ដោយសារជំងឺមហារីកខួរក្បាល ទើបឧកញ៉ាគ្រឿងញៀ.នស៊ីឡាឡួយ…
មេខ្លោងជួញដូរគ្រឿងញៀនជាង៥៦គីឡូក្រាម ឧកញ៉ា ស៊ីឡាឡយ ហៅស៊ី ខាំឡយ
រាជធានីភ្នំពេញ ៖ តាមសេចក្តីរាយការណ៍ នារសៀលម៉ោង៣ថ្ងៃទី២២ សីហា មេខ្លោងជួញដូរគ្រឿងញៀនជាង៥៦គីឡូក្រាម ឧកញ៉ា ស៊ីឡាឡយ ហៅស៊ី ខាំឡយ បានស្លាប់ នៅក្នុងមន្ទីរពេទ្យមិត្តភាពខ្មែរ-សូវៀត ដោយជំងឺមហារីកខួរក្បាល ។ ឧកញ៉ាស៊ី ឡាឡយ មានជំងឺប្រចាំកាយ ហើយធ្លាក់ខ្លួនឈឺធ្ងន់នៅថ្ងៃទី២១ សីហា ត្រូវបានអនុរក្សពន្ធនាគារព្រៃ.ស នាំទៅសង្គ្រោះនៅមន្ទីរពេទ្យមិត្តភាពខ្មែរ-សូវៀត និងបានស្លាប់បាត់បង់អាយុជីវិតនៅទីនោះ ។
ប្រភពព័ត៌មានបានឱ្យដឹងថា ក្រោយពីឧកញ៉ាគ្រឿងញៀនស្លាប់ គណ:កម្មការមួយដឹកនាំដោយព្រះរាជអាជ្ញារងម្នាក់ ដោយមានសមត្ថកិច្ចពាក់ព័ន្ធបានចុះទៅពិនិត្យសពដោយការធ្វើកោសល្យវិច័យ ដើម្បីបញ្ជាក់ពីមូលហេតុនៃការបាត់បង់អាយុជីវិតមេឈ្មួញគ្រេឿងញៀនដ៏ធំម្នាក់នេះ ។ ប៉ុន្តែមិនទាន់មានប្រភពច្បាស់លាស់ថា ក្រោយពិនិត្យចប់សព្វគ្រប់ហើយ តើសាកសពនឹងត្រូវយកទៅបូជានៅទីណា ឬក៏ប្រគល់ឱ្យទៅក្រុមគ្រួសារយកទៅធ្វើបុណ្យនោះទេ ។ តែតាមប្រភពព័ត៌មានថា ក្រុមគ្រួសារនឹងយកសពឧកញ៉ាថៅកែសណ្ឋាគាររតនសម្បត្តិទៅធ្វើបុណ្យនៅក្រុងបាលុង ខេត្តរតនគិរី តែមិនទាន់ប្រាកដទេថានៅឯផ្ទះ ឬតម្កល់នៅឯវត្តទេ ព្រោះផ្ទះត្រូវបានសមត្ថកិច្ចបិទទ្វារតាមនីតិវិធីច្បាប់ ។
គួរបញ្ជាក់ថា កាលពីរសៀលថ្ងៃទី៣០ ឧសភា ចៅក្រមសើុបសួរសាលាដំបូងរាជធានីភ្នំពេញបានបង្គាប់ទៅអនុរក្សពន្ធនាគារព្រៃស ឱ្យនាំខ្លួនឧកញ៉ាម្ចាស់គ្រេឿងញៀនជាង៥៦គីឡូក្រាម និងគូកនម្នាក់មកសាកសួរក្រោយពេលចាប់ខ្លួននៅយប់ថ្ងៃទី១៨ ឧសភាកន្លងមក។ ក្រោយការសាកសួរហើយ នៅព្រលប់ថ្ងៃដដែល លោកចៅក្រមបានអនុញ្ញាតឱ្យអនុរក្សពន្ធនាគារនាំឧកញ៉ា និងគូកនម្នាក់នោះទៅឃុំខ្លួនបណ្តោះអាសន្ននៅកន្លែងដើមវិញ ។
ឧកញ៉ាស៊ី ឡាឡយ ហៅ ខាំឡយ អាយុ៤២ឆ្នាំ ត្រូវបានចាប់ខ្លួនជាមួយគូកនម្នាក់ទៀតឈ្មោះ លួន សុផា ភេទប្រុស អាយុ៣០ឆ្នាំ ។កាលពីរសៀលថ្ងៃទី២៣ ឧសភា ២០១៧ ចៅក្រមសាលាដំបូងរាជធានីភ្នំពេញ បានសម្រេចចេញដីកាឃុំខ្លួនឧកញ៉ាគ្រឿងញៀន និងគូកនដាក់ពន្ធនាគារព្រៃសជាបណ្តោះអាសន្ន ក្រោមការចោទប្រកាន់ពីបទរក្សាទុក និងជួញដូរដោយខុសច្បាប់នូវសារធាតុញៀន (គ្រឿងញៀនជាង៥៦គីឡូក្រាម) ។
ជនសង្ស័យជាគូកនត្រូវបានសមត្ថកិច្ចនគរបាលមន្ទីរប្រឆាំងគ្រេឿងញៀនចាប់ខ្លួនកាលពីល្ងាចថ្ងៃទី១៨ ឧសភា នៅម្តុំផ្សារថ្មី ខណ្ឌដូនពេញ ដកហូតថ្នាំញៀនបាន២គីឡូក្រាម និងនៅវេលារំលងអធ្រាត្រឈានចូលថ្ងៃទី១៩ ឧសភា បានទៅដកហូតថ្នាំញៀននៅទីតាំងមួយកន្លែងទៀត មុខវត្តសំរោងអណ្តែត សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញបានថ្នាំញៀនជាង៥០គីឡូក្រាមដោយមានថ្នាំញៀនចំនួន៣ប្រភេទ។
លុះព្រឹកថ្ងៃទី២០ ឧសភា មន្ទីរប្រឆាំងគ្រឿងញៀនបានរៀបចំធ្វើសន្និសីទសារព័ត៌មានដោយ លោកឧត្តសេនីយ៍ឯកម៉ក់ ជីតូ អគ្គស្នងការរងនគរបាលជាតិទទួលការងារប្រយុទ្ធប្រឆាំងគ្រេឿងញៀន និងលោកឧត្តមសេនីយ៍ឯក ឡឹក វណ្ណ: នាយកមន្ទីរប្រឆាំងគ្រឿងញៀននៃក្រសួងមហាផ្ទៃ ព្រមទាំងមន្ត្រីជំនាញនៃមន្ទីរប្រឆាំងគ្រឿងញៀនបំភ្លឺជុំវិញករណី។
ចែករំលែកព័តមាននេះ