ទិញពីចោមចៅ៥០ម៉ឺនរៀល ទៅលក់បន្តនៅឃុំពើក ត្រូវអស់លក្ខណ៍ ដោយសារមហាជន
ខេត្តកណ្តាល ៖ បុរសម្នាក់បានទិញថ្នាំញៀ.នជាង១០កញ្ចប់ ក្នុងតម្លៃ៥០ម៉ឺនរៀលពីក្នុងភូមិសាស្ត្រ
ខេត្តកណ្តាល ៖ បុរសម្នាក់បានទិញថ្នាំញៀ.នជាង១០កញ្ចប់ ក្នុងតម្លៃ៥០ម៉ឺនរៀលពីក្នុងភូមិសាស្ត្រ
ខេត្តកណ្តាល ៖ បុរសម្នាក់បានទិញថ្នាំញៀ.នជាង១០កញ្ចប់ ក្នុងតម្លៃ៥០ម៉ឺនរៀលពីក្នុងភូមិសាស្ត្រចោមចៅ ខណ្ឌពោធិ៍សែនជ័យ រាជធានីភ្នំពេញ យកទៅលក់បន្តយកចំណេញនៅក្នុងភូមិសាស្ត្រ ឃុំពើក ស្រុកអង្គស្នួល ខេត្តកណ្ដាល ។ ប៉ុន្តែសំណាងអាក្រក់ត្រូវមហាជនប្រទះឃើញក៏រាយការណ៍ជូនកម្លាំងនគរបាលស្រុកអង្គស្នួល ចុះទៅចាប់ខ្លួននាំទៅសាកសួរនិងកសាងសំណុំរឿងចាត់ការតាមច្បាប់តែម្ដង។
ការចាប់ខ្លួនជនសង្ស័យម្នាក់ខាងលើនោះបានធ្វើឡើងកាលពីវេលាម៉ោង៣និង៣០នាទីរសៀលថ្ងៃទី៧ ខែកុម្ភៈ ឆ្នាំ២០២៣ នៅចំណុចដីឡូត៌មួយកន្លែង ស្ថិតនៅក្នុងភូមិចំការជោ ឃុំពើក ស្រុកអង្គស្នួល ខេត្តកណ្តាល ។
ជនសង្ស័យខាងលើឈ្មោះ ប៊ី ឡៃ អាយុ៤៣ឆ្នាំ មុខរបរប៉ះកង់រថយន្តចល័ត មានទីលំនៅភូមិត្រពាំងវែងទី១ ឃុំសំបូរ ស្រុកសំរោងទង ខេត្តកំពង់ស្ពឺ ។ ភ្លាមៗនោះនគរបាលដកហូតបានក្រាមសថ្លាសង្ស័យសារធាតុញៀ.នម៉ាទឹកកកចំនួន១១កញ្ចប់ ក្នុងនោះកញ្ចប់ធំចំនួន៧កញ្ចប់, កញ្ចប់តូចចំនួន០៤កញ្ចប់,ទូរស័ព្ទដៃ០១គ្រឿង ម៉ាកណូគាអិនចុចពិល ។ ម៉ូតូ១គ្រឿងម៉ាកហុងដាឌ្រីមសេ១២៥ពណ៌ខ្មៅស៊េរីឆ្នាំ២០១៤ ពាក់ស្លាកលេខកណ្តាល1Q 9770 និងថង់សម្រាប់វេចខ្ចប់ថ្នាំញៀ.នមួយចំនួន។
នគរបាលបានឲ្យដឹងថា ក្រោយពីទទួលបានព័ត៌មានពីមហាជនមកថា បានឃើញបុរសខាងលើកំពុងជួញដូរថ្នាំញៀននៅចំណុចកើតហេតុ កម្លាំងផ្នែកនគរបាលប្រឆាំងគ្រឿងញៀ.នស្រុកអង្គស្នួល សហការជាមួយកម្លាំងប៉ុស្តិ៍នគរបាលរដ្ឋបាលពើកក៏បានចុះទៅធ្វើការឃាត់ខ្លួនតែម្ដង។
ខណៈពេលឃាត់ខ្លួនបានភ្លាមៗកម្លាំងបានធ្វើការឆែកឆេររកឃើញវត្ថុតាងខាងលើដោយថ្នាំញៀនលាក់ទុកក្រោមកែបម៉ូតូ រួចក៏បាននាំទៅកាន់អធិការដ្ឋាននគរបាលស្រុកអង្គស្នួលធ្វើការសួរនាំ។
ពេលនោះជនសង្ស័យបានឆ្លើយសារភាពថា ខ្លួនបានទៅទិញថ្នាំញៀ.ននេះពីមនុស្សម្នាក់មិនស្គាល់ឈ្មោះនៅម្ដុំចោមចៅ ខណ្ឌពោធិ៍សែនជ័យ រាជធានីភ្នំពេញ ក្នុងតម្លៃ៥០ម៉ឺនរៀល ពីមនុស្សប្រុសម្នាក់មិនស្គាល់ឈ្មោះនៅម្តុំចោមចៅ រាជធានីភ្នំពេញ ដើម្បីយកមកលក់បន្តទៀត ប៉ុន្តែពុំទាន់លក់បានផងក៏ត្រូវបាននគរបាលឃាត់ខ្លួនតែម្ដង ៕
ចែករំលែកព័តមាននេះ