ខេត្ដពោធិ៍សាត់ ៖ នៅថ្ងៃទី២ ដល់ទី៤ មិថុនា ឆ្នាំ២០០៩ សមត្ថកិច្ចខណ្ឌរដ្ឋបាលជល ផលបានសហការជាមួយកម្លាំងកងរាជអាវុធ ហត្ថបេ០៥ ប្រចាំកំពង់ហ្លួង បានបញ្ចេញសាច់ ដុំបង្ក្រាបបទល្មើសនេសាទ តាមបណ្ដោយ បឹងទន្លេសាប ចាប់ពីចំណុចកំពង់ហ្លួង ឃុំ កំពង់ហ្លួង រហូតដល់ភូមិកំពង់ថ្គោល ឃុំអន្សា ចំបក់ ស្រុកក្រគរ ។ លោកច្រឹង តាំងលី នាយផ្នែករដ្ឋបាល ជលផលក្រគរបានឱ្យដឹងថា យោងតាមច្បាប់ ស្ដីពីជលផល ចាប់ពីថ្ងៃទី១ មិថុនា ដល់ថ្ងៃទី ៣ កញ្ញា ឆ្នាំ២០១០ ជារដូវបិទនេសាទ រាល់ការធ្វើនេសាទគ្រប់ប្រភេទត្រូវហាមឃាត់ ដាច់ខាត លើកលែងតែការធ្វើនេសាទជា លក្ខណៈគ្រួសារ សំរាប់ផ្គត់ផ្គង់ផលនេសាទ ដល់គ្រួសារប៉ុណ្ណោះ ។
ហេតុនេះ លោកនាយ ខណ្ឌរដ្ឋបាលជលផលពោធិ៍សាត់ បានដាក់បទ បញ្ជាដល់គ្រប់ផ្នែករដ្ឋបាលជលផល និង សង្កាត់រដ្ឋបាលជលផលក្រោមឱវាទ ត្រូវយក ចិត្ដទុកដាក់ក្នុងការបង្ក្រាបបទល្មើសជលផល គ្រប់ប្រភេទជាប្រចាំក្នុងដែនសមត្ថកិច្ចរបស់ ខ្លួន ដើម្បីថែរក្សាត្រីមេពូជទុកសំរាប់បន្ដពូជ នៅរដូវទឹកដំឡើង ខាងមុខ ប្រកបដោយ ប្រសិទ្ធភាព ។ ជាក់ស្ដែង រយៈពេល៣ថ្ងៃនេះ សមត្ថកិច្ច ចំរុះបានកាប់បំផ្លាញចោលវត្ថុតាងនៅនឹង កន្លែងចំនួន៤ករណី ក្នុងនោះរួមមានរបាំង ព្រួលសរុបប្រវែង២៨០ម៉ែត្រ បង្គោលតូចធំ ចំនួន៣០០ដើម និងធ្វើការចាក់លែងត្រីចំរុះ សរុប៥០គីឡូក្រាម ស្មើនឹង២.០០០ក្បាល ចូលក្នុងទឹកបឹងទន្លេសាបវិញ ។
ចែករំលែកព័តមាននេះ