បាតុភូតធម្មជាតិ ពិសេសជនជាតិអាមេរិកជាង២០០លាននាក់ នឹងបានឃើញសូរ្យគ្រាសពេញដួងនៅថ្ងៃទី២១ សីហា ២០១៧ ។ ដួងចន្ទនឹងរំកិលឆ្លងកាត់គន្លងព្រះអាទិត្យ និងផែនដី ។
បាតុភូតនោះធ្លាប់កើតនៅអាមេរិកខាងជើងកាលពីឆ្នាំ១៩៧៩ ហើយលើកចុងក្រោយនេះនឹងកើតឡើងនៅខែសីហា គឺជាលើកដំបូងក្នុងអំឡុង៣៨ឆ្នាំ សំខាន់គឺលាតសន្ធឹងនៅលើរដ្ឋជាច្រើនធ្វើឱ្យពលរដ្ឋអាចមើលឃើញ ព្រោះស្រមោលរបស់ព្រះចន្ទទំហំ១១៣គីឡូម៉ែត្រ នឹងឆ្លងកាត់រដ្ឋចំនួន១៤នៅអាមេរិក ត្រូវនឹងម៉ោង១០ និង១៥នាទីព្រឹក ចាប់ពីបរិវេណតំបន់ឆ្នេរ«Lincoln»រដ្ឋអូរ៉េហ្គុនរហូតដល់ក្រុងម៉េកខេលលែនវីស រដ្ឋសៅឃែរ៉ូឡៃណា នៅរសៀលម៉ោង២ និង៤៩នាទី ។
អ្នកតារាវិទ្យាពីស្ថាប័នតារាសា ស្ត្រជាតិសហរដ្ឋអាមេរិកឱ្យដឹងថា៩៩%នៃសូរ្យគ្រាសនឹងមិនបង្ហាញបាតុភូតថ្ងៃបាំងឆត្ររបស់ព្រះអាទិត្យ គឺជាបាតុភូតសូរ្យគ្រាសពេញដួង ។ នៅពេលព្រះចន្ទបាំងព្រះអាទិត្យ អាចឃើញពន្លឺ ព្រាងៗពីរង្វង់ពន្លឺព្រះអាទិត្យ ហើយសីតុណ្ហភាពធ្លាក់ចុះធ្វើឱ្យផ្ទៃមេឃមានភាពអាប់អួ ។
កាលពីថ្ងៃទី២៩ មិថុនា ២០១៧ កើតមានបាតុភូតថ្ងៃបាំងឆត្រអាចមើលឃើញនៅកម្ពុជា និងបណ្តាប្រទេសជាច្រើននៅអាស៊ី ។ ពេលនោះផ្ទៃមេឃមានលក្ខណៈម្លប់ស្រទន់ និងត្រជាក់ ៕
ចែករំលែកព័តមាននេះ