ជារឿងមួយដែលស្ទើរតែទទួលយកមិនបាននោះឡើយ សម្រាប់ការបាត់បង់វត្តមានរបស់តារាសម្ដែងស្រីដ៏ល្បីឈ្មោះTangmo Nida ហើយក៏ជាការចងចាំដ៏ល្អមួយផងដែរ។ ដោយមានអ្នកគាំទ្រមិនតិចនាក់នោះទេ បាននាំគ្នា
ប្រទេសថៃ ៖ នៅថ្ងៃទី២៤ ខែកុម្ភ: ឆ្នាំ២០២៣នេះ ជារឿងមួយដែលស្ទើរតែទទួលយកមិនបាននោះឡើយ សម្រាប់ការបាត់បង់វត្តមានរបស់តារាសម្ដែងស្រីដ៏ល្បីឈ្មោះTangmo Nida ហើយក៏ជាការចងចាំដ៏ល្អមួយផងដែរ។ ដោយមានអ្នកគាំទ្រមិនតិចនាក់នោះទេ បាននាំគ្នាត្រៀមរៀបចំកម្មវិធីរំលឹកខួប១ឆ្នាំនៃការស្លា.ប់របស់កំពូលតារាស្រីរូបនេះ ដោយសារការធ្លាក់ទូកនៅទន្លេចៅប្រាយ៉ា កាលពីកន្លងទៅ។
មិនតែប៉ុណ្ណោះក៏ឃើញថា មហាជនក៏ដូចជាអ្នកគាំទ្រទាំងប្រុសទាំងស្រីបានរៀបចំសម្រាប់ព្រឹត្តិការណ៍មួយនេះ ដែលធ្វើឡើងដើម្បីរំលឹកដល់តារាស្រីដ៏ស្រស់ស្អាត Tangmo ផ្ទាល់តែម្ដង ដែលស្ថិតនៅផែភ្លើងសង្ក្រាន្តទី១ កាលពីថ្ងៃទី២៦ ខែកុម្ភៈ ឆ្នាំ២០២២។
យ៉ាងណាមិញ សម្រាប់គម្រប់ខួប១ឆ្នាំ កាលពីថ្ងៃទី២៤ ខែកុម្ភៈ កន្លងទៅនេះដែរ គឺជាការបាត់បង់ដ៏ធំធេងបំផុតសម្រាប់វិស័យសិល្បៈ នៅពេលដែលតារាស្រី Tangmo Nida Patcharaveerapong ដែលមានអាយុ៣៧ឆ្នាំ ត្រូវជាតារាសម្តែងស្រីដ៏ល្បី និងមានឥទ្ធិពលមួយរូបនៅក្នុងប្រទេសថៃ។ ហើយនាងបានធ្លាក់ពីលើទូកក្នុងល្បឿនលឿននៅកណ្តាលទន្លេចៅប្រាយ៉ា កណ្ដាលយប់អធ្រាត្រ និងត្រូវបានគេជិះតាមរកនៅតំបន់ជុំវិញស្ពានមួយ មានឈ្មោះថា «Rama VII» ខេត្ត Nonthaburi ដែលបានស្លា.ប់នៅថ្ងៃទី២៤ ខែកុម្ភៈ ឆ្នាំ២០២២ ហើយសាកស.ពនាងត្រូវបានរកឃើញនៅថ្ងៃទី២៦ ខែកុម្ភៈ ឆ្នាំ២០២២។ បច្ចុប្បន្ននេះផងដែរ សំណុំរឿងនេះកំពុងតែស្ថិតនៅក្នុងតុលាការ មិនត្រឹមតែប៉ុណ្ណោះនៅកណ្តាលសង្គម ដែលនៅតែមានភស្តុតាងចម្រូងចម្រាសជាច្រើនផងដែរ។
ទន្ទឹមនឹងនោះ ចំពោះការស្លា.ប់ទៅដ៏អាថ៌កំបាំងរបស់តារាស្រីរូបនេះ គេនៅមិនទាន់រកឃើញនៅឡើយទេថា តើនាងបានស្លា.ប់ដោយសារតែធ្លាក់ពីលើទូក? ឬក៏មានអ្នកធ្វើបាបនាងនៅឡើយនោះទេ? ដូច្នេះមានតែនៅរង់ចាំចម្លើយក្នុងដំណើរការយុត្តិធម៌តែប៉ុណ្ណោះ។
បើយើងនាំគ្នាងាកក្រឡេកទៅមើលនៅក្នុងការបង្ហោះខាងលើនោះវិញ ឃើញថា មានអ្នកចែករំលែក និងបញ្ចេញមតិយ៉ាងច្រើន និងបានពោលពាក្យលើកឡើងដូច្នេះថា «អោយតែមើល និងសម្លឹងរូបភាពរបស់គាត់ម្ដងៗ ខ្ញុំមានអារម្មណ៍ថា នឹកគាត់ជាខ្លាំង» «ពេលនេះគាត់ទៅបានសុខហើយ ខ្ញុំនឹងចងចាំមិនភ្លេចនោះទេ នៅវត្តមានរបស់អ្នក» «តែអ្វីដែលត្រេកអរជាងនេះទៅទៀតនោះ អ្នកគាំទ្ររបស់តារាសម្ដែង Tangmo Nida បានរួមគ្នាតុបតែងលម្អនៅផែ Pibuulsongkram Pier1 ឃុំ Suan Yai ស្រុក Muang ខេត្ត Nonthaburi ដើម្បីរៀបចំពិធីរំលឹកខួបគម្រប់១ឆ្នាំ។ ដែលនឹងប្រព្រឹត្តទៅនៅថ្ងៃទី២៦ ខែកុម្ភៈ ឆ្នាំ២០២៣ ខាងមុខនេះតែម្ដង»៕ ដោយ ៖ សុភា ដានេត
ចែករំលែកព័តមាននេះ