ផ្ទុះកក្រើកទៀតហើយ ហើយក៏កំពុងតែក្លាយជាប្រធានបទដ៏ក្ដៅគគុក និងមានការភ្ញាក់ផ្អើលយ៉ាងខ្លាំងពាសពេញប្រទេសកូរ៉េ ជាពិសេសនៅក្នុងរង្វង់សិល្បៈកម្សាន្តនៅខ្សែភាពយន្តរឿង «K-drama» តែម្ដង ដោយនៅថ្ងៃទី៣០ ខែមករា ឆ្នាំ២០២៣ថ្មីៗក្ដៅៗនេះ បើយោងទៅតាមរយៈគេហទំព័រសាព័ត៌មានដែលមានឈ្មោះថា
ប្រទេសកូរ៉េ ៖ ផ្ទុះកក្រើកទៀតហើយ ហើយក៏កំពុងតែក្លាយជាប្រធានបទដ៏ក្ដៅគគុក និងមានការភ្ញាក់ផ្អើលយ៉ាងខ្លាំងពាសពេញប្រទេសកូរ៉េ ជាពិសេសនៅក្នុងរង្វង់សិល្បៈកម្សាន្តនៅខ្សែភាពយន្តរឿង «K-drama» តែម្ដង ដោយនៅថ្ងៃទី៣០ ខែមករា ឆ្នាំ២០២៣ថ្មីៗក្ដៅៗនេះ បើយោងទៅតាមរយៈគេហទំព័រសាព័ត៌មានដែលមានឈ្មោះថា «allkpop» បានរាយការណ៍ប្រាប់អោយដឹង ក្រោយលេចចេញនៅដំណឹងព័ត៌មានដែលបាននាំគ្នាចុះផ្សព្វផ្សាយយ៉ាងព្រោងព្រាត បន្ទាប់ពីបានដឹងថា «តារាសម្ដែងប្រុសដ៏ល្បីល្បាញ មានស្នាដៃ និងទេពកោសល្យ នោះគឺលោក Song Joong Ki ដែលត្រូវបានអ្នកគាំទ្របានស្គាល់ និងបានដឹងថា លោកគឺជាអតីតស្វាមីរបស់តារាសម្ដែងស្រីដ៏ស្រស់ស្អាត នោះគឺអ្នកនាង Song Hye Kyo ដោយលោកបានប្រកាសក្ដែងៗអោយគ្រប់គ្នាបានដឹងបែបនេះថា «មិនយូរមិនឆាប់នោះទេ លោកនឹងរៀបការជាមួយភរិយាថ្មីរបស់លោកហើយ ដែលមានឈ្មោះថា «Katy Louise Saunders»។
មិនតែប៉ុណ្ណោះ លោកបានសរសេររៀបរាប់នៅសំបុត្រមួយច្បាប់ផ្ញើទៅកាន់អ្នកគាំទ្ររបស់លោកនៅលើហាងកាហ្វេផ្លូវការរបស់លោក ដោយប្រកាសពីអាពាហ៍ពិពាហ៍របស់តារាប្រុសរូបនេះជាមួយនឹងមិត្តស្រីថ្មី គឺ Katy Louise Saunders ។
ដោយក្នុងនោះ នៅក្នុងស្រោមសំបុត្ររបស់កំពូលតារាសម្ដែងប្រុសខាងលើរូបនេះ លោកបានសរសេរបញ្ជាក់យ៉ាងច្បាស់ៗដូច្នេះថា «ជំរាបសួរ នេះជា Joong Ki ខ្ញុំចង់ចែករំលែកការសន្យាដ៏រីករាយសប្បាយចិត្តមួយ និងសំខាន់បំផុតនៅក្នុងជីវិតរបស់ខ្ញុំ ដែលមិនអាចកាត់ថ្លៃបានជាមួយអ្នកទាំងអស់គ្នា។ ខ្ញុំបានសន្យាជាមួយមិត្តស្រីថ្មី Katy Louise Saunders របស់ខ្ញុំហើយ ដែលបានជួយខ្ញុំតាំងពីដើមមករហូតមកដល់ពេលនេះ តែងតែនិយាយពាក្យល្អៗ និងចែករំលែកពេលវេលាជាមួយគ្នាជាច្រើន ដើម្បីចំណាយពេលពេញមួយជីវិតរបស់ខ្ញុំជាមួយគ្នា នាងមានចិត្តសប្បុរស ហើយនាងបានដឹកនាំជីវិតប្រកបដោយក្តីស្រលាញ់។ នាងគឺជាមនុស្សដែលមានប្រាជ្ញា និងអស្ចារ្យ ដែលខ្ញុំកោតសរសើរ។ ខ្ញុំគ្មានអ្វីនិយាយក្រៅពីពាក្យថា សូមអរគុណចំពោះនាងខ្លាំងណាស់ ខ្ញុំក្លាយជាមនុស្សល្អជាងមុខច្រើនក៏ដោយសារតែនាង។ តាមធម្មជាតិ យើងទាំងពីរនាក់ចង់បាន បង្កើតគ្រួសារដ៏មានសុភមង្គល ពួកយើងបានខិតខំរក្សាការសន្យារបស់គ្នាទៅវិញទៅមក និងដឹងគុណ ពួកយើងបានស្វាគមន៍ជីវិតដ៏មានតម្លៃរវាងយើងទាំងពីរ»។
នៅក្នុងស្រោមសំបុត្ររបស់កំពូលតារាសម្ដែងប្រុសរូបនេះ លោកបានបញ្ជាក់ទៀតថា «ដូច្នេះហើយថ្ងៃនេះ ពួកយើងបានដឹកដៃគ្នាមកចុះបញ្ជីអាពាហ៍ពិពាហ៍ជាប្តីប្រពន្ធដោយស្របច្បាប់ហើយ ដោយផ្អែកលើក្តីស្រលាញ់ដែលមានចំពោះគ្នាទៅវិញទៅមក និងមានការជឿជាក់ដ៏ជ្រាលជ្រៅបំផុតរបស់យើង ដូច្នេះហើយខ្ញុំនៅតែនិយាយដដែលៗថា ពួកយើងនឹងបន្តដើរលើផ្លូវរបស់យើងមើលទៅក្នុងទិសដៅដដែល។ សូមអរគុណដល់អ្នកគាំទ្រទាំងអស់គ្នាខ្លាំងមែនទែន ដែលបាននិងកំពុងផ្តល់ការស្រលាញ់គាំទ្រយ៉ាងពេញទំហឹងពីបាតបេះដូងរបស់ខ្ញុំ។ ជាពិសេសខ្ញុំនឹងដាក់ចិត្ត និងទំនួលខុសត្រូវកាន់តែខ្លាំងឡើង ដើម្បីក្លាយជាតារាសម្ដែង និងមនុស្សដែលកាន់តែប្រសើរដូចជា បំណងប្រាថ្នា និងការគាំទ្ររបស់អ្នកពេញមួយអាជីពសម្តែងរបស់ខ្ញុំ ហើយក៏សង្ឃឹមថា អ្នករាល់គ្នានៅតែបន្តការគាទ្ររូបខ្ញុំបាទបន្តទៅទៀតផងទៅចុះ ជាចុងក្រោយខ្ញុំសូមឲ្យអ្នកទាំងអស់គ្នាមានសុខភាពល្អ ទៅណាមកណាមានតែគេចូលចិត្តអាណិតស្រលាញ់ និងមានសុភមង្គលរហូតដល់បានជួបគ្នាផ្ទាល់»។
ក្រោយពេលបានឃើញ និងបានដឹងដំណឹងថា តារាសម្ដែងប្រុសលោក Song Joong Ki រូបនេះ បើកប្រកាសជាសាធារណៈរឿងនេះរួចមក ក៏មានហ្វេនៗជាច្រើនបាននាំគ្នាចូលទៅខមិនលើកឡើងពីមួយទៅមួយថា «ពិតជាមិនធម្មតាមែន ខ្ញុំសូមអបអរផង idol ជាទីស្រលាញ់របស់ហ្វេនម្នាក់នេះ ជូនពរអោយគ្រួសាររបស់ idol មានតែសុភមង្គលនៅក្នុងក្រុមគ្រួសារអោយច្រើនៗផងទៅចុះ» «រំភើបម្ល៉េះទេ សុំឲ្យស្រលាញ់មើលថែគ្នាអោយបានយូរអង្វែង ស្រលាញ់គ្នាទៅវិញទៅមក ចេះយល់ចិត្តគ្នា សុំតែម្យ៉ាងទេ កុំអោយដូចលើកមុនទៀតអីណាប្រូ អោយតែគិតដល់រឿងនឹងម្ដងៗមានអារម្មណ៍ថា អាណិតបងស្រី Song Hye Kyo ខ្លាំងណាស់ តែណា ហើយចុះបើរឿងវាកកន្លងទៅហួសហើយ យើងខំនិយាយរំលឹកប៉ុណ្ណាទៀតក៏មិនអាចដូចដើមបានដែរ ខ្ញុំមានតែពាក្យថា ចូលរួមត្រេកអរដែលបងប្រុសមានគ្រួសារថ្មី»។
មួយចំនួនទៀតក៏បានចូលទៅខមិនបញ្ចេញមតិបែបនេះថា «មនុស្សយើងម្នាក់ៗវាសនាមិនដូចគ្នានោះទេ តែងតែមានជួប និងមានព្រាត់ វាជារឿងធម្មតាទៅហើយ មកមុនគេក៏មិនប្រាកដថា បាននៅក្នុងជីវិតគេ កសាងគ្រួសារមួយឱ្យរីករាយបាននោះដែរ តែយ៉ាងណា ក៏សូមអបអរសាទរផង ចំពោះដំណឹងរឿងការមួយនេះ»៕
ចែករំលែកព័តមាននេះ