ខេត្តព្រះសីហនុ ៖ បុរសជនជាតិវៀតណាមម្នាក់ បានបាត់បង់ជីវិតនៅកណ្តាលសមុទ្រ បន្ទាប់ពីមានអាការមិនស្រួល ខណៈពេលចតទូកនៅចំណុចភ្លើងស៊ីញ៉ូ ក្នុងភូមិកោះរ៉ុងសន្លឹម សង្កាត់កោះរ៉ុង ក្រុងព្រះសីហនុ ខេត្តព្រះសីហនុ ។ ហេតុការណ៏នេះ បានកើតឡើងនៅវេលាម៉ោង០៩និង៣០នាទីព្រឹក ថ្ងៃទី១៦ ខែកក្កដា ឆ្នាំ២០១៧ ។
ខេត្តព្រះសីហនុ ៖ បុរសជនជាតិវៀតណាមម្នាក់ បានបាត់បង់ជីវិតនៅកណ្តាលសមុទ្រ បន្ទាប់ពីមានអាការមិនស្រួល ខណៈពេលចតទូកនៅចំណុចភ្លើងស៊ីញ៉ូ ក្នុងភូមិកោះរ៉ុងសន្លឹម សង្កាត់កោះរ៉ុង ក្រុងព្រះសីហនុ ខេត្តព្រះសីហនុ ។ ហេតុការណ៏នេះ បានកើតឡើងនៅវេលាម៉ោង០៩និង៣០នាទីព្រឹក ថ្ងៃទី១៦ ខែកក្កដា ឆ្នាំ២០១៧ ។
ជុំវិញការស្លាប់កម្មករទូកនេសាទជនជាតិវៀតណាមនេះ មន្ត្រីមូលដ្ឋានបានឲ្យដឹងថា នៅវេលាម៉ោង០៩និង៣០នាទីព្រឹក ថ្ងៃទី១៦ ខែកក្កដា ឆ្នាំ២០១៧ កម្លាំងជំនាញបានទទួលព័ត៌មានថា នៅចំណុចភ្លើងស៊ីញ៉ូ ក្នុងភូមិកោះរ៉ុងសន្លឹម សង្កាត់កោះរ៉ុង ក្រុងព្រះសីហនុ ខេត្តព្រះសីហនុ មានករណីជនបរទេសម្នាក់ស្លាប់នៅលើទូកនេសាទ ជនរងគ្រោះឈ្មោះ ឡេ មិនវាំង ភេទប្រុស សញ្ជាតិវៀតណាម អាយុ៣៣ឆ្នាំ មុខរបរកូនដៃទូកនេសាទ ។ តាមការរៀបរាប់ពីឈ្មោះ ឡេ ម៉ាន់ហ្វា ភេទប្រុស សញ្ជាតិវៀតណាម អាយុ៤៦ឆ្នាំ បច្ចុប្បន្នស្នាក់នៅភូមិទំនប់រលក សង្កាត់លេខ១ ក្រុងព្រះសីហនុ ខេត្តព្រះសីហនុ (ត្រូវជាបងប្រុសរបស់សព) បានឲ្យដឹងថា នៅថ្ងៃទី១៣ ខែកក្កដា ឆ្នាំ២០១៧ ពួកគាត់បានចេញទៅនេសាទដូចសព្វដង តែដោយសារខ្យល់ខ្លាំងពេក ក៏អែបទូកឈប់នៅចំណុចភ្លើងស៊ីញ៉ូ ស្ថិតក្នុងភូមិកោះរ៉ុងសន្លឹម សង្កាត់កោះរ៉ុង ក្រុងព្រះសីហនុ ខេត្តព្រះសីហនុ រហូតដល់វេលាម៉ោង០៦និង០០នាទីព្រឹក ថ្ងៃទី១៦ ខែកក្កដា ឆ្នាំ២០១៧ ពួកគាត់ឃើញជនរងគ្រោះ មានសភាពកន្ត្រាក់ដៃជើង បែកពពុះមាត់ និងខាំអណ្ដាត បានប្រហែល១៥នាទី ក៏បានដាច់ខ្យល់ស្លាប់តែម្តង ។
បច្ចុប្បន្ន សាកសពត្រូវបានដឹកយកមករក្សាទុកជាបណ្តោះអាសន្ននៅឈាបនដ្ឋានវត្តឥន្ទញាណ (ហៅវត្តក្រោម) រងចាំការត្រួតពិនិត្យពីគ្រូពេទ្យ និងជំនាញនៃការិយាល័យបច្ចេកទេស វិទ្យាសាស្ត្រខេត្ត ។
ចែករំលែកព័តមាននេះ