រាជធានីភ្នំពេញ ៖ ប្រិយមិត្តពិតជាបានស្គាល់ហើយថា អ្នកគ្រូ ណាលី ជាគ្រូ ហុងស៊ុយបែបវិជ្ជាសាស្ត្រដែលល្បីខាងទស្សយ៍ទាយឆុតៗមិនថា រឿងហុយស៊ុយ កាត់ឆុង សែនចូលឆ្នាំ ឬការទស្សទាយព្រឹត្តិការណ៍ធំៗប៉ុណ្ណោះទេ ថែមទាំងទាយទិសណាខ្លះឆុង ទិសណាខ្លះហេងទៀតផង។
ជាក់ស្តែង បើយើងក្រឡេកទៅមើលហ្វេសប៊ុក អ្នកគ្រូ ណាលី បានសរសេរលើបណ្តាញសង្គមរបស់ខ្លួនថា តើទិសណាខ្លះឆុង ទិសណាខ្លះហេង ក្នុងខែមករា ឆ្នាំ២០២៣នេះ?អ្នកគ្រូ បានបញ្ជាក់ថា ដោយឡែកទិសហេង ក្នុងខែមករានេះ រួមមាន ៖ -ទិសត្បូង -ទិសកើតឈៀងត្បូង (ចាប់ពីអង្សារលេខ 142.5-157.5) -ទិសជើងឈៀងកើត (ចាប់ពីអង្សារលេខ 22.5-37.5) -កណ្តាលផ្ទះ ប៉ុន្តែរាល់ការស្វានដំ ឬជួសជុល ចាំបាច់ត្រូវរើសវេលាល្អពីចិនសែជំនាញ ទោះបីទិសដែលត្រូវជួសជុលនោះ ជាទិសហេងក៏ដោយ។
ដោយឡែកទិសឆុងក្នុងខែមករានេះ រួមមាន ៖ -ទិសជើងឈៀងលិច (បើមានការស្វានដំ ប្រយ័ត្នការធ្វើដំណើរផ្លូវឆ្ងាយ) -ទិសជើង (បើមានការស្វានដំ ប្រយ័ត្នមានបញ្ហារឿងកេរ្តិ៍ឈ្មោះ ការលាបពណ៌ ឬភ្លើងឆេះផ្ទះ) -ទិសជើងឈៀងកើត (ចាប់ពីអង្សារលេខ52.5-67.5)
-ទិសកើត -ទិសកើតឈៀងត្បូង (ចាប់ពីអង្សារលេខ 112.5-127.5) -ទិសត្បូងឈៀងលិច -និងទិសលិច។
សូមបញ្ជាក់ថា កាលពីពេលកន្លងមកថ្មីៗនេះអ្នកគ្រូ បានបន្ថែមនៅក្នុងខមិនថា ៖ ហុងស៊ុយផ្អែកលើកត្តា៣យ៉ាង ៖
១. កត្តាមនុស្ស ៖ ការខិតខំ ការរៀនសូត្រពីចំណេះជំនាញ ចេញធ្វើការ ចេញរកស៊ីទទួលទាន នេះជាផ្នែកមួយ៣០% ។
២. កត្តារាសី ៖ បានមកពីថ្ងៃខែឆ្នាំ និងម៉ោងកំណើតមនុស្ស មានរឿងមានបញ្ហា ជួបរឿងហេងឬស៊យ ព្រោះថ្ងៃខែឆ្នាំកំណើតនេះអាចយកមកទស្សទាយ និងអាចពិសោធន៍ថា ខ្សែជីវិតអ្នកនឹងជួបរឿងអ្វី ពីអតីតកាលរហូតដល់អនគត ហើយក៏អាចកំណត់ថាមាន៣០% ក្នុងខ្សែជីវិត។
៣.កត្តាហុងស៊ុយ ៖ ជាចំណែក៣០% ទៀត ទៅលើកន្លែងរស់នៅ កន្លែងធ្វើការជាដើម.ការរៀបចំផ្ទះ ឬកន្លែងធ្វើការតាមក្បួនហុងស៊ុយឲ្យមានសោភ័ណភាព ស្រស់ស្អាត ជាចំណែកបង្កើតភាពជោគជ័យបានទ្វាគុណតាមកត្តាទី១ ដែលជាកកត្តាមនុស្ស និងកត្តាទី២ ជាកត្តារាសីថ្ងៃខែឆ្នាំកំណើត។
សូមបញ្ជាក់ ៖ កន្លងមកអ្នកគ្រូ ណាលីបានបញ្ជាក់ឲ្យដឹងថា ហ៊ុងស៊ុយ មិនមែនជាជំនឿ ហើយក៏មិនមែនជារឿងងប់ងល់ដែរ។ជំនឿសាសនា គឺជាការគោរពប្រត្តិបត្តិ ការសែនព្រែន ធ្វើពិធីកម្មផ្សេងៗ តាមបែបសាសនា មានការអុចធូប បន់ស្រន់ ផ្សេងៗដូចជា ការរៀបជំនៀងផ្ទះ កុងម៉ា គោរព ហុកឡុកស៊ីវ គោរពទេវតា ឆៃស៊ិងអ៊ា ….. តាមការគោរពរៀងៗខ្លួន ដោយមិនពាក់ព័ន្ទលើហុងស៊ុយទេ។ចំណែកហុងស៊ុយ គឺយើងអាចពិសោធន៍បាន ព្រោះវាជាវិទ្យាសាស្ត្រ និយាយពីគ្រប់យ៉ាងដែលនៅជុំវិញខ្លួនយើង និងឥទ្ធិពលតារាសាស្ត្រ៕
ចែករំលែកព័តមាននេះ