លោក ប្លង់ សុផល អ្នកនាំពាក្យអយ្យការអមសាលាដំបូងរាជធានីភ្នំពេញ បានឲ្យដឹងថា សុំណុំរឿងប្តីប្រពន្ធពីរនាក់ពាក់ព័ន្ធករណីសម្លា.ប់មនុស្សដោយកា.ត់ក្បា.ល ត្រូវបាន
រាជធានីភ្នំពេញ ៖ លោក ប្លង់ សុផល អ្នកនាំពាក្យអយ្យការអមសាលាដំបូងរាជធានីភ្នំពេញ បានឲ្យដឹងនៅថ្ងៃទី៩ ខែកុម្ភៈ ឆ្នាំ២០២៣ នេះថា សុំណុំរឿងប្តីប្រពន្ធពីរនាក់ពាក់ព័ន្ធករណីសម្លា.ប់មនុស្សដោយកា.ត់ក្បា.ល ត្រូវបានលោក ជា សា ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បើកការស៊ើបសួរ និងចោទប្រកាន់ជាផ្លូវការ រួចចាត់ទៅខាងចៅក្រម ដើម្បីសម្រេចឃុំខ្លួនជនសង្ស័យដាក់ពន្ធនាគារជាបណ្តោះអាសន្ន រង់ចាំបើកសវនាការផ្តន្ទាទោសតាមផ្លូវច្បាប់ ។
ជនសង្ស័យទាំង២នាក់ប្តីប្រពន្ធខាងលើរួមមាន បុរសជាប្តីមានឈ្មោះ ពេជ្រ ជីវ័ន្ត អាយុ៣៨ឆ្នាំ មុខរបរជាជាងសំណង់ និងស្ត្រីជាប្រពន្ធមានឈ្មោះ ដា យ៉ា អាយុ៣០ឆ្នាំ។
សូមជម្រាបថា ជនសង្ស័យជាឃា.តករទាំង២នាក់ប្ដីប្រពន្ធ បានវា.យសម្លា.ប់បុរសម្នាក់កាលជាង១ខែមុន នៅក្នុងខណ្ឌដង្កោ ហើយត្រូវបាននគរបាលព្រហ្មទណ្ឌក្រសួងមហាផ្ទៃ សហការ ធ្វើការស្រាវជ្រាវ រហូតឈានដល់ការឃាត់ខ្លួនបាន នៅព្រឹកថ្ងៃទី០៦ ខែកុម្ភៈ ឆ្នាំ២០២៣ នៅចំណុចផ្លូវ១៣០ ស្ថិតក្នុងសង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។
ប្រតិបត្តិការខាងលើនោះ ធ្វើឡើងក្រោមការដឹកនាំ និងបញ្ជាផ្ទាល់ដោយលោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌក្រសួងមហាផ្ទៃ និងលោកឧត្តមសេនីយ៍ទោ ជាវ វិបុល អនុប្រធាននាយកដ្ឋាននគរបាលព្រហ្មទណ្ឌ លោកវរសេនីយ៍ឯក អេង សោភា ប្រធានការិយាល័យនគរបាលជំនាញព្រហ្មទណ្ឌកម្រិតធ្ងន់ នៃស្នងការដ្ឋាននគរបាលរាជធានីភ្នំពេញ និងលោកវរសេនីឯក ជឹម ស៊ីថា អធិការនគរបាលខណ្ឌដង្កោ ក្រោមការសម្របសម្រួលពីស្ថាប័នអយ្យការអមសាលាដំបូងរាជធានីភ្នំពេញផងដែរ។
ហើយនៅពេលចាប់ខ្លួន ជនសង្ស័យឈ្មោះ ពេជ្រ ជីវ័ន្ត បានសារភាពចំពោះមុខសមត្ថកិច្ចថា «ខ្លួនពិតជាបានកា.ប់ជនរងគ្រោះដា.ច់ក្បា.លពិតប្រាកដមែន ដោយសារតែភ្លើ.ងប្រចណ្ឌ ព្រោះតែប្រពន្ធរបស់ខ្លួនមានទំនាក់ទំនងស្នេហាគ្នាជាមួយជនរងគ្រោះ ហើយខ្លួនក៏បានរៀបចំគម្រោងសម្លា.ប់តែម្ដង ដោយឱ្យប្រពន្ធអន្ទងហៅជនរងគ្រោះមកជួប ទើបមានឱកាសសម្លា.ប់។
សូមរម្លឹកទៀតថា កាលពីព្រឹកថ្ងៃទី២៦ ខែធ្នូ ឆ្នាំ២០២២ កន្លងទៅ មានករណីប្រទះឃើញស.ពបុរសម្នាក់ដេកស្លា.ប់ក្នុងថ្លុកឈា.ម នៅទីតាំងលាងរថយន្តមួយកន្លែង ស្ថិតនៅជិតច្រកចូលផ្សារទំនើប ជីប ម៉ុង ៥០ម៉ែត្រ ស្ថិតក្នុងភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ។ ហើយបើតាមសមត្ថកិច្ចបានបញ្ជាក់ទៀតថា ជនរងគ្រោះដែលស្លា.ប់នោះ ត្រូវបានជនជាឃា.តករកា.ប់ចំកំភួនជើងខាងស្តាំ និងកា.ប់ក្បាលចេញពី.ក បណ្តាលឲ្យជនរងគ្រោះស្លា.ប់ក្នុងថ្លុកឈា.មតែម្តង។ ពេលនោះស.ពជនរងគ្រោះ សមត្ថកិច្ចបានយកទៅតម្កល់ទុកនៅឈាបនដ្ឋានវត្តឫស្សីសាញ់ ដើម្បីស្រាវជ្រាវរកក្រុមគ្រួសារ និងសាច់ញាតិ ឲ្យទៅទទួលយកទៅធ្វើបុណ្យតាមប្រពៃណី។
ក្រោយពេលកើតមានអំពើឃា.តកម្មនោះ សមត្ថកិច្ចគ្រប់ជំនាញបានដុតដៃដុតជើង បើកការស៊ើបអង្កេត និងស្រាវជ្រាវអស់រយៈពេលជាងមួយខែ ទើបឈានដល់ការចាប់ខ្លួនជនសង្ស័យទាំង២នាក់ប្តីប្រពន្ធ និងបានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី ដូច្នោះជនដៃដល់នឹងអាចជាប់ពន្ធនាគារអស់មួយជីវិត។
គួររំលឹកថា ៖ ចាប់បានហើយ! ឃា.តករ២នាក់ប្ដីប្រពន្ធ សម្លា.ប់បុរសម្នាក់ក្នុងកន្លែងលាងឡាន កាលជាង១ខែមុន នៅខណ្ឌដង្កោ ៕
ចែករំលែកព័តមាននេះ