
តាមប្រភពព័ត៌មានបឋមបានឲ្យដឹងថា ក្រោយពីកើតមានអំពើឃា.តកម្ម ប្តីអាណិកជនខ្មែរជាជនដៃដល់សម្លា.ប់ប្រពន្ធ រួចប៉ុនប៉ងរត់គេចខ្លួនទៅអាមេរិកវិញនោះ ឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងនគរបាលជាតិ បានដាក់បទបញ្ជាដល់កម្លាំងសមត្ថកិច្ចជំនាញនគរបាលក្រសួងមហាផ្ទៃ ឲ្យស្វែងរកចាប់ខ្លួនជនដៃដល់ជាឃា.តករនោះឲ្យខាងតែបាន បើទោះបីជាជននោះរត់ទៅដល់ទីណាក៏ដោយ។ ទីបំផុត កាលពីថ្ងៃទី២៥ ខែកុម្ភៈ ឆ្នាំ២០២៣នេះ កម្លាំងសមត្ថកិច្ចនគរបាលកម្ពុជា បានទៅសហការជាមួយអាជ្ញាធរថៃ តាមចាប់ខ្លួនជនដៃដល់នៅកណ្តាលទីក្រុងបាងកក និងបានបញ្ជូនមកកម្ពុជាវិញផងដែរ។
កម្លាំងសហការល្អនៃប្រទេសទាំងពីរ បាននាំជនជាឃា.តករមកដល់ព្រំប្រទល់ដែនដីប៉ោយប៉ែត ខេត្តបន្ទាយមានជ័យ នៅម៉ោងប្រមាណ៥រសៀលថ្ងៃដដែលនោះ ហើយភាគីទាំងពីរបានធ្វើពិធីប្រគល់ជនសង្ស័យឲ្យមកសមត្ថកិច្ចកម្ពុជា ក្រោមការចូលរួមពីស្ថាប័នពាក់ព័ន្ធ និងអាជ្ញាធរដែនដីផងដែរ ដើម្បីនាំខ្លួនជនជាឃា.តករមកទទួលទោសតាមផ្លូវច្បាប់។
ខណៈពេលនោះដែរកម្លាំងសមត្ថកិច្ចនគរបាលនាយកដ្ឋានអន្តោប្រវេស ដែលហៅថា «ប៉ូលិសអាំតែប៉ូល» និងនគរបាលជំនាញព្រហ្មទណ្ឌរាជធានីភ្នំពេញ បាននាំឃា.តករមកភ្នំពេញទាំងយប់ រហូតម៉ោង១ពាក់កណ្តាលអធ្រាត្រឈានចូលថ្ងៃទី២៦ ខែកុម្ភៈ ទើបមកដល់។ ហើយជនសង្ស័យក៏បានឃុំខ្លួនទុកនៅនាយកដ្ឋានអន្តោប្រវេសមួយយប់ លុះព្រឹកថ្ងៃទី២៦ ខែកុម្ភៈនេះ បានប្រគល់ឲ្យទៅនគរបាលជំនាញព្រហ្មទណ្ឌកម្រិតធ្ងន់រាជធានីភ្នំពេញ ដើម្បីកសាងសំណុំរឿងបញ្ជូនឃា.តករទៅសាលាដំបូងរាជធានីភ្នំពេញ ចាត់ការតាមនីតិវិធីច្បាប់។
គួររំលឹកថា ៖ សង្ស័យភ្លើងប្រច័ណ្ឌ កាលពីប៉ុន្មានថ្ងៃមុន បុរសចំណាស់ជាអណិកជនខ្មែរ-អាមេរិកកាំងម្នាក់បានទាស់គ្នាជាមួយប្រពន្ធ តាមបណ្ដាញសង្គមអនឡាញមិនអស់ចិត្ត លុះប៉ុន្មានថ្ងៃក្រោយមក បុរសនោះក៏បានលួចចាកចេញពីសហរដ្ឋអាមេរិកធ្វើដំណើរមកប្រទេសកម្ពុជាស្ងាត់មិនឲ្យពន្ធដឹង ។ បន្ទាប់មកបានមានទំនាស់ជាមួយប្រពន្ធជាថ្មីម្ដងទៀត រួចក៏បានវា.យ និងឆ.ក់ខ្សែភ្លើងប្រពន្ធរហូតដល់ស្លា.ប់បាត់បង់ជីវិត ហើយច្រកស.ពចូលក្នុងវ៉ាលីស១សង្ស័យបម្រុងដឹកយកស.ពយកទៅបោះចោល ។
ប៉ុន្តែខណៈនោះកូនស្រីបានរត់ទៅហៅក្មួយស្រីរបស់ប្រពន្ធម្នាក់ ឲ្យជួយ ហើយក្មួយស្រីរូបនោះក៏បានរត់ចូលទៅមើល និងដើររកមួយសន្ទុះ ទើបឃើញម្ដាយមីងដេកស្លា.ប់នៅក្នុងវ៉ាលីសនៅបន្ទប់ទឹក ។ចំណែកជនដៃដល់ឆ្លៀតពេលដែលក្មួយស្រីកំពុងរកម្ដាយមីង(ប្រពន្ធរបស់ខ្លួន) ក៏បានកិបសោទ្វារផ្ទះពីខាងក្រៅជាប់បង្ខាំងទុកក្មួយស្រី និងស.ពប្រពន្ធនៅក្នុងផ្ទះ រួចជិះម៉ូតូគេចខ្លួនបាត់ដោយសុវត្ថិភាពតែម្ដង។
ហេតុការណ៍ខាងលើនេះបានបង្កឲ្យភ្ញាក់ផ្អើលកើតឡើងកាលពីវេលាម៉ោង១០និង៣០នាទីព្រឹកថ្ងៃទី២៤ ខែកុម្ភៈ ឆ្នាំ២០២៣ នៅផ្ទះលេខA11 ផ្លូវបេតុង ភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។
ជនដៃដល់ជាប្តីឈ្មោះ មូល ណេត អាយុ៦៣ឆ្នាំ ជាអណិកជនខ្មែរ រស់នៅសហរដ្ឋអាមេរិក ចំណែកស្ត្រីរងគ្រោះជាប្រពន្ធដែលស្លា.ប់ឈ្មោះកែវ ស្រីមុំ ភេទស្រី អាយុ៣៨ឆ្នាំ ស្នាក់នៅក្នុងផ្ទះកើតហេតុ មានមុខរបរបើកហាងសាឡន ស្ថិតនៅផ្ទះមួយកន្លែងទៀតលេខ៥៧ ផ្លូវលំ ភូមិបុរី១០០ខ្នង សង្កាត់ទឹកថ្លា ខណ្ឌសែនសុខ រាជធានីភ្នំពេញ។
គួររំលឹកទៀតថា ៖ កូនស្រីទម្លាយរឿងឪពុកជាអាណិកជន ផ្តាច់ជីវិតម្តាយដាក់វ៉ាលី និងប៉ងទាំងជីវិតនាងទៀត ។
ចែករំលែកព័តមាននេះ