ADផ្ទាំងផ្សព្វផ្សាយពាណិជ្ជកម្ម

Picture

ម្ចាស់​ចាក់សោ រួច​ចេញ​ទៅ​ហូប​គុយទាវ​បាត់ ស្រាប់តែ​​ភ្លើង​ឆេះ​ផ្ទះ​ផ្អើល​ទំនប់​បឹង​ទំពុន

1 ខែ មុន
  • ភ្នំពេញ

ផ្ទះ​មួយ​កន្លែង​ត្រូវ​បាន​ភ្លើង​ឆាបឆេះ​បង្ក​ឲ្យ​មានការ​ភ្ញាក់ផ្អើល​កាលពី​វេលា​ម៉ោង​៩​និង​១៥​នាទី​ព្រឹក ថ្ងៃ​ទី​២៩ ខែវិច្ឆិកា ឆ្នាំ​២០២២ នៅ​ចំណុច​ទំនប់​បឹង​ទំពុន ផ្លូវ​លេខ​

រាជធានី​ភ្នំពេញ ៖ ផ្ទះ​មួយ​កន្លែង​ត្រូវ​បាន​ភ្លើង​ឆាបឆេះ​បង្ក​ឲ្យ​មានការ​ភ្ញាក់ផ្អើល​កាលពី​វេលា​ម៉ោង​៩​និង​១៥​នាទី​ព្រឹក ថ្ងៃ​ទី​២៩ ខែវិច្ឆិកា ឆ្នាំ​២០២២ នៅ​ចំណុច​ទំនប់​បឹង​ទំពុន ផ្លូវ​លេខ​៣៧១ ស្ថិត​ក្នុងភូមិ​ម័​ល សង្កាត់​ដង្កោ ខណ្ឌដង្កោ រាជធានី​ភ្នំពេញ​។

Picture

តាម​ប្រភព​ព័ត៌មាន​បាន​ប្រាប់​ឲ្យ​ដឹង​ថា នៅ​មុន​ពេល​កើតហេតុ ខណៈ​ពេល​ម្ចាស់​ចាក់សោ​រួច​ចេញ​ទៅ​ហូប​គុយទាវ​បាត់ ស្រាប់តែ​ភ្លើង​ឆាបឆេះ​ឡើង​បង្ក​ឲ្យ​មានការ​ភ្ញាក់ផ្អើល​ទាំង​ព្រឹក​។ ភ្លាម​ៗ​នោះ អ្នក​ជិតខាង​បាន​ខ​លម​ក​ប្រាប់​ម្ចាស់ផ្ទះ​ឲ្យ​ដឹង បន្ទាប់​មក​ក៏​បាន​នាំ​គ្នា​យក​បំពង់​ពន្លត់​អគ្គិភ័យ​ជា​ច្រើន​បំពង់​ទៅ​បាញ់​ពន្លត់​រហូត​រលត់​ទៅ​វិញ​ទាំងស្រុង​ទាន់​ពេល​ផង​ដែរ​។

Picture

ប្រភព​ដដែល​បាន​ប្រាប់​ឲ្យ​ដឹង​ទៀត​ថា ការ​ឆាបឆេះ​ខាងលើ​នេះ គឺ​សង្ស័យ​បណ្ដាល​មក​ពី​កម្ទេច​ផ្កាភ្លើង​ដែល​ផ្ទះ​នៅ​ក្បែរ​នោះ​ផ្សា​ដែក ហើយ​ក៏​ធ្លាក់​ទៅ​លើ​អីវ៉ាន់​នៅ​ខាងក្រោម ទើប​បង្ក​ឲ្យ​មានការ​ឆាបឆេះ​តែ​ម្ដង​។ ចំណែក​រថយន្ត​ពន្លត់​អគ្គិភ័យ បាន​ចេញ​ទៅ​អន្តរាគមន៍​ជា​ច្រើន​គ្រឿង​ផង​ដែរ ប៉ុន្តែ​ពេល​ទៅ​ដល់ ភ្លើង​បាន​រលត់​អស់​ទៅ​ហើយ​។

Picture

នគរបាល​បាន​និយាយ​ថា នៅ​ចំណុច​កើតហេតុ​នោះ មានផ្ទះ​ជាប់​គ្នា​រដឹក ហើយ​នៅ​ពេល​កើត​មាន​គ្រោះ​អគ្គិភ័យ​បែប​នេះ​ឡើង បាន​បង្ក​ឲ្យ​មានការ​ព្រួយបារម្ភ​ខ្លាំង​បំផុត ព្រោះ​ខ្លាច​មានការ​ឆេះ​រាលដាល​ក្លាយជា​គ្រោះ​មហន្តរាយ​កើតឡើង​។ ប៉ុន្តែ​ជា​សំណាង​ហើយ ដែល​ប្រជាពលរដ្ឋ​សហការ​គ្នា​បាន​ល្អ ដោយ​យក​បំពង់​ពន្លត់​អគ្គិភ័យ​ចេញពីផ្ទះ​ទៅ​បាញ់​ពន្លត់​ស្រុះគ្នា រហូត​រលត់​ទៅ​វិញ​បែប​នេះ​៕

Picture
Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023