ចាប់បានជនជាតិវៀតណាមម្នាក់ ខណៈកំពុងលក់ថ្នាំញៀន
រាជធានីភ្នំពេញ ៖ ជនជាតិវៀតណាមម្នាក់ ត្រូវបានកម្លាំងនគរបាលខណ្ឌឬស្សីកែវឃាត់ខ្លួន ខណៈពេលដែលធ្វើសកម្មភាពចែកចាយគ្រឿងញៀ.ន ហើយដកហូតបានថ្នាំញៀនប្រភេទម៉ាទឹកកកចំនួន ១៣កញ្ចប់ ។
រាជធានីភ្នំពេញ ៖ ជនជាតិវៀតណាមម្នាក់ ត្រូវបានកម្លាំងនគរបាលខណ្ឌឬស្សីកែវឃាត់ខ្លួន ខណៈពេលដែលធ្វើសកម្មភាពចែកចាយគ្រឿងញៀន ហើយដកហូតបានថ្នាំញៀនប្រភេទម៉ាទឹកកកចំនួន ១៣កញ្ចប់ ។
ប្រតិបត្តិការបង្ក្រាបគ្រឿងញៀននេះ កាលពីវេលាម៉ោង០៣រសៀល ថ្ងៃទី១៥ ខែមិថុនា ឆ្នាំ២០១៧ នៅចំណុចផ្សារតាប៊ុន នៅតាមផ្លូវលំ ក្នុងភូមិឡកំបោរ សង្កាត់ស្វាយប៉ាក ខណ្ឌឬស្សីកែវ ។ ជនសង្ស័យឈ្មោះ វិន យ៉ាំងទឹង ហៅ ហេង គិត ភេទប្រុស អាយុ៣៦ឆ្នាំ ជាជនជាតិវៀតណាម ស្នាក់នៅកន្លែងឃាត់ខ្លួនខាងលើ ។ តាមនគរបាលបានឲ្យដឹងថា ដោយមានការស្រាវជ្រាវពីកម្លាំងនគរបាលខណ្ឌ និងប៉ុស្តិ៍ បានធ្វើការតាមដានជនសង្ស័យ ហើយឈានទៅឃាត់ខ្លួនបានជាក់ស្តែងនៅពេលដែលជនសង្ស័យ ធ្វើសកម្មភាពចែកចាយគ្រឿងញៀន ។ នៅពេលឃាត់ខ្លួន សមត្ថកិច្ចឆែកឆេររកឃើញគ្រឿងញៀនចំនួន ១៣កញ្ចប់ ព្រមទាំងឧបករណ៍សម្រាប់ប្រើប្រាស់មួយចំនួន ។
តាមនគរបាលបានឲ្យដឹងថា ជនសង្ស័យជាមុខសញ្ញាជួញដូរ និងប្រើប្រាស់គ្រឿងញៀនយ៉ាងសកម្មនៅក្នុងមូលដ្ឋាន ៕
ចែករំលែកព័តមាននេះ