អ្នកមិនត្រូវការសូម្បីតែការធ្វើតេស្តឈាមដើម្បីដឹងថាអ្នកខ្វះសារជាតិចិញ្ចឹមជាក់លាក់ណាមួយ ដោយសារផ្ទៃមុខរបស់អ្នកពេលខ្លះអាចឆ្លុះបញ្ចាំងពីស្ថានភាពសុខភាពរបស់អ្នកបាន។ នៅពេលអ្នកគេងមិនគ្រប់គ្រាន់ ភ្នែករបស់អ្នកមើលទៅ
អ្នកមិនត្រូវការសូម្បីតែការធ្វើតេស្តឈាមដើម្បីដឹងថាអ្នកខ្វះសារជាតិចិញ្ចឹមជាក់លាក់ណាមួយ ដោយសារផ្ទៃមុខរបស់អ្នកពេលខ្លះអាចឆ្លុះបញ្ចាំងពីស្ថានភាពសុខភាពរបស់អ្នកបាន។ នៅពេលអ្នកគេងមិនគ្រប់គ្រាន់ ភ្នែករបស់អ្នកមើលទៅអស់កម្លាំងខ្លាំង តើត្រូវដែរឬទេ ? ដូចគ្នានេះដែររាងកាយរបស់អ្នកនឹងចាប់ផ្តើមបង្ហាញសញ្ញាមួយចំនួននៅពេលដែលអ្នកមានបញ្ហាកង្វះវីតាមីន ។
ប្រសិនបើអ្នកកំពុងឆ្ងល់ថាតើសញ្ញាទាំងនោះមានអ្វីខ្លះ សូមអានអត្ថបទខាងក្រោមនេះ ៖
១-ស្បែកមុខស្លេកស្លាំង
ប្រសិនបើស្បែកមុខរបស់អ្នកស្លេកស្លាំង អ្នកប្រហែលខ្វះវីតាមីន B12 ។ ប្រសិនបើអ្នកមានអារម្មណ៍អស់កម្លាំងគ្រប់ពេលវេលា ហើយប្រសិនបើការចងចាំរបស់អ្នកមានការថយចុះ ពួកវាជាសញ្ញាបង្ហាញថា អ្នកត្រូវការវីតាមីននេះបន្ថែមទៀត។ សូមពិគ្រោះជាមួយគ្រូពេទ្យ និងបង្កើនការទទួលទានអាហារដែលសម្បូរវីតាមីន B12 មានដូចជាត្រីសាឌីន ត្រីធូណា ឈីសឆៅ និងទឹកដោះគោឆៅ ។
២-ពងបែកមាត់
ទាំងកង្វះជាតិដែក និងកង្វះវីតាមីន B អាចបណ្តាលឱ្យពងបែកមាត់។ ចូរអ្នកទទួលសាច់ក្រហម ត្រីសាលម៉ុង និងទឹកដោះគោដើម្បីបង្កើនបរិមាណវីតាមីន B ចូលទៅក្នុងរាងកាយរបស់អ្នក ។
៣-សក់ផុយ
បញ្ហាសក់ផុយអាចដោយសារកង្វះវីតាមីន B7 ឬ biotin ។ បញ្ហាអង្គែ និងស្បែកក្បាលស្ងួតក៏អាចជាបញ្ហាចំពោះអ្នកផងដែរនៅពេលអ្នកខ្វះវីតាមីននេះ ។ ប្រសិនបើអ្នកបានប្រើប្រាស់ថ្នាំផ្សះក្នុងបរិមាណដ៏ច្រើន ដែលអាចបំផ្លាញបាក់តេរីនៅក្នុងពោះវៀនរបស់អ្នក និងបង្កឱ្យមានបញ្ហានោះសូមទទួលទានស៊ុតក្រហម ទឹកដោះគោ សណ្តែកសៀង ។
៤-ហើមភ្នែក
បញ្ហាហើមភ្នែកអាចដោយសារតែកង្វះជាតិអីុយ៉ូត ។ ប្រសិនបើអ្នកមានបញ្ហាហើមភ្នែកដោយគ្មានមូលហេតុច្បាស់លាស់ ហើយប្រសិនបើក្រចករបស់អ្នកផុយ និងទម្ងន់របស់អ្នកមានការកើនឡើង អ្នកពិតជាមានបញ្ហាកង្វះជាតិអីុយ៉ូត ។ សូម្បីតែបញ្ហាស្បែកស្ងួតក៏អាចបង្កឡើងដោយបញ្ហាកង្វះជាតិនេះបានដែរ។ cranberries យាអ៊ួ ត្រីសមុទ្រ និងអំបិលគឺជាប្រភពនៃជាតិអីុយ៉ូត ។
៥-ជ្រុះសក់
ទោះបីជាមានមូលហេតុជាច្រើននៅពីក្រោយការជ្រុះសក់ តែបញ្ហាកង្វះវីតាមីន D ក៏អាចជាមូលហេតុមួយដូចគ្នា។ ទទួលពន្លឺព្រះអាទិត្យឲ្យបានច្រើន បរិភោគស៊ុតពណ៌ក្រហម ឈីស និងទឹកដោះគោដើម្បីទទួលបានវីតាមីន D ឲ្យបានគ្រប់គ្រាន់ ៕
ចែករំលែកព័តមាននេះ