10ចំណុចអ្នកមិនគួរប្រើទូរស័ព្ទដោយគ្មានស្រោមការពារ
ចាប់តាំងពីមានស្មាតហ្វូនដាក់លក់លើទីផ្សារមក យើងសង្កេតឃើញថា ការលក់ស្រោមទូរស័ព្ទក៏ចាប់ផ្តើមមានដែរ វាមិនដូចកាលពីជំនាន់យើងគ្រប់គ្នានៅប្រើប្រាស់អិនចុចពិលទេ ព្រោះថា
ចាប់តាំងពីមានស្មាតហ្វូនដាក់លក់លើទីផ្សារមក យើងសង្កេតឃើញថា ការលក់ស្រោមទូរស័ព្ទក៏ចាប់ផ្តើមមានដែរ វាមិនដូចកាលពីជំនាន់យើងគ្រប់គ្នានៅប្រើប្រាស់អិនចុចពិលទេ ព្រោះថាទូរស័ព្ទកាលនោះធន់ណាស់ ហើយក៏មិនទាមទារឲ្យមានការការពារអ្វីដែរ ។ ហេតុអ្វីបានជាទូរស័ព្ទសម័យនេះទាមទារឲ្យយើងប្រើប្រាស់ស្រោមការពារ ?
១-មកពីទូរស័ព្ទឥឡូវស្តើង ហើយស្រាល ៖
ទូរស័ព្ទផលិតមកថ្មីៗនេះ គឺកាន់តែស្តើងនិងស្រាលបើធៀបនឹងពេលមុន ។ ដូចនេះ វាមិនសូវជាមាំដូចជំនាន់អិនចុចពិលឡើយ ។ ការដាក់ស្រោមការពារ អាចជួយកុំឲ្យវាបែកដោយសារប៉ះទង្គិច ឬកោងបាន ។
២-គ្មានការធានាលើការបែកបាក់ឡើយ ៖
ពិតណាស់ ការដាក់ស្រោមទូរស័ព្ទអាចជួយការពារទូរស័ព្ទយើងមិនឲ្យបែក ឬកោងបាន។ ដូចនេះ យើងមិនចាំបាច់ចំណាយលុយទៅជួសជុល ឬប្តូរថ្មីឡើយ ។
៣-ការពារការឆ្កូត ៖
ទោះបីជាទូរស័ព្ទនាពេលនេះមានស្រទាប់ការពារកញ្ចក់ ឬតួខ្លួនយ៉ាងណាក៏ដោយ ក៏យើងនៅតែឃើញមានស្នាមឆ្កូតលើផ្ទៃទាំងនោះដែរ នៅពេលប្រើប្រាស់យូរទៅ ។ ការដាក់ស្រោមការពារ ក៏អាចជួយការពារស្នាមកូតបានមួយកម្រិតដែរ ។
៤-វាអាចការពារពេញមួយតួទូរស័ព្ទ ៖
មនុស្សភាគច្រើនខ្វល់តែរឿងការពារមិនឲ្យបែកអេក្រង់ប៉ុណ្ណោះ តែប្រសិនបើទូរស័ព្ទធ្លាក់បោកនឹងដី វាអាចនឹងខូចគ្រឿងខាងក្នុង ដែលយើងមិនបានឃើញ ទោះបីជាអេក្រង់មិនបានបែកក៏ដោយ ។ ដូចនេះ ការដាក់ស្រោមការពារអាចស្រូបកម្លាំងប៉ះទង្គិចបានច្រើន ។
៥-ទូរស័ព្ទមិនថោកទេ ៖
ពិតណាស់ មានស្រោមទូរស័ព្ទខ្លះថ្លៃខ្លាំង តែវាក៏មិនថ្លៃដល់ថ្នាក់លើសទូរស័ព្ទទេ (ក្នុងករណីខ្លះ ក៏ថ្លៃជាងដែរ) ។ ដោយសារតែដូច្នេះហើយ អ្នកគួរតែចំណាយលុយខ្លះការពារលុយធំ (ទូរស័ព្ទ) របស់អ្នកទៅ ប្រសើរជាង ។
៦-ស្រោមធ្វើឲ្យស្រួលកាន់ ៖
ដោយសារតែទូរស័ព្ទរលោង និងស្តើងពេក ការដាក់ស្រោមការពារអាចធ្វើឲ្យយើងកាន់ទូរស័ព្ទបានស្និទ្ធ និងមិនងាយរបូតជ្រុះចេញពីដៃ ។
៧-វាអាចបិទបាំងកុំឲ្យគេដឹងថា អ្នកប្រើទូរស័ព្ទស៊េរីចាស់ ៖
ក្រៅពីជួយការពារការធ្លាក់បែក សម្បកការពារក៏អាចជួយបិទបាំងកុំឲ្យអ្នកដទៃដឹងថា អ្នកប្រើប្រាស់ទូរស័ព្ទស៊េរីចាស់ផងដែរ ។
៨-ទូរស័ព្ទទៅតាមអ្នករហូត ៖
ពេលខ្លះសូម្បីតែទៅបន្ទប់ទឹក ក៏អ្នកយកទូរស័ព្ទទៅជាមួយដែរ ដែលធ្វើឲ្យឱកាសធ្លាក់បែក កាន់តែខ្ពស់ ។ ការប្រើប្រាស់ស្រោមការពារ គឺកាន់តែសំខាន់ ។
៩-ស្រោមការពារខ្លះបង្កប់ឧបករណ៍ប្រើប្រាស់មានប្រយោជន៍ ៖
ក្រៅពីការពារ ស្រោមទូរស័ព្ទខ្លះមានភ្ជាប់ជាមួយនឹងដែកកេះ ឬក៏អាចប្រើប្រាស់ជាកាបូបលុយបានដែរ ។
១០-វាធ្វើឲ្យទូរស័ព្ទអ្នកខុសពីគេ ៖
ការប្រើប្រាស់ទូរស័ព្ទដូចគេគ្រប់គ្នាពេក អាចធ្វើឲ្យស៊ាំ ។ ដូចនេះ ការដាក់ស្រោមការពារអាចជួយធ្វើឲ្យទូរស័ព្ទរបស់អ្នកខុសប្លែកពីគេ ៕
ចែករំលែកព័តមាននេះ