នុះហើយ…! ខ្លួនឯងជាសិស្សបែរជាសម្ងំធ្វើរឿងបែបហ្នឹង(មានវីដេអូ)
ខេត្តស្វាយរៀង ៖ មានក្រុមក្មេងគេចសាលាចំនួន៧នាក់នាំគ្នាទៅពួនសម្ងំ
ខេត្តស្វាយរៀង ៖ មានក្រុមក្មេងគេចសាលាចំនួន៧នាក់នាំគ្នាទៅពួនសម្ងំ
ខេត្តស្វាយរៀង ៖ មានក្រុមក្មេងគេចសាលាចំនួន៧នាក់នាំគ្នាទៅពួនសម្ងំប្រើប្រាស់គ្រឿងញៀននៅក្នុងផ្ទះមួយកន្លែងស្ថិតនៅភូមិចុងព្រែក សង្កាត់ស្វាយរៀង ក្រុងស្វាយរៀង ត្រូវកម្លាំងសមត្ថកិច្ចនគបាលចុះបង្ក្រាប និងចាប់ខ្លួនបាន៤នាក់រត់គេចខ្លួន៣នាក់ ។ បើតាមសមត្ថកិច្ចបានឲ្យដឹងថា នៅវេលាម៉ោង៩និង៥នាទីព្រឹក ថ្ងៃទី២៥ ខែឧសភា ឆ្នាំ២០១៧ កម្លាំងការិយាល័យប្រឆាំងគ្រឿងញៀនស្នងការដ្ឋាននគបាលខេត្តបានសហការជាមួយកម្លាំងអធិការនគបាលក្រុងស្វាយរៀងបានឆ្មក់ចុះបង្ក្រាបជនសង្ស័យប្រើប្រាស់គ្រឿងញៀនខុសច្បាប់នៅផ្ទះរបស់ឈ្មោះ ចាប ចេង ភេទប្រុស អាយុ៦៧ឆ្នាំ នៅភូមិចុងព្រែក សង្កាត់ស្វាយរៀង ក្រុងស្វាយរៀង ។
ជនសង្ស័យទី១-ឈ្មោះ ជា សាមឌី ភេទប្រុស អាយុ១៨ឆ្នាំ មុខរបរជាសិស្សមានទីលំនៅភូមិស្រះវង្ស សង្កាត់ស្វាយរៀង ក្រុងស្វាយរៀង, ទី២-ឈ្មោះ មែង រិទ្ធីវ័ន្ត ភេទប្រុស អាយុ១៨ឆ្នាំ មុខរបរមិនពិតប្រាកដ នៅភូមិតាណ សង្កាត់ស្វាយតឿ ក្រុងស្វាយរៀង, ទី៣-ឈ្មោះ សុក វណ្ណី ភេទប្រុស អាយុ១៥ឆ្នាំ មុខរបរសិស្ស មានទីលំនៅភូមិវាលយន្ត សង្កាត់ស្វាយរៀង ក្រុងស្វាយរៀង និងទី៤-ឈ្មោះ ជុំ ប៊ុនធឿន ភេទប្រុស អាយុ១៥ឆ្នាំ មានទីលំនៅភូមិចុងព្រែកសង្កាត់ស្វាយរៀង។ ក្នុងនោះផងដែរសមត្ថកិច្ចរឹបអូសបានវត្ថុតាងរួមមានទូរស័ព្ទដៃចំនួន៤គ្រឿង និងសម្ភារប្រើប្រាស់គ្រឿងញៀនមួយចំនួន ។
ប្រភពដដែលបន្តទៀតថា ក្រោយពីសាកសួរសមត្ថកិច្ចបានធ្វើតេស្តទឹកនោមជាលទ្ធផល វិជ្ជមាន (+) ។ សមត្ថកិច្ចបានកសាងសំណុំរឿងបញ្ជូនទៅសាលាដំបូងខេត្តស្វាយរៀងដើម្បីចាត់ការតាមនីតិវិធីច្បាប់ និងស្រាវជ្រាវតាមចាប់ខ្លួនជនសង្ស័យចំនួន៣នាក់ទៀតយកមកផ្តន្ទាទោសតាមច្បាប់ ៕
ចែករំលែកព័តមាននេះ