រាជធានីភ្នំពេញ ៖ ឪពុកម្តាយគួរចេះប្រើប្រាស់ឱកាសដើម្បីបង្រៀនកូនឱ្យមានអាកប្បកិរិយាល្អ ។ អ្នកជំនាញកុមារជាច្រើនយល់ស្របថា កុមារមិនគួរបង្ខំឱ្យនិយាយថា «សុំទោស» នៅពេលពួកគេធ្វើអ្វីមួយខុសនោះទេ ។ ប៉ុន្តែមិនមានន័យថា…
រាជធានីភ្នំពេញ ៖ ឪពុកម្តាយគួរចេះប្រើប្រាស់ឱកាសដើម្បីបង្រៀនកូនឱ្យមានអាកប្បកិរិយាល្អ ។ អ្នកជំនាញកុមារជាច្រើនយល់ស្របថា កុមារមិនគួរបង្ខំឱ្យនិយាយថា «សុំទោស» នៅពេលពួកគេធ្វើអ្វីមួយខុសនោះទេ ។ ប៉ុន្តែមិនមានន័យថា កុមារមិនត្រូវបានបោះបង់ចោលអាកប្បកិរិយាមិនល្អនោះទេ ។ មនុស្សពេញវ័យគួរតែឆ្លៀតឱកាសបង្រៀនក្មេងៗអំពីមូលហេតុអាកប្បកិរិយាខុស ហើយរៀនអំពីសុជីវធម៌ ។
ជាទូទៅការឱ្យកុមារគិតអំពីអ្វីដែលពួកគេបានធ្វើខុស ហេតុអ្វីវាខុស និងផលប៉ះពាល់អាកប្បកិរិយាមិនល្អចំពោះកុមារដ៏ទៃ គឺជាវិធីល្អបំផុត ។ បន្ទាប់ពីផ្តល់ឱ្យកុមារនូវពេលវេលាដើម្បីគិតអំពីសកម្មភាពរបស់ពួកគេ ចូរសួរពួកគេថា តើពួកគេអាចធ្វើអ្វីបានអំដើម្បីធ្វើឱ្យស្ថានភាពបានល្អប្រសើរ និងត្រឹមត្រូវ ។ ឧទាហរណ៍ ពេលកូនរបស់អ្នកយករបស់លេងពីគេ កូនរបស់អ្នកអាចនិយាយថា ពួកគេឱ្យវិញ ។ ប្រសិនបើកូនរបស់អ្នកបញ្ជាក់ថា ពួកគេចង់និយាយពាក្យសុំទោស ឬសុំឱបទៅក្មេងដទៃទៀត សូមអនុញ្ញាតសកម្មភាពទាំងនោះ ព្រោះវាជាគំនិតរបស់ពួកគេ ។ វានឹងកាន់តែមានន័យ និងអស់ពីចិត្ត ប្រសិនបើវាជាគំនិតរបស់ពួកគេផ្ទាល់ ។ ការនិយាយថា «សុំទោស» មិនគួរត្រូវបានបោះចោលទាំងស្រុងនោះទេ ។
ប្រាប់ពីឥរិយាបថខុស ៖ ឪពុកម្តាយគួរបញ្ជាក់ប្រាប់កុមារថា អាកប្បកិរិយានេះខុស ។ ធ្វើដូច្នេះ អ្នកកំពុងបង្រៀនមេរៀនថា ការខាំ ការវាយ និងលួចរបស់គេលេង គឺមិនសមរម្យ និងមិនអាចទទួលយកបាន ។ ប្រសិនបើអ្នកព្រងើយកន្តើយនឹងអាកប្បកិរិយានោះ អ្នកកំពុងបង្រៀនកូនពី អាកប្បកិរិយាអាក្រក់ ។
គំរូអាកប្បកិរិយាល្អ ៖ ពេលខ្លះកុមារមិនដឹងពីរបៀបធ្វើឱ្យស្ថានភាពកាន់តែប្រសើរឡើង ដូច្នេះក្នុងនាមជាឪពុកម្តាយ អ្នកអាចបង្ហាញពីការឆ្លើយតបកាន់តែប្រសើរឡើង ។ វាមានសារៈសំខាន់សម្រាប់ឪពុកម្តាយក្នុងការយកគំរូតាមអាកប្បកិរិយាល្អ និងបង្រៀនកូនពីរបៀបដោះស្រាយជាមួយស្ថានភាព ។ អ្នកចង់ផ្តល់កម្លាំងចិត្តដល់កូនអ្នកឱ្យឃើញខ្លួនឯងជាមនុស្សមានចិត្តទូលាយ ដែលអាចធ្វើអ្វីបានប្រសើរឡើងនៅពេលដែលគេបានធ្វើអ្វីខុស ឬធ្វើឱ្យខូចចិត្ត ។
និយាយអំពីអារម្មណ៍ ៖ នៅអាយុមត្តេយ្យសិក្សា កុមារចាប់ផ្តើមរៀនអំពីការយល់ចិត្ត ។ តួនាទីរបស់មនុស្សពេញវ័យគួរតែជួយកុមារឱ្យយល់ជាមុនថា ទង្វើរបស់គេបានធ្វើឱ្យក្មេងម្នាក់ទៀតរងរបួសទាំងផ្លូវកាយ ឬផ្លូវចិត្ត បន្ទាប់មកឱ្យកូនទទួលយកការទទួលខុសត្រូវចំពោះទង្វើរបស់គេផ្ទាល់ ។
ហេតុផលសម្រាប់ការនិយាយថា «សុំទោស» ៖ វិន័យអាចឱ្យកុមារយល់កាន់តែច្បាស់ថា មានច្បាប់ ហើយពេលបំពានច្បាប់នឹងមានផលវិបាក ។ ប្រសិនបើកូនរបស់អ្នកស្ថិតក្នុងមណ្ឌលថែទាំកុមារ ឬមត្តេយ្យសិក្សា សូមសួរថា តើវិធីសាស្ត្ររបស់ពួកគេគឺជាអ្វី នៅពេលដែលកុមារប្រព្រឹត្តតាមរបៀបដែលមិនអាចទទួលយកបាន ។
បង្ហាញសេចក្តីស្រឡាញ់ ៖ កុំបណ្តោយឱ្យកូនមានអារម្មណ៍មិនស្រឡាញ់ ចំពោះការធ្វើខុស ។ ចងចាំពាក្យថា ប៉ាស្រឡាញ់កូន មិនមែនអាកប្បកិរិយារបស់កូនទេ ។ យើងមិនត្រូវយករបស់ក្មេងលេងពីអ្នកដ៏ទៃដោយមិនបានសួរនាំ ឬសុំជាមុននោះទេ ។ ការសុំទោសដោយបង្ខំពិតជាមិនផ្លាស់ប្តូរអាកប្បកិរិយាចំពោះកុមារ ឬមនុស្សពេញវ័យ ហើយគ្រាន់តែធ្វើឱ្យកុមារមានអារម្មណ៍អាម៉ាស់ និងខឹងប៉ុណ្ណោះ ។ អ្វីដែលល្អបំផុតដែលត្រូវធ្វើ គឺធ្វើឱ្យកូនរបស់អ្នកទទួលស្គាល់នូវអ្វីដែលពួកគេបានធ្វើខុស ហើយជួយពួកគេរកវិធីធ្វើការកែប្រែ ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀន វ៉េស្ទឡាញន៍ និងសាលារៀនណត្សឡាញន៍ ។ សម្រាប់វគ្គសិក្សាថ្មី កម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសិស្សធំ កម្មវិធីភាសាចិន ចូលរៀនថ្ងៃទី ១ ខែវិច្ឆិកា ឆ្មាំ ២០២២ ។ ចំណែកម្មវិធីចំណេះទូទៅខ្មែរពីថ្នាក់ទី ១ ដល់ទី ១២ ចាប់ទទួលចុះឈ្មោះចូលរៀនជារៀងរាល់ថ្ងៃ ។ ការចុះឈ្មោះបុត្រធីតានៅសាលារៀនយើងខ្ញុំ លោកអ្នកនឹងទទួលបានពិន្ទុសន្សំកាន់តែច្រើន ដើម្បីប្តូរយកសម្ភារ ឬទូទាត់ជាមួយនិងសេវាសផ្សេងៗ ។
សាលារៀនជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រង សាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ