ចុះដោះស្រាយសំណុំរឿង៤ក្រៅប្រព័ន្ធតុលាការ
- កំពត
ខេត្តកំពត ៖ ឯកឧត្តម ម៉ៅ ធនិន អភិបាលខេត្ត រួមជាមួយឯកឧត្តម ជឹង ផល្លា ប្រធានក្រុមប្រឹក្សាខេត្ត…
ខេត្តកំពត ៖ ឯកឧត្តម ម៉ៅ ធនិន អភិបាលខេត្ត រួមជាមួយឯកឧត្តម ជឹង ផល្លា ប្រធានក្រុមប្រឹក្សាខេត្ត…
ខេត្តកំពត ៖ ឯកឧត្តម ម៉ៅ ធនិន អភិបាលខេត្ត រួមជាមួយឯកឧត្តម ជឹង ផល្លា ប្រធានក្រុមប្រឹក្សាខេត្ត រួមដំណើរដោយលោកអភិបាលរងខេត្ត និងលោកអភិបាលស្រុកបន្ទាយមាស កាលពីព្រឹកថ្ងៃទី៣១ ខែតុលា ឆ្នាំ២០២២ បានធ្វើការដោះស្រាយក្រៅប្រព័ន្ធតុលាការ ដោយរៀបចំវេទិកានៅចំណតរថយន្តផ្សារទូកមាស ក្នុងស្រុកបន្ទាយមាស ដែលមានប្រជាពលរដ្ឋចូលរួមប្រមាណ២០០នាក់ រួមទាំងអ្នកពាក់ព័ន្ធដែលមានសំណុំរឿងដោះស្រាយចំនួន៤ករណីផ្សេងៗពីគ្នា ។
ករណីទី១-គឺក្រុមអាជីវករផ្សារទូកមាសជំទាស់ទៅនឹងលោក ទន់ រ៉ូ អតីតអធិការនគរបាលស្រុកបន្ទាយមាស ដែលពេលនេះចូលនិវត្តន៍ ហើយបានទាមទារយកស្នាក់ការនគរបាលនៅមុខផ្សាទូកមាសធ្វើជាកម្មសិទ្ធិ ។
លោក ទន់ រ៉ូ អតីតអធិការបាននិយាយប្រាប់ឯកឧត្តមអភិបាលខេត្តថា ការសាងសង់ទីស្នាក់ការនេះអស់ប្រាក់១ម៉ឺនដុល្លារ ។ ជាដំណោះស្រាយ ឯកឧត្ត ម៉ៅ ធនិន បានផ្តល់ជាសំណងទៅលោក ទន់ រ៉ូ ជាមន្ត្រីនគរបាលចូលនិវត្តន៍ចំនួន៥ពាន់ដុល្លារ ដែលការសម្រេចនេះតាមការឯកភាពពីលោកអភិបាលស្រុកបន្ទាយមាស និងប្រធានភាសីុផ្សារទូកមាស ។
ឯកឧត្តមអភិបាលខេត្ត មានប្រសាសន៍ថា នេះជាគំរូអាក្រក់មួយដែលបានធ្វើជាមន្ត្រីថ្នាក់ខេត្ត-ស្រុក មានអំណាចសាងសង់លើដីរដ្ឋ។ ឯកឧត្តមបញ្ជាក់ថា បើឯងធ្វើអ្វីលើដីរដ្ឋត្រូវតែដកហូតយកមកវិញ ។ ករណីទី២-ក្រុមអាជីវកលក់ដូរនៅផ្សារទូកមាសចំនួន៤៨គ្រួសារ ទាមទារសុំធ្វើប្លង់ដីផ្សារជាដីកម្មសិទ្ធិ ។ ប៉ុន្តែឯកឧត្តមអភិបាលខេត្តមិនទាន់សម្រេចទេ ។
លោក ឆាយ សន អតីតអភិបាលស្រុកបន្ទាយមាស និងបច្ចុប្បន្នប្រធានក្រុមប្រឹក្សាស្រុក ថ្លែងថា ផ្សារទូកមាសរាប់ទាំងអ្នកលក់ដូរផង មានការសាងសង់សំណង់រំលោភយកដីផ្សារយ៉ាងអនាធិប តេយ្យបំផុត ។ អ្នកចូលរួមមិនគាំទ្រទេ ចំពោះក្រុមអាជីវករលក់ដូរសង់ផ្ទះលើដីផ្សារ ហើយទាម ទារសុំប្លង់កាន់កាប់ស្របច្បាប់ ។
ករណីទី៣-ពលរដ្ឋចំនួន២៣គ្រួសារ នៅភូមិព្រៃក្រឡា ឃុំទូកមាសខាងលិច ដណ្ដើមគ្នាចាក់ដីលុបស្រះទឹកជំនាន់បារាំងដែលឱ្យអ្នកទោសជីកមានទំហំទទឹង៤០ម៉ែត្រ បណ្ដោយ៦០ម៉ែត្រ ។ ករណីនេះ ឯកឧត្តមអភិបាលខេត្តមិនទាន់សម្រេចតាមការទាមទាររបស់ពលរដ្ឋទេ តែទុកឱ្យខាងស្រុកនិងពលរដ្ឋធ្វើការដោះស្រាយតាមការយល់ព្រមរបស់ពលរដ្ឋ និងឱ្យខាងស្រុកបោះបង្គោលព្រំដីស្រះទឹកនោះ ដើម្បីទុកដីនោះធ្វើជាកន្លែងសហគមន៍អ្វីក៏បាន ។
ករណីទី៤-ប្រជាពលរដ្ឋនៅភូមិច្រកឃ្លៃ សុំប្លង់កម្មសិទ្ធិដីក្នុងបឹងមួយ នៅវាលស្ដុកឈូក ស្រុក
ដងទង់ តែករណីខាងលើដែលពលរដ្ឋទាមទារសុំធ្វើប្លង់កម្មសិទ្ធិ ត្រូវប្រគល់ឱ្យលោក ដាញ់ សារី ប្រធានមន្ទីររៀបចំដែនដីខេត្តពិនិត្យ បើដីនោះមិនមានពាក់ព័ន្ធអ្វីជាមួយខាងធនធានទឹកទេ គួរតែចេញបណ្ណ័កម្មសិទ្ធិឱ្យពួកគាត់ ។
ចែករំលែកព័តមាននេះ