៣នាក់ចិត្តតែមួយ តែក៏អស់លក្ខណ៍ជាមួយគ្នា
រាជធានីភ្នំពេញ ៖ ជនសង្ស័យ៣នាក់ពិតជាមានចិត្តតែមួយមែន ដោយឯកភាពគ្នាធ្វើចោរដើរគាស់ផ្ទះមួយកន្លែងទាំងថ្ងៃ ហេតុការណ៍នោះកើតឡើងកាលពីវេលា
រាជធានីភ្នំពេញ ៖ ជនសង្ស័យ៣នាក់ពិតជាមានចិត្តតែមួយមែន ដោយឯកភាពគ្នាធ្វើចោរដើរគាស់ផ្ទះមួយកន្លែងទាំងថ្ងៃ ហេតុការណ៍នោះកើតឡើងកាលពីវេលា
រាជធានីភ្នំពេញ ៖ ជនសង្ស័យ៣នាក់ពិតជាមានចិត្តតែមួយមែន ដោយឯកភាពគ្នាធ្វើចោរដើរគាស់ផ្ទះមួយកន្លែងទាំងថ្ងៃ ហេតុការណ៍នោះកើតឡើងកាលពីវេលាម៉ោង២និង១៥នាទីរសៀល ថ្ងៃទី២៤ ខែឧសភា ឆ្នាំ២០១៧ នៅចំណុចផ្ទះជួលមួយកន្លែង ដែលមានទីតាំងស្ថិតនៅក្នុងភូមិត្រពាំងក្រសាំង ខណ្ឌពោធិ៍សែនជ័យ។
ជនសង្ស័យជាប់អន្ទាក់នោះ ១-ឈ្មោះ នេត ឡេ ភេទប្រុស អាយុ១៤ឆ្នាំ ២-ឈ្មោះណាក់ ភេទប្រុស អាយុ២៣ឆ្នាំ ទាំងពីរនាក់នេះត្រូវចាប់ខ្លួន និង៣-ឈ្មោះធូ ភេទប្រុស អាយុ១៥ឆ្នាំ រត់គេចខ្លួនបាត់ អ្នកទាំង៣មានទីលំនៅក្បែរវត្តគោកបញ្ជាន់ ស្ថិតនៅក្នុងភូមិចោមចៅ សង្កាត់ចោមចៅ ខណ្ឌពោធិ៍សែនជ័យ។ ដោយឡែកម្ចាស់ផ្ទះ និងជាម្ចាស់ម៉ូតូឈ្មោះ ហុង សូរិយា ភេទប្រុស អាយុ១៩ឆ្នាំ មុខរបរជាកម្មកររោងចក្រកាត់ដេរ ស្នាក់នៅក្នុងផ្ទះជួលកើតហេតុខាងលើ រីឯម៉ូតូដែលចោរលួចនោះម៉ាកហុងដា MSX ពណ៌ក្រហម បិទស្កុតពណ៌ខៀវ ពាក់ស្លាកលេខ ព្រៃវែង 1J-5649។
តាមប្រភពព័ត៌មានឲ្យដឹងថា នៅមុនពេលកើតហេតុជនរងគ្រោះបានទុកម៉ូតូនៅក្នុងបន្ទប់ផ្ទះជួល ដោយបិទទ្វារចាក់សោរ បន្ទាប់មកក៏ទៅធ្វើការបាត់ ។ ខណៈនោះជនសង្ស័យបានជិះម៉ូតូ១គ្រឿងឌុបគ្នា៣នាក់មកដល់ផ្ទះកើតហេតុ ដោយ២នាក់ចូលទៅធ្វើសកម្មភាព ចំណែកម្នាក់ទៀតជាអ្នកមើលផ្លូវ។ ក្រោយពេលចូលទៅលួចម៉ូតូហុងដា១គ្រឿង ប៉ុន្តែសំណាងអាក្រក់ម៉ូតូដែលលួចនោះធាក់បញ្ឆេះមិនឆេះ ទើបពួកគេក៏ជិះម៉ូតូខ្លួនឯងរុញម៉ូតូដែលលួចទៅលាក់ទុក។ ក្រោយមកជនរងគ្រោះដឹងថា បាត់ម៉ូតូក៏តាមរក ហើយប្រទះឃើញជនសង្ស័យកំពុងរុញម៉ូតូនៅម្ដុំរង្វង់មូលថ្នល់បំបែកចោមចៅ ក៏ប្ដឹងនគរបាលប៉ុស្ដិ៍ចោមចៅធ្វើការចាប់ខ្លួនបាន២នាក់ ចំណែកម្នាក់ទៀតជិះម៉ូតូគេចខ្លួនបាត់ស្រមោល។
ក្រោយពេលចាប់ខ្លួននគរបាលដកហូតបានម៉ូតូជនរងគ្រោះមកវិញ ហើយក៏នាំយកទៅសាកសួរនៅប៉ុស្ដិ៍ចោមចៅរួច ទើបប្រគល់បន្តទៅឲ្យនគរបាលប៉ុស្ដិ៍ត្រពាំងក្រសាំង ដើម្បីសួរនាំបន្ត និងកសាងសំណុំរឿងចាត់ការតាមផ្លូវច្បាប់៕
ចែករំលែកព័តមាននេះ