តារាសម្តែងនាង ម៉ាក សែនសូនីតា ហៅ តូតា បានបង្ហាញសញ្ញាពីការពពោះកូនទី២របស់នាង កាលពីពេលថ្មីៗនេះ បន្ទាប់ចំណងស្នេហ៍រវាងនាង និងស្វាមីត្រូវបានមើលឃើញថា
រាជធានីភ្នំពេញ ៖ តារាសម្តែងនាង ម៉ាក សែនសូនីតា ហៅ តូតា បានបង្ហាញសញ្ញាពីការពពោះកូនទី២របស់នាង កាលពីពេលថ្មីៗនេះ បន្ទាប់ចំណងស្នេហ៍រវាងនាង និងស្វាមីត្រូវបានមើលឃើញថា កាន់តែរឹងមាំ ក្រោយពីចាប់ដៃគ្នាជាប្តីប្រពន្ធប្រមាណជាង២ឆ្នាំមកនេះ។
តារាសម្តែងរូបនេះ បានបង្ហាញឧបករណ៍ពីការពិនិត្យតេស្តទឹកនោម ឃើញមានសញ្ញាបញ្ជាក់ពីការមានផ្ទៃពោះរបស់ខ្លួន កាលពីថ្ងៃទី៣១ ខែធ្នូ ឆ្នាំ២០២២ កន្លងទៅថ្មីៗ ដោយអមជាមួយនឹងរូបភាពស្វាមីបង្ហោះលើបណ្តាញសង្គមហ្វេសប៊ុកបង្ហាញពីការសប្បាយរីករាយក្នុងពេលដែលពួកគេកំពុងមានសមាជិកថ្មីនាពេលនេះ។
ក្រោយពីបង្ហាញនៃការពពោះកូនទី២របស់ ម៉ាក សែនសូនីតា ហៅ តូតា នាពេលនេះ គេសង្កេតឃើញមានមិត្តភក្តិ និងប្រិយមិត្តគាំទ្រជាច្រើនរូបបាននាំគ្នាចូលទៅធ្វើការខំមិនពីក្រោម ដោយម្នាក់ៗសម្តែងនូវការអបអរសាទរចំពោះរូបនាងដែលកំពុងមានដំណឹងល្អ។ ជាពិសេសនោះម្នាក់ៗរំពឹងថា កូនទី២របស់ តូតា នាពេលនេះនឹងជាកូនស្រី ដែលអាចសមនឹងបំណងប្រាថ្នារបស់នាង និងស្វាមីដែលចង់បាន ខណៈពេលដែលកូនដំបូងរបស់នាងជាកូនប្រុសហើយនោះ។
យ៉ាងណា គេមិនទាន់ដឹងទេថា តូតា កំពុងពពោះកូននៅក្នុងផ្ទៃរយៈពេលប៉ុន្មានខែនៅឡើយទេ ក្នុងនោះនាងត្រឹមឆ្លើយតបទៅកាន់មិត្តភក្តិ និងប្រិយមិត្តគាំទ្រត្រឹមថ្លែងអំណរគុណសម្រាប់ពាក្យជូនពរមកកាន់រូបនាងប៉ុណ្ណោះ។
ជាការកត់សម្គាល់ បន្ទាប់ពីចាប់ដៃសាងគ្រួសារជាមួយស្វាមី គឺលោក ប៉ុល វិបូ ហៅនីត ដែលជាអតីតចាងហ្វាងផលិតកម្ម «អង្គរភីកឈ័រ» និងជាអ្នកជំនួញដ៏ធំមួយរូបនោះ ម៉ាក សែនសូនីតា ហៅ តូតា ហាក់បណ្តែតខ្លួនឆ្ងាយពីអាជីពសិល្បៈ ពោលគឺមិនមានការសម្តែងអ្វីថ្មីៗទៀតឡើយ ក្នុងពេលដែលនាងក៏កំពុងជាប់ដៃជាមួយអាជីវកម្មផ្ទាល់ខ្លួនផងនោះ។
ក្រោយចូលរោងការកាលពីឆ្នាំ២០២០មក តូតា បានរស់នៅជាមួយស្វាមី ជាមួយនឹងជីវភាពហ៊ឺហារ ស៊ីវិល័យ និងទទួលបានការថ្នាក់ថ្នមយ៉ាងខ្លាំងពីស្វាមីដោយផ្គាប់ចិត្ត និងបំពេញក្តីស្រមៃរបស់នាងជាបន្តបន្ទាប់តាមរយៈសម្ភារៈថ្លៃៗ និងរថយន្តស៊េរីទំនើបៗផងដែរ។
ទោះជាយ៉ាងណា គេរំពឹងថា តាមរយៈចំណងដៃកូនទី២របស់ តូតា នាពេនេះនឹងធ្វើឲ្យចំណងស្នេហ៍ជាប្តីប្រពន្ធរវាងនាង និងស្វាមី កាន់តែស្អិតរមួត និងរឹងមាំថែមមួយកម្រិតទៀតជាក់ជាមិនខានឡើយ៕
ចែករំលែកព័តមាននេះ