រាជធានីភ្នំពេញ ៖ បុរសម្នាក់ ត្រូវរងរបួសរលាករោលរាលពាសពេញដងខ្លួន បន្ទាប់ពីរូបគេយកសាំងចំនួន២លីត្រ មកដុតសម្ភារក្នុងបន្ទប់ផ្ទះជួល រួចចាក់សាំងដុតខ្លួនឯង បង្កឲ្យមានការភ្ញាក់ផ្អើលពលរដ្ឋក្បែរខាង ស្មានជាករណីអគ្គិភ័យឆេះបន្ទប់ ។
រាជធានីភ្នំពេញ ៖ បុរសម្នាក់ ត្រូវរងរបួសរលាករោលរាលពាសពេញដងខ្លួន បន្ទាប់ពីរូបគេយកសាំងចំនួន២លីត្រ មកដុតសម្ភារក្នុងបន្ទប់ផ្ទះជួល រួចចាក់សាំងដុតខ្លួនឯង បង្កឲ្យមានការភ្ញាក់ផ្អើលពលរដ្ឋក្បែរខាង ស្មានជាករណីអគ្គិភ័យឆេះបន្ទប់ ។ ហេតុការណ៍នេះកើតឡើងកាលពីវេលាម៉ោង០៧ព្រឹក ថ្ងៃទី១០ ខែសីហា ឆ្នាំ២០១៧ នៅចំណុចបន្ទប់ផ្ទះជួលគ្មានលេខមួយកន្លែង ស្ថិតក្នុងភូមិទ្រា៤ សង្កាត់ស្ទឹងមានជ័យ ខណ្ឌមានជ័យ ។
ជនរងគ្រោះ ពុំត្រូវស្គាល់អត្តសញ្ញាណ ព្រោះក្រោយកើតហេតុ ត្រូវកម្លាំងនគរបាលបញ្ចូនទៅសង្គ្រោះនៅមន្ទីរពេទ្យមិត្តភាពខ្មែរសូវៀត ហៅមន្ទីរពេទ្យរុស្ស៊ី ភ្លាមៗ ។
ប្រភពព័ត៌មានឲ្យដឹងថា ៖ នៅវេលាខាងលើជនរងគ្រោះបានទិញសាំងចំនួន២លីត្រ ដើរសំដៅចូលទៅក្នុងបន្ទប់ លុះមួយសន្ទុះ ស្រាប់តែមានហុយផ្សែងចេញពីក្នុងបន្ទប់ ហើយបុរសរងគ្រោះ ក៏រត់ចេញមកខាងក្រៅទាំងសភាពរងរបួសរលាកពាសពេញដងខ្លួន ជាហេតុធ្វើឲ្យបងប្អូនប្រជាពលរដ្ឋរស់នៅក្បែរទីនោះ ស្មានថាជាករណីអគ្គិភ័យ ក៏រាយការណ៍ជូននគរបាលមូលដ្ឋាន ឲ្យចុះអន្តរាគមន៍ភ្លាមៗ ។ ប៉ុន្តែក្រោយការចុះអន្តរាគមន៍ និងសាកសួរនាំព័ត៌មានយ៉ាងលំអិតរួចមក សមត្ថកិច្ចបញ្ជាក់ថា ពុំមានជាករណីអគ្គិភ័យឆេះបន្ទប់ឡើយ គឺជាករណីដុតបំផ្លាញសម្ភារៈ និងដុតខ្លួនឯងតែម្តង ។
នាយប៉ុស្តិ៍នគរបាលលោក ម៉ៅ សាវឿន បញ្ជាក់ថា ក្នុងការអន្តរាគមន៍ជាក់ស្តែង ជនរងគ្រោះហាក់ជាមនុស្សមិនគ្រប់សតិ ព្រោះនិយាយមិនសូវដឹងក្បាលកន្ទុយ ។ ដោយឡែកប្រភពពលរដ្ឋក្បែរខាងអះអាងថា ជនរងគ្រោះជាមនុស្សញៀនថ្នាំ ៕
ចែករំលែកព័តមាននេះ