ឃាត់ខ្លួនជនសង្ស័យប្រុស ស្រី៣នាក់ ពីបទជួញដូរគ្រឿងញៀ.ន
ខេត្តបន្ទាយមានជ័យ ៖ ជនសង្ស័យប្រុស ស្រី ចំនួន០៣នាក់ ត្រូវបានសមត្ថកិច្ចនគរបាលនៃអធិការដ្ឋានក្រុងប៉ោយប៉ែតធ្វើការឃាត់ខ្លួនចោទប្រកាន់ពីបទជួញដូរគ្រឿងញៀ.នខុសច្បាប់
ខេត្តបន្ទាយមានជ័យ ៖ ជនសង្ស័យប្រុស ស្រី ចំនួន០៣នាក់ ត្រូវបានសមត្ថកិច្ចនគរបាលនៃអធិការដ្ឋានក្រុងប៉ោយប៉ែតធ្វើការឃាត់ខ្លួនចោទប្រកាន់ពីបទជួញដូរគ្រឿងញៀ.នខុសច្បាប់
ខេត្តបន្ទាយមានជ័យ ៖ ជនសង្ស័យប្រុស ស្រី ចំនួន០៣នាក់ ត្រូវបានសមត្ថកិច្ចនគរបាលនៃអធិការដ្ឋានក្រុងប៉ោយប៉ែតធ្វើការឃាត់ខ្លួនចោទប្រកាន់ពីបទជួញដូរគ្រឿងញៀនខុសច្បាប់ កាលពីថ្ងៃទី២៣ ខែមិថុនា ឆ្នាំ២០១៧ នៅចំណុចចម្ការស្វាយ ស្ថិតក្នុងភូមិសាមគ្គីមានជ័យ សង្កាត់/ក្រុងប៉ោយប៉ែត។ លោកវរសេនីយ៍ទោ ធិន ស៊ីនដេត អធិការក្រុងប៉ោយប៉ែតបានឲ្យដឹងថា ការឃាត់ខ្លួនជនសង្ស័យពាក់ព័ន្ធករណីគ្រឿងញៀនខាងលើយោងតាមបទបញ្ជាយ៉ាងម៉ឹងម៉ាត់ពីលោកឧត្តមសេនីទោ អាត់ ខែម ស្នងការនគរបាលខេត្តបន្ទាយមានជ័យ ដែលបានដាក់បទបញ្ជាឲ្យកម្លាំងជំនាញក្រោមឱវាទឈរជើងតាមមូលដ្ឋានរបស់ខ្លួនធ្វើយ៉ាងណាខិតខំយកចិត្តទុកទប់ស្កាត់នូវរាល់បទល្មើសដែលកើតមានឲ្យភាពថយចុះជាលំដាប់ ដើម្បីឲ្យស្របទៅតាមយុទ្ធសាស្ត្ររបស់ថ្នាក់ដឹកនាំផងដែរ។
លោកអធិការបានបន្តថា ជនសង្ស័យប្រុស ស្រីចំនួន០៣នាក់ ដែលឃាត់ខ្លួនមុនដំបូងសមត្ថកិច្ចបានឃាត់ខ្លួនឈ្មោះ ហ៊ុន វ៉ាន់ ភេទស្រី អាយុ២៣ឆ្នាំ រួមទាំងវត្ថុតាងថ្នាំញៀនប្រភេទម្សៅថ្លា ពណ៌ស ២កូនថង់តូច យកទៅសាកសួរ ជនសង្ស័យបានឆ្លើយសារភាពថា រូបគេបានទិញពីឈ្មោះ សេង ជា ភេទប្រុស អាយុ៤៤ឆ្នាំ និងឈ្មោះ តាំង ចន្ធូ ភេទស្រី អាយុ៣៧ឆ្នាំ ទាំងពីនាក់ជាប្តី ប្រពន្ធ រស់នៅក្នុងភូមិកើតហេតុខាងលើ។
លោកអធិការបានបន្តឲ្យដឹងទៀតថា ៖
ក្រោយបានកំណត់មុខសញ្ញា រួចរាល់ហើយនោះក៏មានការសម្របសម្រួលពីលោក មាស ចន្ទ័ពិសិដ្ឋ ព្រះរាជអាជ្ញាអមសាលាដំបូងខេត្តបន្ទាយមានជ័យ ទើបកម្លាំងជំនាញរបស់លោកឈានទៅដល់ការឃាត់ខ្លួនជនសង្ស័យទាំងពីនាក់ប្តីប្រពន្ធ បន្ថែមទៀត រួមទាំងដកហូតបានវត្ថុតាងមួយចំនួនមានម្សៅពណ៌ សថ្លា មួយថង់ធំកិប និងថង់ប្លាស្ទីកពណ៌ខៀវ ចំនួនបីប្រភេទគ្រាប់ពណ៌ក្រហមសញ្ញអក្សរ WY មានចំនួន៦១៥គ្រាប់ , ជញ្ជីងថ្លឹង១ , ស្គុត៣ដុំ , កូនថង់តូចៗសថ្លា មួយចំនួន , ទូរសព្ទ័ម៉ាកហួវ៉េ១គ្រឿង និងទូរសព្ទ័អិនចុចពិល៣គ្រឿង, ម៉ូតូម៉ាកហុងដាឌ្រីម ស៊េរី២០១៧ ពណ៌ខ្មៅមួយគ្រឿងផងដែរ។ អធិការបានបញ្ជាក់ឲ្យថា ជនសង្ស័យក្រោយពីកម្លាំងជំនាញរបស់លោកបានឃាត់ខ្លួនយកទៅសួរនាំរួចមកពួកគេបានឆ្លើយសារភាពថា ពិតជាបានប្រព្រឹត្តល្មើសច្បាប់ពិតមែន យោងតាមចម្លើយសារភាពពីក្រុមជនសង្ស័យរួមទាំងវត្ថុតាងដែលសមត្ថកិច្ចដកហូតបានកម្លាំងជំនាញបានកសាងសំណុំរឿងបញ្ជូនបន្តទៅស្នងការខេត្តដើម្បីចាត់ការតាមនីតិវិធីតែម្តង៕
ចែករំលែកព័តមាននេះ