កំពូលតារាស្រីជួរមុខទាំង៣ដួងដែលអ្នកគាំទ្រជាច្រើនប្រាកដជាបានស្គាល់ហើយ ដោយកញ្ញាទាំងអស់នេះ អាចបកស្រាយចម្រៀងជាភាសាបរទេសបានយ៉ាងល្អ ហួសពីការរំពឹងទុក។ កញ្ញាទាំង៣ដួងនេះរួមមាន
រាជធានីភ្នំពេញ ៖ កំពូលតារាស្រីជួរមុខទាំង៣ដួងដែលអ្នកគាំទ្រជាច្រើនប្រាកដជាបានស្គាល់ហើយ ដោយកញ្ញាទាំងអស់នេះ អាចបកស្រាយចម្រៀងជាភាសាបរទេសបានយ៉ាងល្អ ហួសពីការរំពឹងទុក។ កញ្ញាទាំង៣ដួងនេះរួមមាន ៖
ទី១- គឺកញ្ញា សុខ សីឡាលីន ៖ កញ្ញាអាចបកស្រាយចម្រៀងជាភាសាបរទេសបានច្រើនទម្រង់ ដូចជា ភាសាអង់គ្លេស អេស្ប៉ាញ បារាំង អារ៉ាប់ និងភាសាបរទេសជាច្រើនទៀត ដោយរាប់ត្រួសៗទៅប្រមាណជា១០ភាសាឯណោះ។ ជាការពិតណាស់ តារាស្រីរូបនេះហាក់ដូចជាមានសមត្ថភាពខ្ពស់ជាមួយការប្រើប្រាស់ភាសាបរទេស ហើយភាគច្រើនតាមរយៈ Event ផ្សេងៗ គឺកញ្ញា សុខសីឡាលីន តែងតែលើកយកភាសាបរទេសមកបកស្រាយ ដោយធ្វើអោយអ្នកគាំទ្រតែងតែសរសើរ និងលើកទឹកចិត្តចំពោះការបកស្រាយភាសាបរទេសរបស់កញ្ញា។ ទន្ទឹងនឹងនោះ កញ្ញា សុខ សីឡាលីន ក៏បោះបង់ភាសាជាតិខ្លួននោះដែរ។ ហើយសុខ សីឡាលីន មួយរយៈនេះ កញ្ញាហាក់បីដូចជាមមាញឹកជាមួយការងារសិល្បៈ ជាពិសេសការធ្វើជាគណៈកម្មការតែម្តង។ ក្រៅពីការងារជាតារាចម្រៀង តារាស្រីរូបនេះ ក៏បម្រើការជាបមន្ត្រីរាជការផងដែរ។
ទី២- កញ្ញា លី អ៊ីវ៉ាធីណា ៖ កញ្ញាអាចបកស្រាយចម្រៀងបានច្រើនភាសា ប៉ុន្តែភាសាតែមួយគត់ដែលកញ្ញាបកស្រាយបានយ៉ាងស្ទាត់នោះ គឺភាសាចិន។ ជាការកត់សម្គាល់តារាស្រីរូបនេះ ជាកូនខ្មែរកាត់ចិន ដោយកញ្ញាចេះនិយាយភាសាចិនបានយ៉ាងល្អឥតទាស់ និងអាចនិយាយឆ្លើយឆ្លងគ្នា និងការសន្ទនាលើសពីការរំពឹងទុកទៀតផង។ ហើយឆ្នាំនេះ លី អ៊ីវ៉ាធីណា មានអាយុ៣៧ឆ្នាំហើយ ដោយកញ្ញាបានចូលប្រឡូកក្នុងសិល្បៈតាំងពីឆ្នាំ២០០៣ មកម្ល៉េះ ដោយរហូតមកដល់បច្ចុប្បន្ននេះ កញ្ញាមិនមមាញឹកការងារសិល្បៈនោះទេ ដោយសារតែរវល់ជាមួយការងាររកស៊ី ដូច្នេះហើយទើបបានជាមួយរយៈនេះ កញ្ញាមិនមានវត្តមាននៅលើឆាក ហើយកញ្ញាក៏មានការនឹករលឹកអ្នកគាំទ្រជាខ្លាំង។
ទី៣- កញ្ញា ប្រេម៉ា ៖ តារាស្រីពន្លកថ្មីរូបនេះហាក់ដូចជាទទួលបានការគាំទ្រច្រើននាប៉ុន្មានឆ្នាំចុងក្រោយនេះ។ កញ្ញា ប្រេម៉ា ដែលមានឈ្មោះថា ភឿក ច័ន្ទប្រេម៉ា ដោយតារាស្រីរូបនេះក៏អាចបកស្រាយចម្រៀងជាភាសាបរទេសបានយ៉ាងពីរោះ ដោយតែងតែអង្រួនចិត្តអ្នកគាំទ្រតាមរយៈការបកស្រាយផងដែរ។ ជាការពិតណាស់ កញ្ញា ប្រេម៉ា អាចបកស្រាយបានច្រើនភាសា ដូចជា ភាសាចិន អង់គ្លេស ថៃ កូរ៉េ និងភាសាជាច្រើនទៀត។ ហើយឆ្នាំនេះ តារាស្រី ប្រេម៉ា មានអាយុ២៨ឆ្នាំ ដោយកញ្ញាបានប្រឡូក និងចាប់យកអាជីពជាតារាចម្រៀងប្រមាណជា១០ឆ្នាំមកហើយ។ តារាស្រីសាច់.សខ្ចី ភឿក ច័ន្ទប្រេម៉ា រូបនេះ គឺចូលចិត្តបកស្រាយចម្រៀងបែបមនោសញ្ចេតនា ជាពិសេសបែបស្នេហាតែម្តង ហើយតារាស្រីរូបនេះនៅមិនទាន់មានគូរនៅឡើយទេនាពេលបច្ចុប្បន្ននេះ។
ជាការកត់សម្គាល់ តារាស្រីទាំង៣ដួងខាងលើនេះ ហាក់ដូចមានប្រជាប្រិយភាពជាខ្លាំងជាមួយការបកស្រាយបទបរទេស ដោយអាចធ្វើអោយអ្នកគាំទ្ររីករាយ និងមានភាពសប្បាយពោរពេញទៅដោយស្នាមញញឹម៕
ចែករំលែកព័តមាននេះ