បាន2ដងញ៉ាម លើកទី3អត់ដឹងគេដាក់ទូរស័ព្ទថតទុក
រាជធានីភ្នំពេញ ៖ ហេតុការណ៍នេះកើតឡើងកាលពីវេលាម៉ោង៧និង១៥នាទីយប់ថ្ងៃទី១២ សីហា នៅចំណុចបន្ទប់ជួលលេខ៥២០ ភូមិចោមចៅ២ សង្កាត់ចោមចៅ២ ខណ្ឌពោធិសែនជ័យ
រាជធានីភ្នំពេញ ៖ ហេតុការណ៍នេះកើតឡើងកាលពីវេលាម៉ោង៧និង១៥នាទីយប់ថ្ងៃទី១២ សីហា នៅចំណុចបន្ទប់ជួលលេខ៥២០ ភូមិចោមចៅ២ សង្កាត់ចោមចៅ២ ខណ្ឌពោធិសែនជ័យ
រាជធានីភ្នំពេញ ៖ ឆ្កឹះបន្ទប់ជួលគេ២ដងលួចបានអាវចំនួន១១ហើយមិនអស់ចិត្តទៅឆ្កឹះម្ដងទៀតត្រូវបានម្ចាស់បន្ទប់ដាក់កាំមេរ៉ាតាមទូរស័ព្ទក៏បានឃើញឃាត់ខ្លួនប្រគល់ឱ្យសមត្ថកិច្ចប៉ុស្តិ៍នគរបាលចោមចៅ ហេតុការណ៍នេះកើតឡើងកាលពីវេលាម៉ោង៧និង១៥នាទីយប់ថ្ងៃទី១២ សីហា នៅចំណុចបន្ទប់ជួលលេខ៥២០ ភូមិចោមចៅ២ សង្កាត់ចោមចៅ២ ខណ្ឌពោធិសែនជ័យ ។
ជនសង្ស័យដែលសមត្ថកិច្ចឃាត់ខ្លួនបានមានឈ្មោះ ឈួន ឈេល ភេទប្រុស អាយុ២២ឆ្នាំ មុខរបរសន្តិសុខ ស្នាក់នៅភូមិកើតហេតុខាងលើ ។ ចំណែកជនរងគ្រោះមានឈ្មោះ យ៉ន់ សារ៉ាន់ អាយុ២៥ឆ្នាំ មុខរបរកម្មកររោងចក្រ ស្នាក់នៅបន្ទប់ជួលនៅកន្លែងកើតហេតុ ។
បើតាមសម្ដីរបស់ជនរងគ្រោះបានប្រាប់ឱ្យដឹងថា នៅមុនពេលកើតហេតុរូបគេបានចេញមកពីធ្វើការវិញហើយបានចាក់សោបន្ទប់ ស្រាប់តែឃើញមានបាត់អាវពេលនោះក៏ចាប់ផ្ដើមមានការសង្ស័យក៏បានចាក់សោបន្ទប់វិញ ហើយបានបើកកាមេរ៉ាទូរស័ព្ទទុកថតរួចក៏ដើរចេញពីបន្ទប់ធ្វើដូចមិនដឹងអី ។ បានមួយសន្ទុះមកក្រោយមកគេក៏បានទៅឆែកមើលទូរស័ព្ទដៃវិញស្រាប់តែឃើញជនសង្ស័យបានយកដែកលួសមកឆ្កឹះសោបន្ទប់របស់គេ ពេលដែលឃើញដូច្នេះរូបគេបានទៅប្រាប់នគរបាលប៉ុស្តិ៍ចោមចៅដើម្បីឱ្យសមត្ថកិច្ចចុះទៅឆែកឆេរបន្ទប់ជួលរបស់ជនសង្ស័យ ពេលដែលសមត្ថកិច្ចចុះទៅឆែកឆេរបន្ទប់របស់ជនសង្ស័យក៏បានឃើញអាវរបស់ជនរងគ្រោះចំនួន១១អាវ រួចក៏បាននាំខ្លួនជនសង្ស័យយកមកសួរនាំនៅប៉ុស្តិ៍ចោមចៅ ។
នៅចំពោះមុខសមត្ថកិច្ចជនសង្ស័យបានឆ្លើយសារភាពថា រូបគេបានឆ្កឹះសោរបន្ទប់ជួលរបស់ជនរងគ្រោះ២លើករួចមកហើយ លួចយកអាវពីជនរងគ្រោះបានចំនួនតែ១១អាវទេមិនមានលុយកាក់ទេ ។ នៅលើកទី៣នេះរូបគេនឹកស្មានថា ជនរងគ្រោះបើកលុយហើយយកមកទុកនៅក្នុងបន្ទប់ហើយទៅដើរលេង មិនដឹងជនរងគ្រោះលួចដាក់ទូរស័ព្ទថតគេអញ្ចឹងសោះ ។
បច្ចុប្បន្នជនសង្ស័យត្រូវបានសមត្ថកិច្ចកសាងសំណុំរឿងបញ្ចូនទៅអធិកាដ្ឋាននគរបាលខណ្ខពោធិ៍សែនជ័យដើម្បីចាត់កាតាមផ្លូវច្បាប់ ៕
ចែករំលែកព័តមាននេះ