បើទោះជាការប្រើប្រាស់ Laptop មិនអាចផ្តល់កម្លាំងម៉ាស៊ីនបានខ្លាំងដូចជា Desktop មួយចំនួនក្តី ក៏វានៅតែផ្តល់ភាពងាយស្រួល ជាពិសេស ដល់សិស្ស និងនិស្សិតអាចកាន់តាមខ្លួនជាប់ជានិច្ច ។ Laptop ទាំង៥នេះ គឺជា
បើទោះជាការប្រើប្រាស់ Laptop មិនអាចផ្តល់កម្លាំងម៉ាស៊ីនបានខ្លាំងដូចជា Desktop មួយចំនួនក្តី ក៏វានៅតែផ្តល់ភាពងាយស្រួល ជាពិសេស ដល់សិស្ស និងនិស្សិតអាចកាន់តាមខ្លួនជាប់ជានិច្ច ។ Laptop ទាំង៥នេះ គឺជាជម្រើសដ៏ល្អបំផុតសម្រាប់សិស្ស-និស្សិត ។
១-Dell XPS 13 ៖
ជាប្រភេទ Ultrabook ដែលមានស្គ្រីនច្បាស់ល្អ និងមានកម្លាំងម៉ាស៊ីនខ្លាំង ។ លើសពីនេះ វាមានពណ៌ Rose Gold ទៀតផង ។
វាមានទំហំខ្លួន១១អីុញ និងជាដៃគូប្រកួតប្រជែងដ៏ខ្លាំងក្លាក្នុងចំណោម Laptop ដែលមានជាតិអាលុយមីញ៉ូមផ្សេងទៀតនៅលើទីផ្សារ ។ Laptop នេះមានចំណុចពិសេសៗជាច្រើន រួមមាន ការសរសេរ និងការកែច្នៃវីដេអូជាដើម ។
២-Samsung Notebook 9 Pro ៖
ប្រៀបបានដូចជា Laptop ចំនួន២ ត្រូវបានផ្គុំចូលគ្នាតែមួយ ។ វារួមជាមួយ S-Pen អាចប្រើប្រាស់ជាមួយ Laptop នេះបាន ដែលស្រដៀងនឹង Surface Pen របស់ Microsoft ហើយវាក៏មិនចាំបាច់ត្រូវការបញ្ចូលថ្មដែរ ។
វាមាន Webcam បែប 720p HD ដែលអនុញ្ញាតឲ្យអ្នកប្រើប្រាស់ Windows Hello ព្រមទាំងអាចចុចចូលដោយមិនចាំបាច់វាយលេខសម្ងាត់ គ្រាន់តែប្រើប្រាស់មុខរបស់អ្នកប៉ុណ្ណោះ ។
៣-Asus Chromebook Flip ៖
បើទោះជា Chromebook Pixel របស់ Google និង Chromebook 13 របស់ HP មានរូបរាងស្រស់ស្អាត និងអាចរក្សាបានយូរក្តី ប៉ុន្តែតម្លៃដ៏ខ្ពស់របស់វានៅតែមិនទាន់ស័ក្តិសមនៅឡើយ ។ ហេតុដូច្នេះ ទើប Asus ចេញ Chromebook នេះដែលមានតម្លៃទាបជាង ។
៤-Dell Inspiron 15 Gaming ៖
បើទោះជា Laptop សម្រាប់លេងហ្គេមមានអត្ថប្រយោជន៍ទាំងក្នុងការងារ និងកម្សាន្តក្តី វាតែងមានតម្លៃយ៉ាងខ្ពស់ ។ ចំណែក Dell Inspiron 15 Gaming វិញ គ្មានភាពខុសគ្នាច្រើនពី Laptop សម្រាប់លេងហ្គេមដទៃប៉ុន្មានទេ ប៉ុន្តែវាមានតម្លៃទាបជាង ។
វានឹងអនុញ្ញាតឲ្យអ្នកប្រើប្រាស់បើកដំណើរការហ្គេមបានគ្រប់ប្រភេទ មិនថាដាក់ Setting ខ្ពស់ប៉ុណ្ណាឡើយ ។ អ្នកប្រើប្រាស់មិនចាំបាច់ភ័យព្រួយពីថ្មរបស់ Laptop នេះទេ ព្រោះវាអាចរក្សាបានដល់ទៅ៥ម៉ោងនិង៥១នាទីឯណោះ ឬរក្សាបានច្រើនជាង Ultrabook ផ្សេងៗដែលមានតម្លៃខ្ពស់ជាងវា ។
៥-Apple MacBook Pro ៖
សម្រាប់សិស្សដែលលង់ស្រឡាញ់រូបរាងស្លីមស្អាតរបស់ MacBook ១២អុីញ ប៉ុន្តែមិនសប្បាយចិត្តលើកត្តាកង្វះខាតកម្លាំងម៉ាស៊ីននោះ MacBook Pro ទំហំ១៣អុីញ គឺជាជម្រើសដ៏ល្អបំផុត ។ វាមានថ្មអាចដំណើរការបានប្រមាណ៧ម៉ោង និងមាន Intel Core i5 processor ដ៏ខ្លាំងក្លាផងដែរ ។
MacBook Pro មានទម្ងន់តែ១,៣៧គីឡូក្រាមប៉ុណ្ណោះ និងមាន Trackpad ធំ បើទោះជាមានរាងស្តើងជាងមុនក៏ដោយ ៕
ចែករំលែកព័តមាននេះ