រាជធានីភ្នំពេញ ៖ មហាជនពិតជាភ្ញាក់ផ្អើលជាថ្មីម្តងទៀត ដោយសារតែខកខានឃើញសម្រស់បច្ចុប្បន្នរបស់អតីតតារាភាពយន្តដ៏ល្បីឈ្មោះ គឺអ្នកនាង នារី រ័ត្នគន្ឋា ដែលជាច្រើនឆ្នាំមកហើយ បន្ទាប់ពីកំពុងតែល្បីឈ្មោះ អ្នកនាងក៏ចាកចេញទៅរស់នៅសហរដ្ឋអាមេរិកតែម្តង។
តបការស្នើដ៏ចាំបាច់ពីសំណាក់ផលិតករ និងអ្នកដឹកនាំរឿងដ៏ល្បីឈ្មោះ លោក ហ្វៃ សំអាង ចង់បានអ្នកនាង រ័ត្នគន្ឋា សម្តែងជាថ្មី ពេលនេះតារាដ៏មានសម្រស់គន់យូររឹតតែស្អាត បានសម្រេចចិត្តជាថ្មីចូលរួមលើកមុខមាត់ភាពយន្តខ្មែរម្តងទៀតក្នុងវ័យកំពុងជ្រេ ដើម្បីទុកស្នាដៃជូនរលកក្រោយ។
![](https://kohsantepheapdaily.com.kh/wp-content/uploads/2023/02/6c8349cc7260ae62e3b1396831a8398f-11.jpg)
ហើយរូបថត២សន្លឹកដែលបានបង្ហោះដោយក្រុមការងាររបស់លោក ហ្វៃ សំអាង ឃើញថា រំលេចមុខមាត់បច្ចុប្បន្នរបស់អ្នកនាង នារី រ័ត្នគន្ឋា ដែលប្រែប្រួលសម្រស់ខ្លះៗ កត់ចំណាំស្ទើរតែមិនបាន។ នាងទាវ ក្នុងខ្សែចម្រៀងខារ៉ាអូខេ របស់ផលិតកម្មហង្សមាស បានត្រូវគេទម្លាយថា អ្នកនាងនឹករលឹកអ្នកគាំទ្រ និងចង់អោយហ្វេនៗបានដឹងពីតិចនិចសម្តែងល្អដូចមុនឬយ៉ាងណា ទើបសម្រេចចិត្តមកសម្តែង។ ម្យ៉ាងទៀតនោះ ជាការដឹកនាំពីលោកហ្វៃ សំអាង ដ៍ប៉ិនប្រសព្វ ទើបកាន់តែជឿជាក់ ស្របពេលជារឿងបុរាណបែបប្រវត្តិសាស្ត្រផងនោះ ពិតជារុញចិត្តអ្នកនាង មិនអាចមើលរំលងបានឡើយ។
មានមតិខ្លះទៀតថា អ្នកនាង នារី រ័ត្នគន្ឋា ភាគច្រើននៅក្នុងប្រទេសយើង ច្រើនជាងនៅអាមេរិក ដោយអ្នកនាងសម្ងំបើកហាងលក់ហូលផាមួង វត្ថុអនុស្សាវរីយ៍បែបខ្មែរ នៅឯខេត្តសៀមរាប ហើយមិនសូវជាចង់ចេញមុខលើឆាក ឬទូរទស្សន៍ ព្រោះមមាញឹក។ អ្នកស្គាល់រាប់អានអ្នកនាងខ្លះនិយាយថា រ័ត្នគន្ឋា រស់នៅកម្ពុជាវិញហើយ។
![](https://kohsantepheapdaily.com.kh/wp-content/uploads/2023/02/d9d4f495e875a2e075a1a4a6e1b9770f-10.jpg)
តាមការអោយដឹងពីសមាជិកផលិតរឿង «អប្សរាមហាអង្គរ» មានជំហរយ៉ាងមោះមុត ដើម្បីគុណភាពភាពយន្តខ្មែរ ដោយសម្រិតសម្រាំងយ៉ាងយកចិត្តទុកដាក់លើគ្រប់ផ្នែកទាំងការជ្រើសរើសទីតាំងថត ការកែច្នៃម៉ូតសម្លៀកបំពាក់ កំរិតរូបភាព ជាពិសេសការជ្រើសរើសតួសម្តែងដែលមានទេពកោសល្យខ្ពស់ និងរូបសម្បត្តិសក្តិសមជាមួយតួអង្គក្នុងរឿង។
![](https://kohsantepheapdaily.com.kh/wp-content/uploads/2023/02/67c6a1e7ce56d3d6fa748ab6d9af3fd7-11.jpg)
លើសពីនោះ ក៏ដឹងថា តារាជំនាន់ឆ្នាំ៨០ និង៩០ មួយចំនួន មានវត្តមានសម្តែងដែរ ដូចជា លោកទេព រិនដារ៉ូ, អម្ពរ ទេវី, ចន ច័ន្ទលក្ខិណា, ស្វែង សុជាតា, លី ម៉ារីណា ហើយក៏មាន សារ៉ាយ សក្ខិណា និងក្រុមបវរកញ្ញាម្ចាស់មកុដល្បីៗរបស់កម្ពុជាជាច្រើនរូប មករួមសហការសម្តែងផងដែរ។
![](https://kohsantepheapdaily.com.kh/wp-content/uploads/2023/02/642e92efb79421734881b53e1e1b18b6-10.jpg)
![](https://kohsantepheapdaily.com.kh/wp-content/uploads/2023/02/f457c545a9ded88f18ecee47145a72c0-11.jpg)
![](https://kohsantepheapdaily.com.kh/wp-content/uploads/2023/02/c0c7c76d30bd3dcaefc96f40275bdc0a-10.jpg)
![](https://kohsantepheapdaily.com.kh/wp-content/uploads/2023/02/2838023a778dfaecdc212708f721b788-11.jpg)
![](https://kohsantepheapdaily.com.kh/wp-content/uploads/2023/02/9a1158154dfa42caddbd0694a4e9bdc8-12.jpg)
![](https://kohsantepheapdaily.com.kh/wp-content/uploads/2023/02/d82c8d1619ad8176d665453cfb2e55f0-11.jpg)
![](https://kohsantepheapdaily.com.kh/wp-content/uploads/2023/02/a684eceee76fc522773286a895bc8436-10.jpg)
ចែករំលែកព័តមាននេះ