ADផ្ទាំងផ្សព្វផ្សាយពាណិជ្ជកម្ម

Picture

ព្រោះតែ​បញ្ហា​មួយ ទើប​ធ្វើ​ឱ្យ​តារាចម្រៀង​លោក វ៉ា​យ ដកឃ្លា​ពី​អាជីព​ចម្រៀង

6 ថ្ងៃ មុន
  • ភ្នំពេញ

ស្ងាត់​ៗ តារាចម្រៀង​ដ៏​មាន​ប្រជាប្រិយភាព លោក វ៉ា​យ បាន​ចាក​ចេញពី​ទ្រនំ សាន់​ដេ ដែល​លោក​បាន​រួមរស់​អស់​ជា​ច្រើន​ឆ្នាំ ដោយ​តារា​រូប​នេះ​ក៏​បាន​បង្ហោះ​សារ​នៅ​គណនី​ហ្វេ​ស​ប៊ុ​ករប​ស់លោក ទាក់ទង​ជាមួយនឹង​ការ​ចាកចេញ

រាជធានី​ភ្នំពេញ ៖ ស្ងាត់​ៗ តារាចម្រៀង​ដ៏​មាន​ប្រជាប្រិយភាព លោក វ៉ា​យ បាន​ចាក​ចេញពី​ទ្រនំ សាន់​ដេ ដែល​លោក​បាន​រួមរស់​អស់​ជា​ច្រើន​ឆ្នាំ ដោយ​តារា​រូប​នេះ​ក៏​បាន​បង្ហោះ​សារ​នៅ​គណនី​ហ្វេ​ស​ប៊ុ​ករប​ស់លោក ទាក់ទង​ជាមួយនឹង​ការ​ចាកចេញ​មួយ​នេះ​ផង​ដែរ​។

ទាក់ទង​ជាមួយ​ការ​ចាកចេញ​ដោយ​ស្ងាត់​ៗ​នេះ បាន​ធ្វើ​ឱ្យ​មហាជន​មានការ​ងឿងឆ្ងល់​ជា​ខ្លាំង ដោយ​អ្នកខ្លះ​បាន​ពោល​ថា តារា​រូប​នេះ​នឹង​រក​ទ្រនំ​ថ្មី និង​ខ្លះ​ទៀត​បាន​និយាយ​ថា ការ​ចាកចេញ​មកនេះ ប្រាកដជា​មាន​មូលហេតុ​។

Picture

ប្រាកដ​ណាស់ លោក​វ៉ា​យ ដែល​ជា​តារាចម្រៀង​កំពុង​ទទួល​បាន​នូវ​ការ​គាំទ្រ​រូប​នេះ បាន​ពោល​នៅ​ក្នុង​គណនី​ហ្វេ​ស​ប៊ុ​ក​របស់​ខ្លួន​ដោយ​រៀបរាប់​ថា «​រយៈពេល​ជិត​៦​ឆ្នាំ​ដែល​ជ្រក​ក្រោម​ទ្រនំ​ផលិតកម្ម សាន់​ដេ ថ្ងៃនេះ​ខ្ញុំ​ពិតជា​តានតឹង និង​សោកសៅ​ខ្លាំង​ណាស់ ខ្ញុំ​បាន​សម្រេចចិត្ត​សម្រាក និង​បញ្ចប់​ការងារ​ជាមួយ​ផលិតកម្ម សាន់​ដេ ហើយ អរគុណ​មេ អរគុណ​ក្រុមការងារ ជា​ពិសេស​អរគុណ​បងប្អូន​សំរាប់​ការ​គាំទ្រ​កន្លង​មក អរគុណ​មនុស្ស​ជាទី​ស្រលាញ់ ដែល​តែងតែ​នៅ​ក្បែរ​ៗ​ខ្ញុំ ពេល​ខ្ញុំ​មាន​កម្លាំងចិត្ត​ឡើង​វិញ ខ្ញុំ​នឹង​ក្រោកឈរ​បន្ត​ក្តី​ស្រមៃ និង​ចេញ​បទ​ចម្រៀង​ថ្មី​អោយ​បងប្អូន​ទាំងអស់​គ្នា​ដោយ​ក្តី​ស្រលាញ់​»​។

ទាក់ទង​ជាមួយនឹង​សំ​ណេ​រ​មួយ​នេះ តារាចម្រៀង​លោក​វ៉ា​យ ហាក់ដូចជា​កំពុង​តែ​មានរឿង​អ្វីមួយ​ដែ​លោក​កំពុង​មាន​បញ្ហា ត្រង់​លោក​ពោល​ថា ពេល​ដែល​លោក​មាន​កម្លាំងចិត្ត​ឡើង​វិញ នោះ លោក​នឹង​បន្ត​នៅ​លើ​ផ្លូវ​សិល្បៈ​មួយ​នេះ​បន្ត​ទៀត​»​។ តាម​រយៈ​បទ​សម្ភាសន៍​ជាមួយ​សារព័ត៌មាន​កោះសន្តិភាព តារាចម្រៀង​លោក វ៉ា​យ នឹង​បកស្រាយ​ច​ម្ង​ល់​សម្រាប់​មហាជន​ទាក់ទង​ជាមួយនឹង​ការ​ចាកចេញ​មួយ​នេះ​។

Picture

ប្រាកដ​ណាស់ ការ​ចាកចេញ​មួយ​នេះ លោក​បាន​ពោល​ដោយ​ចំ​ៗ​ថា លោក​អាច​មាន​បញ្ហា បាក់ទឹកចិត្ត ដោយ​លោក​ចង់​សម្រាក​បន្តិច​សិន ហើយ​ការ​សម្រាក​លំហែកាយ​មួយ​នេះ លោក​នឹង​មើលថែ​ខ្លួន​លោក​អោយ​បាន​ល្អ​ប្រសើរ​ជាទី​បំផុត មុន​ពេល​ដែល​លោក​ចូល​ច្រៀង​វិញ​។ ទាក់ទង​នឹង​ការ​ចូល​ច្រៀង​វិញ​នេះ ទៀត​សោត​តារាចម្រៀង​លោក វ៉ា​យ ក៏​បាន​និយាយ​ថា ប្រសិនបើ​មាន​និស្ស័យ​នោះ​លោក​នឹង​វិល​ចូល​ផលិតកម្ម សាន់​ដេ វិញ ជាក់​ជា​ពុំខាន​នោះ​ទេ​។

តារាចម្រៀង​លោក វ៉ា​យ ដែល​ជា​មានស្រុក​កំណើត​នៅ​ខេត្តព្រៃវែង​រូប​នេះ បាន​ពោល​បន្ត​ថា លោក​បាន​ចូល​ជ្រក​ក្រោម​ទ្រនំ​នៃ​ផលិតកម្ម សាន់​ដេ អស់​ជា​ច្រើន​ឆ្នាំ​មក​ហើយ ដោយ​គិត​ត្រួស​ៗ​ទៅ​៦​ឆ្នាំ ដោយ​ចាប់តាំងពី​ឆ្នាំ​២០១៦ រហូត​មក​ដល់​បច្ចុប្បន្ន​នេះ​។

Picture

គួរ​រំលឹក​ផង​ដែរ​ថា តារាចម្រៀង​លោក វ៉ា​យ កំពុង​តែ​ទទួល​បាន​នៅ​ការ​គាំទ្រ តែ​បែរជា​តារាចម្រៀង​ដ៏​ស្រស់​សង្ហារ​រូប​នេះ បាន​ចាកចេញ​ដោយសារ​តែ​បញ្ហា​សុខភាព ប្រាកដ​ណាស់ ការ​ចាកចេញ​មួយ​នេះ ធ្វើ​អោយ​អ្នកគាំទ្រ​របស់​លោក​មាន​សោកស្តាយ​ជា​ខ្លាំង​។

ជា​ចុង​ក្រោយ តារាចម្រៀង​លោក វ៉ា​យ បាន​ជូនពរ​ដល់​អ្នកគាំទ្រ​របស់​លោក​អោយ​ពើបប្រទះ​អ្វី​ដែល​ល្អ ចៀស​ឆ្ងាយ​ពី​ជំងឺ​ផ្សេង​ៗ និង​រក​ទទួលទាន​មានបាន​គ្រប់​ក្រុម​គ្រួសារ ហើយ​លោក​នឹង​វិញ​ចូល​សិល្បៈ​វិញ​ឆាប់​ៗ តាម​ការ​ចង់បាន​របស់​ហ្វេ​ន​៕

Picture
Picture
Picture
Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023