ប៉ិអើយប៉ិ… ប៉ិឯង ចេះរកគុកច្រវាក់ឃើញ
ខេត្តកណ្តាល ៖ សេចក្តីរាយការណ៍ឱ្យដឹងថា កម្លាំងនគរបាលប៉ុស្តិ៍រដ្ឋបាលភូមិធំ បានឃាត់ខ្លួនបុរសញៀនថ្នាំម្នាក់
ខេត្តកណ្តាល ៖ សេចក្តីរាយការណ៍ឱ្យដឹងថា កម្លាំងនគរបាលប៉ុស្តិ៍រដ្ឋបាលភូមិធំ បានឃាត់ខ្លួនបុរសញៀនថ្នាំម្នាក់ នៅចំណុចភូមិកោះប្រាក់ចាស់ ឃុំភូមិធំ ស្រុកកៀនស្វាយ ខេត្តកណ្តាល ដោយមានយោងពាក្យបណ្តឹងពលរដ្ឋ២នាក់ ក្រោយជននេះបានគំរាមកំហែងនឹងថាសម្លាប់ ។
តាមពាក្យបណ្តឹងរបស់ជនរងគ្រោះទាំង២ ទី១-ឈ្មោះកែវ ស៊ីណាង ភេទស្រី អាយុ៥៧ឆ្នាំ ជាអ្នកលក់ដូរ មានទីលំនៅភូមិ-ឃុំកើតហេតុ និង២-ឈ្មោះលី ផល្លា ភេទប្រុស អាយុ៤៣ឆ្នាំ ជាកសិករ មានទីលំនៅក្នុងភូមិជាមួយគ្នា ។ ដោយឡែក ជនសង្ស័យឈ្មោះហ៊ន សុភាវុធ អាយុ៣១ឆ្នាំ ជាមនុស្សញៀនថ្នាំ និងផឹកស្រាជាប្រចាំ ។
បើតាមម្ចាស់បណ្តឹងទាំង២នាក់បានរៀបរាប់ថា កាលពីវេលាម៉ោង០៥ល្ងាចថ្ងៃទី១៦ សីហា ជនញៀនថ្នាំម្នាក់នេះបានផឹកស្រារហូតស្រវឹង ស្រាប់តែយកកាំបិតទៅដេញកាប់ពួកគាត់ និងកូនៗទៀត ដោយពុំដឹងមូលហេតុ។ ប៉ុន្តែការប៉ងកាប់នេះមិនបានសម្រេចព្រោះពួកគាត់គេចទាន់ និងបានអ្នកជិតខាងជួយប្រាប់កុំ្យចុះពីលើផ្ទះ ខណជនសង្ស័យនៅឈរមុខផ្ទះជនរងគ្រោះស្រែកថា «នឹងកាប់សម្លាប់ទាំងគ្រួសារឱ្យខាងតែបាន» ។
ដោយសារតែខ្លាចការគំរាមកំហែងពីបុរសញៀនថ្នាំនេះ នៅថ្ងៃទី១៧ សីហា ជនរងគ្រោះទាំង២គ្រូសារ ក៏សម្រេចចិត្តនាំគ្នារត់មកប្តឹងនគរបាលប៉ុស្តិ៍ចុះទៅស្រាវជាវឃាត់ខ្លួន និងដកហូតបានវត្ថុតាងកាំបិតផ្គាក់ដងប្ញស្សី១ដើមនាំមកសួរនាំតែម្តង ។ នៅចំពោះមុខសមត្ថកិច្ចប៉ុស្តិ៍ ជនសង្ស័យបានឆ្លើយសារភាពថា ខ្លួនជាអ្នកប្រើប្រាស់គ្រឿងញៀន និងបានគំរាមកាប់សំលាប់លើគ្រួសារនោះពិតប្រាកដមែន ។
ចែករំលែកព័តមាននេះ