ខេត្តប៉ៃលិន ៖ រថយន្តនីហ្សាន់១គ្រឿងដឹកសាឡុង១ឈុត និងបាវសណ្តែកដីព្រមទាំងផ្លែចេកជាច្រើនស្ទងត្រូវបានមន្ត្រីឧទ្យានុរក្ស និងមន្ត្រីបរិស្ថានខេត្តឆ្មក់ស្ទាក់ចាប់យកទៅរក្សាទុកនៅក្នុង
ខេត្តប៉ៃលិន ៖ រថយន្តនីហ្សាន់១គ្រឿងដឹកសាឡុង១ឈុត និងបាវសណ្តែកដីព្រមទាំងផ្លែចេកជាច្រើនស្ទងត្រូវបានមន្ត្រីឧទ្យានុរក្ស និងមន្ត្រីបរិស្ថានខេត្តឆ្មក់ស្ទាក់ចាប់យកទៅរក្សាទុកនៅក្នុងមន្ទីរបរិស្ថានខេត្ត ខណៈម្ចាស់រថយន្តមួយនេះលួចបង្កប់ឈើប្រណិតធ្នង់ចំនួន៧ដុំ បម្រុងដឹកចូលទៅក្នុងក្រុងប៉ៃលិន រួចបន្តដឹកឆ្ពោះទៅលក់ដូរខេត្តបាត់ដំបងលុះបែកការណ៍ក៏ត្រូវសមត្ថកិច្ចដឹងទាន់ទើបចុះបង្រាបឃាត់បានភ្លាមៗតែម្តង ។
ពេលឃើញសភាពមិនស្រួល ម្ចាស់រថយន្តបានបើកទ្វាររថយន្តដាក់មេប្រូចរត់គេចខ្លួនចូលទៅក្នុងព្រៃទាន់បាត់ឈឹង ។ ហេតុការណ៍បង្ក្រាបរថយន្តលួចបង្កប់ឈើប្រណីតនេះ បានកើតឡើងកាលពីវេលាព្រឹកថ្ងៃ ទី២៤ ខែមិថុនា ឆ្នាំ២០១៧ ស្ថិតនៅក្នុងភូមិភ្នំដំបង សង្កាត់អូរតាវ៉ៅ ក្រុងប៉ៃលិន ។
ប្រភពព័ត៌មានបានឱ្យដឹងថា ក្រោយពីមន្ត្រីឧទ្យានុរក្ស និងមន្ត្រីបរិស្ថានបានធ្វើការបង្ក្រាបករណីលួចបង្កប់ឈើប្រណីតនេះរួចមកសមត្ថកិច្ចរឹបអូសរថយន្តមួយគ្រឿងម៉ាកនីហ្សាន់ ពណ៌ក្រហម ពាក់ស្លាកលេខ ន០៣ ២៣ ភព២ រួមជាមួយសាឡុង១ឈុត ឈើប្រណីតធ្នង់៧ដុំ បាវសណ្តែកដី និងផ្លែចេកមួយចំនួនផងដែរ ៕
ចែករំលែកព័តមាននេះ