ខណៈនេះ ខ្មែរនិងឡាវកំពុងចរចារឿងការសង់ប៉ុស្តិ៍តាមព្រំដែន
ខេត្តស្ទឹងត្រែង៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងថា នៅព្រឹកថ្ងៃទី៥ មេសា ២០១៧នេះ មេបញ្ជាការតំបន់ប្រតិបត្តិការសឹងរងខេត្ត
ខេត្តស្ទឹងត្រែង៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងថា នៅព្រឹកថ្ងៃទី៥ មេសា ២០១៧នេះ មេបញ្ជាការតំបន់ប្រតិបត្តិការសឹងរងខេត្ត លោកឧត្តមសេនីយ៍ត្រី ស្វាយ ញ៉ន បានដឹកនាំកងកម្លាំងចុះទៅពិភាក្សារកដំណោះស្រាយបញ្ហាកម្ពុជាសង់ប៉ុស្តិ៍ច្រកទ្វាររបៀងវ៉ើនខាវ បញ្ហាការដាក់កម្លាំងទាហាននិងសេនាជនឡាវ មកជំទាស់កម្ពុជាមិនអោយសាងសង់ប៉ុស្តិ៍ដើមល្វា។
ការទៅពិភាក្សាអំពីបញ្ហាប៉ុស្តិ៍ច្រករបៀងវ៉ើនខាវនោះ គេសង្កេតឃើញមានតែភាគីកម្ពុជាប៉ុណ្ណោះដែលគោរពលទ្ឋផលនៃការចរចាក្នុងទឹកដីឡាវ ឯឡាវហាក់មិនគោរពតាមការស្នើររបស់ភាគីកម្ពុជាឲ្យមកចរចារកដោះស្រាយនៅដីកម្ពុជាឡើយ។
គួរបញ្ជាក់ថាការជំទាស់រារាំងខាងលើ បានកើតឡើងកាលពីថ្ងៃទី០២ មេសា ២០១៧ ហើយអាជ្ញាធរខេត្ត-ស្រុក ព្រមទាំងមេបញ្ជាការកងកម្លាំងប្រដាប់អាវុធ បានធ្វើការចរចាជារើយៗ តែរយៈពេលប៉ុន្មានថ្ងៃមកនេះ ពុំមាលទ្ធផលជាផ្លែផ្កាអ្វីសោះឡើយ ដោយភាគីឡាវបានដល់ភាគីកម្ពុជាផ្អាកការសាងសង់ប៉ុស្តិ៍ដើមល្វា ឯភាគីកម្ពុជាក៍ស្នើអោយភាគីឡាវផ្អាកសាងសង់ប៉ុស្តិ៍ដុងក្រឡចាស់ដែលជាតំបន់មិនទាន់ឯកភាពនោះដែរ។
សេចក្តីរាយការណ៍បានបន្តថា ភាគីទាំងពីរកម្ពុជា នៅតែបន្តអត់ធ្មត់រក្សាវប្បធម៌ស្ងៀមស្ងាត់ ខណៈភាគីឡាវដាក់បញ្ជូនទាហានរាប់សិបនាក់មកកាន់តំបន់មិនទាន់ឯកភាពនិងក្បែរព្រំប្រទល់លើដីរបស់ខ្លួន ព្រមទាំងបិទច្រកហាមឃាត់មិនអោយប្រជាពលរដ្ឋនាំកសិផលនិងទំនិញចេញចូលទៀត តែស្ថានការណ៍ហាមឃាត់របស់ភាគីឡាវនោះ ក៍ត្រូវសម្រួលអោយចរាចណ៍ឡើងវិញជាធម្មតា ស្ថិតក្រោមការឆែកឆេរ និងត្រួតពិនិត្យយ៉ាងតឹងរឹងពីភាគីឡាវ ។
រហូតមកដល់ត្រឹមម៉ោង១០និង៣០នាទីនេះការប្រជុំពិភាក្សារវាងភាគីទាំងពីរនៅមិនទាន់ដឹងលទ្ធផលនៅឡើយទេ៕
ចែករំលែកព័តមាននេះ