ខេត្តមណ្ឌលគិរី ៖ កម្លាំងសមត្ថកិច្ចនៃអធិការដ្ឋាននគរបាលក្រុងសែនមនោរម្យចាប់ខ្លួនជនសង្ស័យម្នាក់ក្នុងចំណោមពីរនាក់ ដែលបានធ្វើសកម្មភាពលួចម៉ូតូអ្នកដទៃ ដែលប្រតិបត្តិការនេះធ្វើឡើងនៅវេលាម៉ោង៨និង៣០នាទី ថ្ងៃទី២៨ ខែតុលា ឆ្នាំ២០២២។ ជនសង្ស័យទី១ មានឈ្មោះ…
ខេត្តមណ្ឌលគិរី ៖ កម្លាំងសមត្ថកិច្ចនៃអធិការដ្ឋាននគរបាលក្រុងសែនមនោរម្យចាប់ខ្លួនជនសង្ស័យម្នាក់ក្នុងចំណោមពីរនាក់ ដែលបានធ្វើសកម្មភាពលួចម៉ូតូអ្នកដទៃ ដែលប្រតិបត្តិការនេះធ្វើឡើងនៅវេលាម៉ោង៨និង៣០នាទី ថ្ងៃទី២៨ ខែតុលា ឆ្នាំ២០២២។
ជនសង្ស័យទី១ មានឈ្មោះ ស៊ិន សុខុម ភេទប្រុស អាយុ៣០ឆ្នាំជនជាតិខ្មែរមានមុខរបរមិនពិតប្រាកដរស់នៅភូមិជ្រៃសែន សង្កាត់មនោរម្យ ខេត្តមណ្ឌលគិរី ដោយបានធ្វើសកម្មភាពលួចម៉ូតូម៉ាកHonda Icon ពណ៌ខ្មៅពាក់ស្លាកលេខ មណ្ឌលគិរី 1A-2303ស្ថិ តនៅត្រង់ចំណុចភូមិចំប៉ក់ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី។
ក្រោយពីបានទទួលបានព័ត៌មានតាមទូរស័ព្ទពីប្រជាពលរដ្ឋភ្លាមៗកម្លាំងសមត្ថកិច្ចនៃអធិការដ្ឋាននគរបាលក្រុងសែនមនោររម្យបានចុះស្រាវជ្រាវរហូតឈានទៅចាប់ខ្លួនជនសង្ស័យបានតែម្តង រីឯជនសង្ស័យទី២ មានឈ្មោះ ចក់ វិត ភេទប្រុស អាយុ៣០ឆ្នាំ មានមុខរបមិនពិតប្រាកដ មានទីលំនៅ ភូមិដើមស្រល់ សង្កាត់មនោរម្យ ក្រុងសែនមនោរម្យ ខេត្តមណ្ឌលគិរីជន សង្ស័យបានរត់គេចខ្លួនបាត់ស្រមោល។
ជនរងគ្រោះដែលជាម្ចាស់ម៉ូតូមានឈ្មោះ ផន សុខា ភេទស្រី អាយុ៤៥ឆ្នាំ មុខរបមេផ្ទះ រស់នៅក្នុងភូមិសង្កាត់កើតហេតុខាងលើ។
បច្ចុប្បន្នជនសង្ស័យខាងលើត្រូវបានកម្លាំងសមត្ថកិច្ចនៃអធិការដ្ឋាននគរបាលក្រុងសែនមនោរម្យកសាងសំណុំរឿងបញ្ជូនខ្លួនទៅសាលាដំបូងខេត្តចាត់កាទៅតាមនីតិវិធីច្បាប់៕
ចែករំលែកព័តមាននេះ