សង្ស័យផលិតទឹកបរិសុទ្ធអត់គុណភាព
ខេត្តព្រៃវែង ៖ បច្ចុប្បន្ននេះគេសង្កេតឃើញទឹកបរិសុទ្ធជាច្រើនប្រភេទដែលកំពុងដាក់តាំងលក់នៅលើទីផ្សារទូទាំងខេត្តព្រៃវែងនៅមិនទាន់មានដាក់បញ្ជាក់នូវថ្ងៃខែនៃការផលិត ឬថ្ងៃផុតកំណត់
ខេត្តព្រៃវែង ៖ បច្ចុប្បន្ននេះគេសង្កេតឃើញទឹកបរិសុទ្ធជាច្រើនប្រភេទដែលកំពុងដាក់តាំងលក់នៅលើទីផ្សារទូទាំងខេត្តព្រៃវែងនៅមិនទាន់មានដាក់បញ្ជាក់នូវថ្ងៃខែនៃការផលិត ឬថ្ងៃផុតកំណត់
ខេត្តព្រៃវែង ៖ បច្ចុប្បន្ននេះគេសង្កេតឃើញទឹកបរិសុទ្ធជាច្រើនប្រភេទដែលកំពុងដាក់តាំងលក់នៅលើទីផ្សារទូទាំងខេត្តព្រៃវែងនៅមិនទាន់មានដាក់បញ្ជាក់នូវថ្ងៃខែនៃការផលិត ឬថ្ងៃផុតកំណត់ឡើយដែលធ្វើឱ្យប្រជាពលរដ្ឋមានការបារម្ភក្នុងការប្រើប្រាស់ឬទទួលទាន ។ ក្រុមអ្នកហូបទឹកទាំងនោះបានលើកឡើងថា ទឹកបរិសុទ្ធទាំងនោះគឺត្រូវបានផលិត និងវេចខ្ចប់នៅក្នុងខេត្តព្រៃវែងតែម្ដងដែលមានទីតាំងផលិតខុសៗគ្នា និងច្រើនម៉ាក ច្រើនប្រភេទ និងកំពុងដាក់លក់លើទីផ្សារទូទាំងខេត្តដោយមិនមានដាក់បញ្ជាក់ការបរិច្ឆេទច្បាស់លាស់នោះទេ ហើយមួយចំនួនទៀតក៏មិនបានបញ្ជាក់ឱ្យបានច្បាស់នូវទីតាំងផលិតផងដែរ ។
ប្រភពបានបន្តថា ផលិតផលទឹកសុទ្ធដែលគ្មានដាក់ការបរិច្ឆេទទាំងនោះរួមមាន ទី១-ទឹកសុទ្ធម៉ាក «បាភ្នំ» មានទីតាំងផលិតនៅខាងក្រោយសាលាសង្កាត់កំពង់លាវ ក្រុងព្រៃវែង ។ ទី២-សិប្បកម្មទឹកបរិសុទ្ធ «PK» មានទីតាំងនៅភូមិ៨ សង្កាត់កំពង់លាវ ក្រុងព្រៃវែង ។ ទី៣-សិប្បកម្មទឹកបរិសុទ្ធ «អាយ លីន» មានទីតាំងនៅភូមិ៥ ឃុំព្រែកខ្សាយ(ខ) ស្រុកពាមរក៍ខេត្តព្រៃវែង ។ ទី៤-សិប្បកម្មទឹកបរិសុទ្ធ «ពៅ យ៉ាដា» មានទីតាំងនៅភូមិព្រែករាំង ឃុំពន្លិចប្រាសាទ ស្រុកពាមរក៍ ខេត្តព្រៃវែង និងទី៥-សហគ្រាសផលិតទឹកស្អាត «សហគមន៍» មានទីតាំងនៅជាប់សាលាឃុំកោះសំពៅ ស្រុកពាមជរ ខេត្តព្រៃវែង និងមានមួយចំនួនទៀតដែលគ្មានទីតាំងច្បាស់លាស់តែត្រូវបានក្រុមអ្នកលក់បានដាក់តាំងលក់ពេញទីផ្សារ ។
ប្រភពបានបន្តទៀតថា ទីតាំងសិប្បកម្មផលិតទឹកបរិសុទ្ធទាំង៥កន្លែងខាងលើនេះបានដំណើរការផលិត និងលក់ចែកចាយច្រើនឆ្នាំមកហើយដោយគ្មានឃើញមានការចុះកាលបរិច្ឆេទផលិត ឬផុតកំណត់ឲ្យបានច្បាស់លាស់ដូចបណ្តាទឹកបរិសុទ្ធដទៃទេ ហើយមានប្រជាពលរដ្ឋនៅជនបទជាច្រើនបានជាវទឹកបរិសុទ្ធទាំងនេះយកទៅបរិភោគ និងប្រើប្រាស់ទទួលភ្ញៀវក្នុងពិធីនានា ដូចជាពិធីមង្គលការ ពិធីជប់លៀង ឬពិធីបុណ្យផ្សងៗ ជាដើម ព្រោះតែវាមានតម្លៃថោក ដែលមើលទៅគួរឲ្យព្រួយបារម្មណ៍ណាស់មិនដឹងថា ទឹកបរិសុទ្ធទាំងនោះផលិតចេញមកមានគុណភាពដែរឬអត់?
ចែករំលែកព័តមាននេះ