ម៉េង កែវពេជ្ជតា ទម្លាយអាថ៌កំបាំងថា…
រាជធានីភ្នំពេញ ៖ អ្នកនាងម៉េង កែវពេជ្ជតា មិនអស់ចិត្តចំពោះអ្វីដែលលោករ័ត្ន មករា បានបកស្រាយកាលពីពេលថ្មីៗកន្លងមកទេ បន្ទាប់ពីនាងព្រមានឱ្យបញ្ចប់អ្វីដែលនាំឲ្យមានការ
រាជធានីភ្នំពេញ ៖ អ្នកនាងម៉េង កែវពេជ្ជតា មិនអស់ចិត្តចំពោះអ្វីដែលលោករ័ត្ន មករា បានបកស្រាយកាលពីពេលថ្មីៗកន្លងមកទេ បន្ទាប់ពីនាងព្រមានឱ្យបញ្ចប់អ្វីដែលនាំឲ្យមានការយល់ច្រឡំកាន់តែខ្លាំងរឿងស្នេហ៍រវាងលោក និងនាង ។
ការបកស្រាយប្រាប់មហាជនរបស់លោករ័ត្ន មករា ត្រូវអ្នកនាងម៉េង កែវពេជ្ជតា ចាត់ទុកថា មិនច្បាស់លាស់ និងមិនដឹងចង់និយាយពីអ្វីឲ្យពិតប្រាកដ ក្នុងពេលលោករ័ត្ន មករា បង្វែររឿង និងដាក់កំហុស ទៅលើមហាជន និងអ្នកសារព័ត៌មានទៅវិញ ។
បង្ហោះតាមហ្វេសប៊ុកតារាចម្រៀងសំនៀងដក់ជាប់អនុស្សាវរីយ៍អ្នកនាងម៉េង កែវពេជ្ជតាសរសេរថា «ថ្ងៃនេះមានពេលបន្តិច ឆ្លៀតចូលមើលព័ត៌មានបានឃើញប្អូនប្រុសលោករ័ត្ន មករា គាត់ចេញមកបកស្រាយលើបញ្ហាកើតឡើងកន្លងមក ។ ការបកស្រាយនេះមិនសុក្រឹត មិនធ្វើឱ្យខ្ញុំស្ងប់ចិត្តទេ ។ និយាយដូចលេងសើចបន្តិចចុះ ស្តាប់ជាច្រើនដង ច្រើនសាហើយ ខ្ញុំនៅតែមិនដឹងថា មករាចង់និយាយពីផលិតផលអាគុយ ឬផលិតផលថ្នាំលាបក្លៀកម៉ាកអី ? សំឡេង ខ្សោយៗ… ឯការបកស្រាយក៏មិនច្បាស់លាស់ ញ៉ិញញ៉ុម ខ្សឹបៗដូចមានពិរុទ្ធ តែដែលឮ ច្បាស់ៗ ហើយច្រើនដង ដដែលៗនោះគឺមករា បានចោទទៅលើមហាជន និងអ្នកសារព័ត៌មានថាជាអ្នកនាំភ្លើងទៅវិញ ! ម៉េចទៅជាអីុចឹង ? ចង់ទម្លាក់កំហុសឱ្យនរណា ? រឿងនេះកើតឡើងមិនមែនមកពីគេស្អប់ ឬគេចង់ធ្វើបាបមករាទេ តើអ្នកណាទៅឧស្សាហ៍ដល់ម៉្លឹងនោះ ? ម្តេចប្តូរសាច់រឿង ? និយាយដូច្នេះធ្វើឱ្យគេគិតថា ខ្ញុំមានស្នេហានឹងមករាឯងមែនទែនទៅវិញ តើត្រង់ណាដែលថាខ្ញុំស្រឡាញ់មករាឯង ? ត្រង់ណាដែលបង្ហាញថាជាស្នេហា ? ការឡើងច្រៀងជាមួយគ្នា ? បើអីុចឹង ចុះគូចម្រៀងគេផ្សេងទៀត ? ស្គាល់ច្បាប់បទបរិហារកេរ្តិ៍ទេ ?
មករាចេញមកសូមទោស ឬចេញមកបំពាក់ស្នែងឱ្យខ្ញុំ ? តើអ្នកណាជាអ្នករងគ្រោះពិតប្រាកដ ? ខ្ញុំមិនទទួលយកទេពាក្យថារ័ត្ន មករា ជាជនរងគ្រោះជាមួយខ្ញុំដែរនោះ ។
ចង់ប្រាប់ថា រឿងស្នេហារតាមការស្រមៃច្នៃប្រឌិតរបស់មករា គឺជាស្នាដៃដើមនិពន្ធផ្ទាល់ដោយលោករ័ត្ន មករាម្នាក់គត់ គ្មានអ្នកណាបង្កើតឱ្យទេ កុំទម្លាក់ដាក់គេ និយាយយករួចខ្លួន ។ មហាជនក៏ដោយ អ្នកសិល្បៈក៏ដោយ អ្នកសារព័ត៌មានក៏ដោយ ដែលពួកគេបានរឿងយកមកនិយាយតពីមួយទៅមួយ ក៏ដោយសារមករាឯងដែរ បើលោកឯងមិនដើរខ្សឹបខ្សៀវក្នុងពេលស៊ីផឹកប្រាប់គេមុនទេ តើគេបានពាក្យនេះមកពីណា ? ភ្លាមៗដែលខ្ញុំដឹង បើលោកពិតជាមិនបានប្រឌិតរឿង«ស្នេហាខ្យល់» នេះយកដើរប្រាប់គេទេ ម្តេចក៏មិនតវ៉ាជាមួយអ្នកប្រាប់ខ្ញុំនោះតាំងពីថ្ងៃនោះទៅ ? ខ្លាចអី ? ខ្លាចត្រូវគេព្រួតមកវិញ ? សម្ងំចង់ល្បី ? សប្បាយចិត្តដែលឃើញខ្ញុំរងគ្រោះថ្មបាក់ ?
ខ្ញុំនេះក៏ភ្លើដែរ ឃើញស្លូត ឃើញខ្វះខាត គិតតែពីយកអាសា បង្ហាត់បង្រៀន ផ្តល់ការងារ យឹតយោង ទាំងមិនដឹងខ្លួនថាគេប្រមាថកិត្តិយសក្រោយខ្នងសោះ ។ ប្រាប់លោកម្តងទៀត ពេលនេះមិនមែនជាពេលដែលត្រូវឆ្លើយដាក់អ្នកណាទាំងអស់ រៀនទទួលស្គាល់កំហុសខ្លួនឯង ធ្វើជាមនុស្សប្រុសដែលថ្លៃថ្នូរ ហ៊ានធ្វើ ហ៊ានទទួល ។ ខ្ញុំឱ្យពេលមករាកែខ្លួនយូរប៉ុនណាហើយ ? យល់ដល់អំពើល្អរបស់ខ្ញុំផង យល់ចិត្តគ្រួសារខ្ញុំផងមករា ! ពេលនេះបើចង់ឱ្យគេឈប់ គឺមករាឯងហ្នឹងហើយដែលត្រូវឈប់មុននោះ។
ឈប់ធ្វើកម្សត់ ឈប់ Drama ឈប់បោកភ្នែក បោកត្រចៀកគេ ឈប់ឱ្យគេគិតថាយើងពិតជាមានស្នេហានឹងគ្នាមែន តែមកពីស្រីប្រកែកប្រុសប្រកាន់ស្អី ! ព្រោះមានមនុស្សច្រើនណាស់ដែលមករាធ្លាប់យកឈ្មោះគេមកជាន់ឈ្លី គេកំពុងត្រៀមបញ្ចេញកំហឹងដាក់មករាហើយ ។ បើមករាចង់ស្រែកថាមិនបានដឹងរឿង មិនបាននិយាយក៏មិនកើតដែរ ព្រោះត្រចៀកដែលមករាបាននិយាយឱ្យគេឮនោះនៅ ក្បែរៗហ្នឹង និងច្រើនទៀតផង ពួកគេអាចធ្វើជាសាក្សីឱ្យខ្ញុំបាន ។ សង្ឃឹមថា មករាយល់ ត្រឡប់ទៅសារភាពការណ៍ពិតម្តងទៀត ។ ម្តងនេះខ្ញុំសង្ឃឹមថាមករាយល់ ហើយនឹងនិយាយអ្វីដែលជាការបញ្ចប់រឿង ។
លោករ័ត្ន មករា នៅមិនទាន់បកស្រាយជាថ្មី ប៉ុន្តែលោកបានដាក់បន្ទុកមួយនេះទៅលើមនុស្សមួយចំនួនដែលចូលចិត្តឆ្កិះឆ្កៀលរឿងនេះឡើងវិញ និងបានច្រឡោតខឹងចំពោះអ្នកសារព័ត៌មានដែលចុះផ្សាយទៀតផង ៕
ចែករំលែកព័តមាននេះ