ចាប់ឃាត់ខ្លួនជនសង្ស័យ៣នាក់ ពីបទលួចលុយ និងទូរស័ព្ទ
ខេត្តរតនគិរី ៖ ជនសង្ស័យចំនួន៣នាក់ ត្រូវបានកម្លាំងអធិការនគបាល ស្រុកលំផាត់ ធ្វើការចាប់ខ្លួនបញ្ជូនទៅសាលាដំបូងខេត្ត នៅព្រឹកថ្ងៃទី០១ ខែមិថុនា ឆ្នាំ២០១៧
ខេត្តរតនគិរី ៖ ជនសង្ស័យចំនួន៣នាក់ ត្រូវបានកម្លាំងអធិការនគបាល ស្រុកលំផាត់ ធ្វើការចាប់ខ្លួនបញ្ជូនទៅសាលាដំបូងខេត្ត នៅព្រឹកថ្ងៃទី០១ ខែមិថុនា ឆ្នាំ២០១៧ ពីបទលួចលុយ និងទូរសព្ទ័ដៃ។ យោងតាមប្រភពពីលោកអធិការស្រុកលំផាត់បានឱ្យដឹងថា នៅព្រឹកថ្ងៃទី៣១ ខែឧសភា ឆ្នាំ២០១៧ ចាប់ខ្លួនបានម្នាក់ដែលធ្វើសកម្មភាព កាលពីថ្ងៃទី២៨ ខែឧសភា វេលាម៉ោង១១យប់ លួចលុយ និងទូស័ព្ទដៃនៅផ្ទះជនរងគ្រោះ ស្ថិតនៅភូមិកាទៀង ឃុំល្បាំង១ ស្រុកលំផាត់ ខេត្តរតនគិរី។
បន្ទាប់ពីបានចម្លើយសារភាពពីជនសង្ស័យឈ្មោះ ម៉ាណ ល័ក្ខ ភេទប្រុស អាយុ១៨ឆ្នាំ ជនជាតិព្រៅថា ខ្លួនបានលួច មានគ្នាចំនួន៣នាក់។ ហើយសមត្ថកិច្ចធ្វើការស្រាវជ្រាវចាប់ខ្លូនបានបន្តបន្ទាប់ភ្លាមៗនៅចំណុចភូមិកើតហេតុខាងលើ មានឈ្មោះ ប៉ន កន ភេទប្រុស អាយុ១៩ឆ្នាំ ជនជាតិព្រៅ និងឈ្មោះ នុត ផុត ភេទប្រុស អាយុ១៨ឆ្នាំ ជនជាតិព្រៅ ជនសង្ស័យទាំង៣នាក់មានទីលំនៅភូមិកាទឹងឃុំល្បាំង១ ស្រុកលំផាត់ ខេត្តរតនគិរី ។ ករណីនេះជនសង្ស័យបានឆ្លើយសារភាពថា ខ្លួនពិតជាបានប្រព្រឹត្តពិតប្រាកដមែន។ បន្ទាប់មកជនសង្ស័យត្រូវបានសមត្ថកិច្ចធ្វើកំណត់ហេតុបញ្ជូនទៅសាលាដំបូងខេត្តចាត់ការតាមនីតិវិធី៕
ចែករំលែកព័តមាននេះ