ខេត្តបន្ទាយមានជ័យរយៈពេល៥ឆ្នាំ ច្រកចេញ-ចូលទទួលបានចំណូលជិត១៨០០លានរៀល
- បន្ទាយមានជ័យ
ខេត្តបន្ទាយមានជ័យ ៖ ខេត្តបន្ទាយមានជ័យក្នុងរយៈពេល៥ឆ្នាំ អង្គភាពច្រកចេញ-ចូលទទួលបានចំណូលជិត១៨០០លាន គឺស្មើប្រហែលជាង៤លានដុល្លារ ។ នេះបើយោងតាមរបាយការណ៍បូកសរុបលទ្ធផលក្នុងសិក្ខាសាលានៅថ្ងៃទី១៦ ខែកុម្ភៈ ឆ្នាំ២០២៣ នៅសាលប្រជុំសាលាខេត្តបន្ទាយមានជ័យ ។
ឯកឧត្តម អ៊ុំ រាត្រី អភិបាលខេត្តបន្ទាយមានជ័យមានប្រសាសន៍ថា សិក្ខាសាលាបូកសរុបលទ្ធផលនិងពិគ្រោះយោបល់អំពីរការផ្តល់សេវារដ្ឋបាល និងការសម្រុះសម្រួលដោះស្រាយបណ្តឹងនៅរដ្ឋ បាលថ្នាក់ក្រោមជាតិឆ្នាំ២០១៨ដល់ឆ្នាំ២០២២ មានសិក្ខាកាមចំនួន៦០០នាក់ ដែលត្រូវបានធ្វើឡើងរយៈពេល២ថ្ងៃ ចាប់ពីថ្ងៃទី១៦ ដល់១៧ ខែកុម្ភៈ ឆ្នាំ២០២៣ ក្នុងគោលបំណងពង្រឹងដល់មន្ត្រីរដ្ឋបាលថ្នាក់ខេត្ត និងស្រុក/ក្រុងឱ្យមានការយល់ដឹងការសម្រុះសម្រួលពាក្យបណ្តឹងនៅរដ្ឋបាលថ្នាក់ក្រោមជាតិ ។
ឯកឧត្តមបានបញ្ជាក់ថា អង្គភាពច្រកចេញ-ចូលតែមួយខេត្តបន្ទាយមានជ័យមានចំនួន១៤វិស័យ មានរដ្ឋបាលចំនួន២វិស័យ និងស្ថាប័នក្រសួងចំនួន១២វិស័យ នៅក្នុងឆ្នាំ២០១៨ដល់ឆ្នាំ២០២២នេះ អង្គភាពច្រកចេញ-ចូលតែមួយ បានផ្តល់សេវារដ្ឋបាលតាមរយៈអង្គភាពច្រកចេញ-ចូលតែមួយមានចំនួន២១៤.៤៧០សេវា ដែលទទួលបានចំណូលជិត១៨០០លាន ប្រហែលជា៤.៣៧២.២០៧ដុល្លារ(បួនលានបីរយចិតសិបពីរពាន់ពីររយប្រាំពីរដុល្លារ) ។
ឯកឧត្តម ងី ច័ន្ទ្រផល រដ្ឋលេខាធិការក្រសួងមហាផ្ទៃបានមានប្រសាសន៍ណែនាំដល់មន្ត្រីរដ្ឋបាលថ្នាក់ក្រោមជាតិនិងច្រកចេញ.ចូលតែមួយត្រូវផ្តល់សេវ៉ាកម្មអោយបានទាន់ពេលវេលានិងការសម្រុះសម្រួលដោះស្រាយបណ្តឹងអោយបានទាន់ពេលវេលាជូនប្រជាពលរដ្ឋស្របតាមគោលនយោបាយរបស់រាជរដ្ឋាភិបាលកម្ពុជាដេលមានសម្តេចតេជោ ហ៊ុន សែន នាយករដ្ឋមន្ត្រី នៃព្រៈរាជាណាចក្រកម្ពុជា ដែលដឹកនាំប្រទេសមានសុខសន្តិភាពមានការអភិវឌ្ឍន៍និងរីកចម្រើនគ្រប់វិស័យនៅកម្ពុជា ៕
ចែករំលែកព័តមាននេះ