ខេត្តប៉ៃលិន ៖ ចេញពីខេត្តបាត់ដំបង រថយន្តសម្អាតផ្លូវរបស់ក្រុមហ៊ុន ខ្មែរប៊ែវើរីជីស បានបន្តបេសកកម្មរបស់ខ្លូននៅខេត្តប៉ៃលិន ដោយចាប់ផ្តើមសម្អាតផ្លូវក្នុងក្រុងចាប់ពីថ្ងៃទី១៣ ដល់ ថ្ងៃទី២១ ខែមិថុនា ឆ្នាំ២០១៧។
ខេត្តប៉ៃលិន ៖ ចេញពីខេត្តបាត់ដំបង រថយន្តសម្អាតផ្លូវរបស់ក្រុមហ៊ុន ខ្មែរប៊ែវើរីជីស បានបន្តបេសកកម្មរបស់ខ្លូននៅខេត្តប៉ៃលិន ដោយចាប់ផ្តើមសម្អាតផ្លូវក្នុងក្រុងចាប់ពីថ្ងៃទី១៣ ដល់ ថ្ងៃទី២១ ខែមិថុនា ឆ្នាំ២០១៧។
លោកឧកញ៉ា លាង ឃុន ប្រធានអគ្គនាយកក្រុមហ៊ុន ខ្មែរ ប៊ែវើរីជីស បានមានប្រសាសន៍ថា «ខេត្តប៉ៃលិន ជាខេត្តដែលមានបរិស្ថានល្អ ហើយហ៊ុំព័ទ្ធដោយភ្នំដែលមានព្រៃឈើយ៉ាងស្រស់បំព្រង ដូច្នេះខ្ញុំជឿជាក់ថា ការសម្អាតផ្លូវក្នុងខេត្តនឹងធ្វើឲ្យខេត្តនេះកាន់តែស្រស់ស្អាត និងទាក់ទាញ»។
លោក កើត សុធា អភិបាលនៃគណៈអភិបាលខេត្តប៉ៃលិន បានមានប្រសាសន៍ថា «យើងកំពុងផ្លាស់ប្តូរមុខមាត់ថ្មីរបស់ខេត្តដោយចាប់ផ្តើមពីការសម្អាតបរិស្ថានក្នុងក្រុងឲ្យក្លាយជាទីក្រុងស្អាត ដូច្នេះការរួមចំណែករបស់ស្រាបៀរកម្ពុជាលើកនេះ គឺចំគោលដៅដែលយើងចង់បាន។ ក្នុងនាមអាជ្ញាធរខេត្ត ខ្ញុំនឹងព្យាយាមសម្របសម្រួលឲ្យខាងបរិស្ថាន ខាងអាជ្ញាធរដែនដី និងប្រជាពលរដ្ឋទាំងអស់ចូលរួមក្នុងការសម្អាតនេះ»។
ខេត្តប៉ៃលិន ជាខេត្តទី៧ ដែលរថយន្តសម្អាតផ្លូវរបស់ក្រុមហ៊ុន ខ្មែរ ប៊ែវើរីជិសបានមកដល់។ កន្លងមក រថយន្តធុនធ្ងន់ទាំងពីរគ្រឿងរបស់ក្រុមហ៊ុនបានជួយសម្អាតផ្លូវក្នុងខេត្តព្រះសីហនុ ខេត្តកំពង់ចាម ខេត្តស្ទឹងត្រែង ខេត្តបន្ទាយមានជ័យ ខេត្តសៀមរាប និងខេត្តបាត់ដំបង។
ក្រោមយុទ្ធនាការណ៍ «ទីក្រុងស្អាត សុខភាពល្អ» ក្រុមហ៊ុន ខ្មែរ ប៊ែវើរីជីស នឹងបញ្ជួនរថយន្តសម្អាតផ្លូវទាំងពីរគ្រឿងទៅគ្រប់ខេត្តក្រុងក្នុងព្រះរាជាណាចក្រកម្ពុជា។
គួរបញ្ជាក់ផងដែរថា ក្រុមហ៊ុន ខ្មែរ ប៊ែវើរីជីស ជាក្រុមហ៊ុននិយោគដោយខ្មែរ១០០% ដែលផលិតស្រាបៀរកម្ពុជា ស្រាបៀរស្តោតបាលីប្ល៊ែក ទឹកសុទ្ធកម្ពុជា ភេសជ្ជៈIze ភេសជ្ជៈប៉ូវកម្លាំងWurks និងទឹកផ្លែឈើJoop៕
ចែករំលែកព័តមាននេះ