រាជធានីភ្នំពេញ ៖ ជនសង្ស័យ២នាក់ត្រូវកម្លាំងកងរាជអាវុធហត្ថខណ្ឌឫស្សីកែវ សហការជាមួយកងរាជអាវុធហត្ថរាជធានីភ្នំពេញ ស្រាវជ្រាវឃាត់ខ្លួនបានកាលពីវេលាម៉ោង០៨ព្រឹក ថ្ងៃទី៣០ ខែឧសភា ឆ្នាំ២០១៧ នៅចំណុចផ្ទះជួសជុលម៉ូតូ ផ្លូវបេតុង ក្រុមទី២ ភូមិឡកំបោរ សង្កាត់ស្វាយប៉ាក ខណ្ឌឫស្សីកែវ បន្ទាប់ពីធ្វើសកម្មភាពគាស់ផ្ទះលួចយកម៉ូតូនៅក្នុងមូលដ្ឋានខណ្ឌដូនពេញបានប្រមាណ៣ម៉ោង ។
រាជធានីភ្នំពេញ ៖ ជនសង្ស័យ២នាក់ត្រូវកម្លាំងកងរាជអាវុធហត្ថខណ្ឌឫស្សីកែវ សហការជាមួយកងរាជអាវុធហត្ថរាជធានីភ្នំពេញ ស្រាវជ្រាវឃាត់ខ្លួនបានកាលពីវេលាម៉ោង០៨ព្រឹក ថ្ងៃទី៣០ ខែឧសភា ឆ្នាំ២០១៧ នៅចំណុចផ្ទះជួសជុលម៉ូតូ ផ្លូវបេតុង ក្រុមទី២ ភូមិឡកំបោរ សង្កាត់ស្វាយប៉ាក ខណ្ឌឫស្សីកែវ បន្ទាប់ពីធ្វើសកម្មភាពគាស់ផ្ទះលួចយកម៉ូតូនៅក្នុងមូលដ្ឋានខណ្ឌដូនពេញបានប្រមាណ៣ម៉ោង ។
ជនសង្ស័យដែលត្រូវឃាត់ខ្លួន ទី១-ឈ្មោះ សុខ ថន ភេទប្រុស អាយុ២២ឆ្នាំ ទី២-ឈ្មោះ ប៉ុល ធឿន ភេទប្រុស អាយុ២៩ឆ្នាំ មុខរបរមិនពិតប្រាកដ បច្ចុប្បន្នអ្នកទាំង២នាក់ស្នាក់នៅភូមិសាមគ្គី សង្កាត់ឫស្សីកែវ ខណ្ឌឫស្សីកែវ ។ ជិះម៉ូតូម៉ាកស៊ុយសាគីស្ទេប ពណ៌ខ្មៅ ពាក់ស្លាកលេខ ភ្នំពេញ ១C-៨៧៧៥ ធ្វើសកម្មភាព ។ ចំណែកម៉ូតូដែលជនសង្ស័យលួច ម៉ាកហ្សូមមើរ ពណ៌ខ្មៅលាយត្រួយចេក ពាក់ស្លាកលេខ ភ្នំពេញ ១GH-៦២៩៥ ម្ចាស់ឈ្មោះ ឆាយ ដាលីន ភេទប្រុស អាយុ២០ឆ្នាំ ស្នាក់នៅផ្ទះលេខ១០៥សេ ផ្លូវលេខ៦៣កែងផ្លូវលេខ២០០ សង្កាត់បឹងរាំង ខណ្ឌដូនពេញ ។ តាមមន្ត្រីកងកងរាជអាវុធហត្ថ បានឲ្យដឹងថា កាលពីវេលាម៉ោងប្រមាណ០៥ទៀបភ្លឺ ជនសង្ស័យទាំង២នាក់ បានធ្វើសកម្មភាពគាស់ផ្ទះ លួចម៉ូតូម៉ាកហ្សូមមើរ មួយគ្រឿង នៅសង្កាត់បឹងរាំង ខណ្ឌដូនពេញ ។ បន្ទាប់ពីបាត់ម៉ូតូម្ចាស់ក៏បានប្តឹងលោក ម៉ាំង សុខលុច នាយការិយាល័យប្រឆាំងបទល្មើសព្រហ្មទណ្ឌនៃកងរាជអាវុធរាជធានីភ្នំពេញ ហើយក៏បានសហការជាមួយកងរាជអាវុធហត្ថខណ្ឌឬស្សីកែវ ស្រាវជ្រាវ ហើយក៏ឈានទៅឃាត់ខ្លួនជនសង្ស័យ ២នាក់ នៅខណៈពេលយកម៉ូតូទៅជួសជុលម៉ូតូនៅសង្កាត់ស្វាយប៉ាក ព្រមទាំងដកហូតបានម៉ូតូត្រលប់មកវិញ ។
ជនសង្ស័យទាំង២នាក់ត្រូវបានកម្លាំងកងរាជអាវុធហត្ថ បញ្ជូនទៅកាន់ទីបញ្ជាការកងរាជអាវុធហត្ថរាជធានីភ្នំពេញ ដើម្បីសាកសួរ និងចាត់ការតាមច្បាប់ ៕
ចែករំលែកព័តមាននេះ