ទីបំផុតចាប់បានហើយ ឃាតករំលោ.ភសម្លា.ប់ក្មេងស្រីនៅស្រុកម៉ាឡៃ
ខេត្តបន្ទាយមានជ័យ ៖ សមត្ថកិច្ចនគរបាលខេត្តបន្ទាយមានជ័យនៅវេលាម៉ោង០៧និង៣០នាទីព្រឹកថ្ងៃទី២៤ ខែកក្កដា ឆ្នាំ២០១៧
ខេត្តបន្ទាយមានជ័យ ៖ សមត្ថកិច្ចនគរបាលខេត្តបន្ទាយមានជ័យនៅវេលាម៉ោង០៧និង៣០នាទីព្រឹកថ្ងៃទី២៤ ខែកក្កដា ឆ្នាំ២០១៧ នេះបានចាប់ និងឃាត់ខ្លួនបានហើយឃាតកវ័យក្មេង រំលោភហើយសម្លាប់ក្មេងស្រីម្នាក់នៅវាលស្រែមួយកន្លែងក្បែរ ក្នុងភូមិបល្ល័ង ឃុំតាគង់ ស្រុកម៉ាឡៃ ខេត្តបន្ទាយមានជ័យ បន្ទប់ពីរត់គេចខ្លួនមិនបានប៉ុន្មានថ្ងៃ ។
លោកឧត្តមសេនីយ៍ អាត់ ខែម បានបញ្ជាក់ថា ជនសង្ស័យមានឈ្មោះ ជីម តាក់ អាយុ២៥ឆ្នាំ នៅភូមិបល្ល័ង ឃុំតាគង់ ស្រុកម៉ាឡៃ រត់គេចខ្លួនត្រូវបានសមត្ថកិច្ចឃាត់ខ្លួននៅក្នុងក្រុងសេរីសោភណ្ឌ បន្ទាប់ពីរូបគេធ្វើដំណើរមកពីស្រុកអូរជ្រៅ ។ ពេលនេះសមត្ថកិច្ចកំពុងនាំខ្លួនជនសង្ស័យយកទៅសួរនាំនៅស្នងការដ្ឋាននគរបាលខេត្ត ដើម្បីរៀបចំនីតិវិធីចាត់ការតាមច្បាប់ ។
សូមបញ្ជក់ថា កាលពីថ្ងៃទី២២ ខែកក្កដា ឆ្នាំ២០១៧ នារីវ័យក្មេងអាយុ១៨ឆ្នាំម្នាក់ឈ្មោះ ឃាង ស្រីខួច អាយុ១៨ឆ្នាំ ត្រូវបានជនល្មើសរំលោភរួចសម្លាប់ចោលកណ្តាលវាលស្រែ នៅក្នុងភូមិបល័ង្គ ឃុំតាគង់ ស្រុកម៉ាឡៃ ខេត្តបន្ទាយមានជ័យ ហើយត្រូវបានលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យបានដឹកនាំកម្លាំងចុះទៅដល់កន្លែងកើតហេតុដោយផ្ទាល់ដើម្បីធ្វើការស្រាវជ្រាវស្វែងរកភស្តុតាង រហូតឈានដល់ការចាប់ជនល្មើសខាងលើមកកាត់ទោសតាមច្បាប់ ៕
ចែករំលែកព័តមាននេះ