ក្មេងប្រុសដ៏កម្សត់ម្នាក់ ក្នុងចំណោមសិស្សានុសិស្សប្រុសស្រីជាច្រើននាក់ នៅក្នុងសាលាបឋមសិក្សាសាម្គី ថ្នាក់ទី«៥គ» ខណៈពេលទៅសិក្សារៀនសូត្រម្តងៗ ក្មេងប្រុសដ៏កម្សត់រូបនេះដើរដោយថ្មើជើង ដែលមានចម្ងាយដី៨គីឡូម៉ែត្រ ដោយគ្មានស្បែកជើង ហើយសម្លៀកបំពាក់ចាស់ៗទៀត គួឲ្យអាណិតអាសូរ
ខេត្តឧត្តរមានជ័យ ៖ ក្មេងប្រុសដ៏កម្សត់ម្នាក់ ក្នុងចំណោមសិស្សានុសិស្សប្រុសស្រីជាច្រើននាក់ នៅក្នុងសាលាបឋមសិក្សាសាម្គី ថ្នាក់ទី«៥គ» ខណៈពេលទៅសិក្សារៀនសូត្រម្តងៗ ក្មេងប្រុសដ៏កម្សត់រូបនេះដើរដោយថ្មើជើង ដែលមានចម្ងាយដី៨គីឡូម៉ែត្រ ដោយគ្មានស្បែកជើង ហើយសម្លៀកបំពាក់ចាស់ៗទៀត គួឲ្យអាណិតអាសូរ។ សាលាបឋមសិក្សាសាម្គីនេះ គឺស្ថិតនៅភូមិសាម្គី ឃុំត្រពាំងប្រីយ៍ ស្រុកអន្លង់វែង ស្រុកអន្លង់វែង ខេត្តឧត្តរមានជ័យ។
បើតាមស្ត្រីម្នាក់ដែលមានឈ្មោះ សឿន វេត អាយុ២៩ឆ្នាំ ជាស្ត្រីមេមាយ មានកូន៤នាក់ ក្នុងនោះស្រី២នាក់ នឹងមានស្រុកកំណើតឯខេត្តកំពង់ចាម ហើយបច្ចុប្បន្ននេះ មករស់នៅលើដីចម្ការស្វាយចន្ចីគេ ដែលមានរយៈពេល២ឆ្នាំមកហើយ ស្ថិតនៅក្នុងភូមិ-ឃុំខាងលើ។
ស្ត្រីខាងលើរូបនេះ បានរៀបរាប់បញ្ជាក់ថា កូនខ្លួនទាំង៤នាក់នោះ ទុកឲ្យនៅជាមួយជីដូន២នាក់ (ស្រី) ខណៈរូបខ្លួនមានជីវភាពក្រីក្រពេក ចំណែកកូនប្រុសឈ្មោះ ហាប វីន ភេទប្រុស អាយុ១២ឆ្នាំ បានរៀននៅសាលាបឋមសិក្សាសាម្គី ថ្នាក់ទី«៥គ»។ ហើយដោយស្រឡាញ់ការសិក្សារបស់ខ្លួន ទោះជាគ្មានសម្លៀកបំពាក់ល្អៗ ដើរដោយថ្មើជើងដែលចម្ងាយដី៦គីឡូម៉ែត្រ និងគ្មានស្បែកជើងពាក់ដូចកូនអ្នកដែលធូរធានោះទេ ព្រោះតែស្រឡាញ់ការសិក្សា។
ចំណែកអ្នកគ្រូ ស៊ឹម ស៊ីណាត ជាគ្រូថ្នាក់បង្ហាត់បង្រៀនសិស្សនៅថ្នាក់ទី«៥គ» បានឲ្យដឹងថា អ្នកគ្រូតែងតែបានសង្កេតមើលក្នុងចំណោមសិស្សនៅសាលាបឋមសិក្សាសាម្គី ដោយឡែកក្មេងប្រុសម្នាក់ ឈ្មោះ ហាប វីន អាយុ១២ឆ្នាំនេះ គឺជាកូនក្រីក្រ ខ្វះខាត ហើយម្តាយជាស្ត្រីមេម៉ាយ ខណៈអ្នកគ្រូបានផ្តល់ព័ត៌មាននេះទៅអាជ្ញាធរផងដែរ។
ទាក់ទិននឹងព័តមានខាងលើនេះ នៅរសៀលថ្ងៃទី១៤ ខែកុម្ភៈ ឆ្នាំ២០២៣ លោកងួន ទ្ធីរិទ្ធអភិបាលស្រុកអន្លង់វែង បានឲ្យដឹងថា ក្រោយពីបានទទួលនៅព័ត៌មានរាយការណ៍ លោកក៏បានដឹកនាំក្រុមការងារស្រុក នាំយកអំណោយទៅជួយឧបត្ថម្ភ រួមមាន ៖ កង់មួយគ្រឿង, អង្ករចំនួន៥០គីឡូក្រោម, ទឹកត្រីមួយយួរ, ទឹកស៊ីអ៊ីវមួយយួរ, មីមួយកេស, ខោអាវសិស្ស២កំផ្លេ និងស្បែកជើង២គូរផងដែរ៕
ចែករំលែកព័តមាននេះ