ស្ត្រីម្នាក់ចង.កសម្លា.ប់ខ្លួនចោលប្តី និងកូនមិនដឹងមូលហេតុ
ខេត្តបន្ទាយមានជ័យ ៖ ស្ត្រីម្នាក់បានចង.កសម្លា.ប់ខ្លួននឹងកន្សែងភ្ជាប់ជាមួយចម្រឹងបង្អួចក្នុងបន្ទប់ជួលមិនដឹងពីមូលហេតុ បង្កការភ្ញាក់ផ្អើលនៅព្រឹកថ្ងៃទី៧ មេសា ២០១៧
ខេត្តបន្ទាយមានជ័យ ៖ ស្ត្រីម្នាក់បានចងកសម្លាប់ខ្លួននឹងកន្សែងភ្ជាប់ជាមួយចម្រឹងបង្អួចក្នុងបន្ទប់ជួលមិនដឹងពីមូលហេតុ បង្កការភ្ញាក់ផ្អើលនៅព្រឹកថ្ងៃទី៧ មេសា ២០១៧ ត្រង់ចំណុចដើមស្រល់ ក្នុងភូមិសាមគ្គីមានជ័យ សង្កាត់ និងក្រុងប៉ោយប៉ែត។ ជនរងគ្រោះឈ្មោះ កែវ ប៉ុង អាយុ២៧ឆ្នាំ បម្រើការងារនៅហាងអាហារជប៉ុនក្បែរច្រកទ្វារអន្តរជាតិប៉ោយប៉ែត ស្នាក់នៅបន្ទប់ជួលកន្លែងកើតហេតុ។ ជនរងគ្រោះចងកនឹងកន្សែងភ្ជាប់ជាមួយចម្រឹងបង្អួចក្នុងបន្ទប់ជួល ពុំមាននណាម្នាក់ដឹងពីមូលហេតុឡើយ។
ប្រភពពីកន្លែងកើតហេតុបានប្រាប់ថា ពុំមាននរណាដឹងថា ជនរងគ្រោះចងកនោះទេ ខណៈបុរសជាប្ដីរវល់ទៅធ្វើការបាត់ លុះអ្នកស្នាក់នៅបន្ទប់ក្បែរនោះ ទៅគាស់ទ្វារហៅមិនឮឆ្លើយ ហើយរុញទ្វារមើលទើបឃើញជនរងគ្រោះចងកស្លាប់ សូម្បីតែកូនស្រីអាយុ៤ឆ្នាំ ដែលនៅជាមួយម្តាយក៏មិនដឹងថាម្តាយចងកដែរ។ បុរសឈ្មោះ ងឹម ភាព អាយុ៣៦ឆ្នាំ ជាបុគ្គលិកក្រុមហ៊ុនទឹកស្អាត(អានកូ) និងជាប្តីជនរងគ្រោះនិយាយថាពុំមានជម្លោះអ្វីកើតឡើងក្នុងគ្រួសារទេ មុនពេលកើតហេតុ។
យោងការត្រួតពិនិត្យ និងធ្វើកោសល្យវិច្ច័យពីគ្រូពេទ្យ និងសមត្ថកិច្ចជំនាញពាក់ព័ន្ធប្រាប់ថា ជនរងគ្រោះចងកសម្លាប់ខ្លួនដោយខ្លួនឯងមែន។ សាកសពត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ