កម្មកររ៉ែមាសរងរបួសទល់នោម
ខេត្តមណ្ឌលគិរី ៖ បុរសកម្មករធ្វើការនៅរណ្តៅរ៉ែមាសម្នាក់បានរងរបួសជើងធ្ងន់ធ្ងររហូតដល់បណ្តាលឲ្យមានអាការទល់នោមមិនចេញត្រូវបានគេបញ្ជូនទៅព្យាបាលនៅមន្ទីរពេទបង្អែកខេត្ត
ខេត្តមណ្ឌលគិរី ៖ បុរសកម្មករធ្វើការនៅរណ្តៅរ៉ែមាសម្នាក់បានរងរបួសជើងធ្ងន់ធ្ងររហូតដល់បណ្តាលឲ្យមានអាការទល់នោមមិនចេញត្រូវបានគេបញ្ជូនទៅព្យាបាលនៅមន្ទីរពេទបង្អែកខេត្ត
ខេត្តមណ្ឌលគិរី ៖ បុរសកម្មករធ្វើការនៅរណ្តៅរ៉ែមាសម្នាក់បានរងរបួសជើងធ្ងន់ធ្ងររហូតដល់បណ្តាលឲ្យមានអាការទល់នោមមិនចេញត្រូវបានគេបញ្ជូនទៅព្យាបាលនៅមន្ទីរពេទបង្អែកខេត្ត ។
ប្រភពបានឲ្យដឹងថា នៅវេលាម៉ោង៣នឹង៣៥នាទីទៀបភ្លឺថ្ងៃទី១៦ ខែកក្កដា ឆ្នាំ២០១៧ មានករណីគ្រោះថ្នាក់បណ្តាលមកពីការចុះបូមទឹកក្នុងរណ្តៅរ៉ែមាសមួយកន្លែងដែលមានម្ចាស់ឈ្មោះ ថាប់ សូលីណា ស្ថិតនៅក្នុងសហគមន៏សិប្បកររ៉ែមាសចុងផ្លាស់ ។ ប្រភពបានបន្តថា ជនរងគ្រោះមានឈ្មោះ ជឿន ភេទប្រុស អាយុ៤៦ឆ្នាំ មានស្រុកកំណើតនៅភូមិសណ្តាន់ ឃុំសណ្តាន់ ស្រុកសំបូរ ខេត្តក្រចេះ បច្ចុប្បន្នធ្វើការ និងរស់នៅក្នុងភូមិពូទុង ឃុំចុងផ្លាស់ ស្រុកកែវសីមា ខេត្តមណ្ឌលគិរី បានរងរបួសជើងស្តាំហើយទល់នោមមិនចេញ ដោយមើលឃើញពីស្ថានភាពជនរងគ្រោះកាន់តែមិនស្រួលម្ចាស់រណ្តៅរ៉ែមាសក៏បានបញ្ចូនជនរងគ្រោះទៅព្យាបាលបន្តនៅពេទ្យខេត្ត ។
សមត្ថកិច្ចឃុំចុងផ្លាស់បានឲ្យដឹងថា មូលហេតុដែលបណ្តាលឲ្យមានគ្រោះថ្នាក់ដោយសារជនរងគ្រោះចុះទៅបូមទឹកក្នុងរណ្តៅដែលមានជម្រៅជ្រៅព្រោះមានភ្លៀងធ្លាក់ជាច្រើនថ្ងៃមកហើយដោយមិនប្រុងប្រយ័ត្នរអិលជើងដួសក្នុងរណ្តៅរ៉ែតែម្តង ។
ប្រជាពលរដ្ឋបានឲ្យដឹងថា កន្លងមកនៅតំបន់ធ្វើរ៉ែមាសឃុំចុងផ្លាស់តែងមានកម្មកររងគ្រោះថ្នាក់ជាញឹកញាប់ ដោយសារការធ្វើអាជីវកម្មមិនសូវមានបច្ចេកទេសគ្រប់គ្រាន់ហើយក៏ធ្លាប់បណ្តាលឲ្យមានករណីស្លាប់មនុស្សក្នុងរណ្តៅរ៉ែផងដែរ ៕
ចែករំលែកព័តមាននេះ