ខេត្តសៀមរាប ៖ កម្លាំងការិយាល័ព្រហ្មទណ្ឌកំរិតស្រាលសហការណ៍ជាមួយកម្លាំងនគរបាលនៃអធិការដ្ឋានក្រុងសៀមរាប និងប៉ុស្តិ៍នគរបាលរដ្ឋសង្កាត់គោកចកបានចុះបង្ក្រាបករណីល្បែង
ខេត្តសៀមរាប ៖ កម្លាំងការិយាល័ព្រហ្មទណ្ឌកំរិតស្រាលសហការណ៍ជាមួយកម្លាំងនគរបាលនៃអធិការដ្ឋានក្រុងសៀមរាប និងប៉ុស្តិ៍នគរបាលរដ្ឋសង្កាត់គោកចកបានចុះបង្ក្រាបករណីល្បែងស៊ីសងខុសច្បាប់កន្ទុយលេខរហូតឃាត់ខ្លួនបានស្ត្រី២នាក់ក្នុងនោះម្នាក់ជាមេឆ្នោត និងម្នាក់ទៀតជាអ្នកចូលចាក់ឆ្នោតរួចបញ្ជូនទៅកាន់ការិយាល័យជំនាញ ។ ហេតុការចុះប្រតិបត្តិឃាត់ខ្លួនមេឆ្នោត២នាក់នោះបានធ្វើឡើងនៅវេលាម៉ោង១និង៤៥នាទីរសៀល ថ្ងៃទី២៣ ខែមីថុនា ឆ្នាំ២០១៧ ស្ថិតនៅចំណុចផ្សារដើមក្រឡាញ់ ក្នុងភូមិត្រពាំងសេះ សង្កាត់គោកចក ក្រុង-ខេត្តសៀមរាប ។
តាមប្រភពពីសមត្ថកិច្ចបានឱ្យថា ស្ត្រីជាជនសង្ស័យទាំង២នាក់នោះមានទី១-ឈ្មោះ យឹម វ៉ន អាយុ៥៧ឆ្នាំ (ជាអ្នកលក់ឆ្នោត) ស្នាក់នៅភូមិគ្រួស សង្កាត់ស្វាយដង្គុំ ក្រុង-ខេត្តសៀមរាប និង ទី២-ឈ្មោះ ពេជ្រ ទេវី អាយុ២៧ឆ្នាំ (ជាអ្នកចូលចាក់ឆ្នោត) ស្នាក់នៅភូមិត្រពាំងសេះ សង្កាត់គោកចក ក្រុង-ខេត្តសៀមរាប ។ ក្រោយពេលឃាត់ខ្លួនកម្លាំងជំនាញបានដកហូតវត្ថុតាងរួមមាន សៀវភៅសម្រាប់កត់កន្ទុយលេខចំនួន២ក្បាល និងកាស្យូ១ និងលុយមួយចំនួនធំ ។
បច្ចុប្បន្នស្ត្រីទាំង២នាក់ក្នុងនោះម្នាក់ជាមេឆ្នោតត្រូវបានកម្លាំងជំនាញបញ្ជូនទៅតុលាការចាត់ការតាមនីតិវិធីច្បាប់ ។ ចំណែកស្ត្រីម្នាក់ទៀតជាអ្នកចូលចាក់ត្រូវកម្លាំងជំនាញបានធ្វើការអប់រំ ឱ្យត្រឡប់ទៅផ្ទះវិញ ៕
ចែករំលែកព័តមាននេះ