ខេត្តមណ្ឌលគិរី ៖ កាំភ្លើង AK៤៧មួយដើម ត្រូវបានប្រជាពលរដ្ឋប្រទះឃើញក្នុងគុម្ពស្មៅ ជិតរបរមន្ទីរបរិស្ថានខេត្តមណ្ឌលគិរី ហើយបានរាយការណ៏ដល់នគរបាលក្រុងសែនមនោរម្យ ដើម្បីចុះត្រួតពិនិត្យ និងស្រាវជ្រាវ ក្រែងមានជាប់ករណីខុសច្បាប់ណាមួយ ។
ខេត្តមណ្ឌលគិរី ៖ កាំភ្លើង AK៤៧មួយដើម ត្រូវបានប្រជាពលរដ្ឋប្រទះឃើញក្នុងគុម្ពស្មៅ ជិតរបរមន្ទីរបរិស្ថានខេត្តមណ្ឌលគិរី ហើយបានរាយការណ៏ដល់នគរបាលក្រុងសែនមនោរម្យ ដើម្បីចុះត្រួតពិនិត្យ និងស្រាវជ្រាវ ក្រែងមានជាប់ករណីខុសច្បាប់ណាមួយ ។
សមត្ថកិច្ចបានឲ្យដឹងថា នៅវេលាម៉ោង០៩នឹង១០នាទី ថ្ងៃទី២៤ ខែមិថុនា ឆ្នាំ២០១៧ កម្លាំងអធិការដ្ឋានក្រុង បានទទួលដំណឹងពីឈ្មោះ ស្រី ស្រាំ ថា មានកម្មករសម្អាតស្មៅដីភូមិ គ្មានមនុស្សរស់នៅមួយកន្លែង ក្នុងភូមិដោះក្រមុំ សង្កាត់សុខដុម ក្រុងសែនមនោរម្យ ជាប់នឹងរបរមន្ទីរបរិស្ថានខេត្ត ចម្ងាយប្រមាណជាង៥ម៉ែត្រ បានប្រទះឃើញអាវុធ AK៤៧ ច្រកក្នុងប៉ាវស៊ីម៉ងត៍ ចំនួនមួយដើម ។ សមត្ថកិច្ចបានបន្តថា ក្រោយទទួលបានដំណឹង កម្លាំងចម្រុះរួមមាន កម្លាំងអធិការដ្ឋានក្រុង ប៉ុស្តិ៍សុខដុម កម្លាំងអន្តរាគមន៍ កម្លាំងការិយាល័យអាវុធជាតិផ្ទុះ ដោយរកឃើញអាវុធខាងលើ មានមនុស្សយកទៅប្លុងចោល ក្នុងរយៈពេលមិនលើស១សប្តាហ៏ ។
សមត្ថកិច្ចបានបញ្ជាក់ថា អាវុធ AK៤៧ នោះ គ្មានស្វាយ គ្មានបង់ តែគុណភាពអាចប្រើប្រាស់បាន ។ ក្រោយពីពិនិត្យហើយ កម្លាំងជំនាញបានប្រគល់ជូនមន្ត្រីការិយាល័យអាវុធជាតិផ្ទុះ យកទៅរក្សាទុកនៅឃ្លាំងអាវុធ ដើម្បីស៊ើបអង្កេតបន្តថា អាវុធ AK៤៧ នោះជា កម្មសិទ្ឋរបស់អ្នកណា ៕
ចែករំលែកព័តមាននេះ