ជនសង្ស័យម្នាក់ជាមុខសញ្ញាជួញដូរគ្រឿងញៀ.ន ត្រូវបង្ក្រាប
- ភ្នំពេញ
រាជធានីភ្នំពេញ ៖ កម្លាំងសមត្ថកិច្ចខណ្ឌច្បារអំពៅ បានធ្វើការស្រាវជ្រាវចុះបង្ក្រាបជនសង្ស័យ ក្នុង
រាជធានីភ្នំពេញ ៖ កម្លាំងសមត្ថកិច្ចខណ្ឌច្បារអំពៅ បានធ្វើការស្រាវជ្រាវចុះបង្ក្រាបជនសង្ស័យ ក្នុងនោះពាក់ព័ន្ធករណីជួញដូរ និងបានដកហូតសារធាតុញៀ.ន បានចំនួន២១កញ្ចប់តូចធំ។
ប្រតិបតិ្តការចុះបង្ក្រាបខាងលើនេះបានធ្វើឡើងកាលវេលាម៉ោង៦យប់ថ្ងៃទី១៥ ខែមករា ឆ្នាំ២០២៣
ចំណុចផ្ទះគ្មានលេខ ស្ថិតនៅតាមបណ្តោយផ្លូវបេតុង ភូមិដើមចាន់ ក្នុងសង្កាត់ច្បារអំពៅទី២
ខណ្ឌច្បារអំពៅ រាជធានីភ្នំពេញ។
សមត្ថកិច្ចបានឱ្យដឹងថា ជនសង្ស័យជាអ្នកចែកចាយគ្រឿងញៀ.នមានឈ្មោះ ញិល ថា អាយុ២១ឆ្នាំ មានទីលំនៅទីតាំងកើតហេតុ។
លោកវរសេនីយ៍ត្រី អ៊ុ រតនា នាយប៉ុស្តិ៍នគរបាលច្បារអំពៅទី២ បានឲ្យដឹងថា ដោយអនុវត្តន៍តាមបទបញ្ជារបស់លោកវរៈសេនីយ៍ឯក ម៉ៅ សឿត អធិការនគរបាលខណ្ឌច្បារអំពៅ បានបើកការ ស្រាវជ្រាវបង្ក្រាបករណីជួញដូរដោយខុសច្បាប់នូវសារធាតុញៀ.ន រហូតទើបកម្លាំងនគរបាលប៉ុស្តិ៍ច្បារអំពៅទី២ ធ្វើការឃាត់ខ្លួនជនសង្ស័យម្នាក់ រួមនិងដកហូតក្រាម ស ថ្លា សង្ស័យជាគ្រឿងញៀ.នចំនួន២១កញ្ចប់ (ធំល្មម១កញ្ចប់) ដែលស្ថិតនៅចំណុចផ្ទះគ្មានលេខ តាមបណ្តោយផ្លូវបេតុង ភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ ។
បច្ចុប្បន្ន ជនសង្ស័យ រួមនិងវត្ថុតាង ត្រូវបានកម្លាំងសមត្ថកិច្ចឃាត់ខ្លួនបណ្តោះអាសន្ននៅអធិការខណ្ឌច្បារអំពៅ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ និងអនុវត្តតាមនីតិវិធី៕
ចែករំលែកព័តមាននេះ