ខេត្តបាត់ដំបង ៖ សេចក្តីរាយការណ៍បឋមឱ្យដឹងថា មានការចុះឃាត់រថយន្តធុនធំដឹកទំនិញមួយគ្រឿង ដែលធ្វើឡើងដោយកម្លាំងចម្រុះ មានកងរាជអាវុធហត្ថខេត្ត គយ និងរដ្ឋាករប្រចាំច្រកទ្វារអូររំដួល បន្ទាប់ពីរកឃើញថា ទំនិញទាំងនោះបានគេចពន្ធ និងគ្មានឯកសារត្រឹមត្រូវនោះទេ ប្រតិបត្តិការនេះធ្វើឡើងកាលពីវេលាម៉ោង០២រសៀលថ្ងៃទី១៩ មិថុនា នេះ ស្ថិតនៅចំណុចភូមិភ្នំតូច ឃុំពេជ្រចិន្តា ស្រុកភ្នំព្រឹក ខណៈកំពុងធ្វើដំណើរ ។
ប្រភពឱ្យដឹងថា រថយន្តខាងលើម៉ាក SAMSUNG ពាក់ផ្លាកលេខព្រះសីហនុ3A-4841 បើកបរដោយឈ្មោះពៅ លីហេង ភេទប្រុសអាយុ២៧ឆ្នាំ រស់នៅរាជធានីភ្នំពេញ (ឃាត់ខ្លួន) ។ រីឯទំនិញគឺសុទ្ធសឹងតែជាទឹកក្រូចដបធំ ម៉ាក Bigo la មានចំនួន១៥៥០យួរ។
បច្ចុប្បន្ន រថយន្តនិងទំនិញទាំងនោះត្រូវបានរក្សាទុកនៅទីស្នាក់ការគយនិងរដ្ឋករច្រកអូរំដួលដើម្បីរង់ចាំការដោះស្រាយបន្ត។
ចែករំលែកព័តមាននេះ