ឈុតឆាកភាពយន្តដង្ហែសពរៀបចំដូចពិតៗ
រាជធានីភ្នំពេញ ៖ ភាពយន្តរឿង«១៥រោច»បានរៀបចំឈុតឆាកដង្ហែសពគួរឱ្យចាប់អារម្មណ៍ កាលពីពេល ថ្មីៗកន្លងមក ។ ឈុតឆាកសម្តែងនេះរៀបចំដោយក្រុមការងាររបស់ផលិតកម្មកេសារា ដោយ
រាជធានីភ្នំពេញ ៖ ភាពយន្តរឿង«១៥រោច»បានរៀបចំឈុតឆាកដង្ហែសពគួរឱ្យចាប់អារម្មណ៍ កាលពីពេល ថ្មីៗកន្លងមក ។ ឈុតឆាកសម្តែងនេះរៀបចំដោយក្រុមការងាររបស់ផលិតកម្មកេសារា ដោយ
រាជធានីភ្នំពេញ ៖ ភាពយន្តរឿង«១៥រោច»បានរៀបចំឈុតឆាកដង្ហែសពគួរឱ្យចាប់អារម្មណ៍ កាលពីពេល ថ្មីៗកន្លងមក ។ ឈុតឆាកសម្តែងនេះរៀបចំដោយក្រុមការងាររបស់ផលិតកម្មកេសារា ដោយមានការចូលរួមសម្តែងពីលោកទេព រិនដារ៉ូ,នាងកុល ដាវី ព្រមទាំងអ្នកភូមិមួយចំនួន កាលពីរសៀលថ្ងៃទី២៨ មីនា ឆ្នាំ២០១៧ នៅតំបន់វត្តប្រាសាទ ផ្លូវទៅភ្នំប្រសិទ្ធិ ។
អ្នកដឹកនាំរឿងលោកជ័យ រិទ្ឋា ឱ្យដឹងថាភាពយន្តរឿង«១៥រោច»មានតួសម្តែង ល្អៗជាច្រើនដូចជាលោកទេព រិនដារ៉ូ,អ្នកនាងស្វែង សុជាតា និងនាងកុល ដាវីជាដើម ។ លោករិទ្ធាថ្លែងថា«វាជាស្នាដៃទី២របស់ផលិតកម្មកេសារា ។
ក្នុងសាច់រឿង គឺតួអង្គអ្នកនាងស្វែង សុជាតា ស្លាប់ ដែលជាតួម្តាយលោកទេព រិនដារ៉ូ បានស្លាប់ ហើយតម្រូវឱ្យតួសម្តែងយំសោកដង្ហែសពទៅកប់មើលទៅដូចជា ពិតៗបើមិនដឹងច្បាស់ជាភ្ញាក់ជាក់ជាមិនខានឡើយ ។
ខ្ញុំសូមអរគុណដល់តារាទាំងអស់ ដែលស្ម័គ្រចិត្តចូលរួមសម្តែងរឿងនេះត្រង់ប្លង់ដង្ហែសព ព្រមទាំងសុជាតាដែលហ៊ានឱ្យគេយករូបថត ពិតៗដាក់ដង្ហែសពមិនប្រកាន់ នេះជាការលះបង់ខ្លាំងណាស់ ។
រឿង«១៥រោច»ចេញថតបានជាង៣០% ហើយ ដោយក្រុមការងារកំពុងតែខំប្រឹង ។ ស្នាដៃនេះសម្រុកថតឱ្យចប់ក្នុងអំឡុងខែឧសភា ។
ចំពោះពេលចាក់បញ្ចាំងនឹងពិភាក្សាជាបន្តទៀត ។
រឿង«១៥រោច»បង្ហាញគ្រប់រសជាតិដែលមានលក្ខណៈកម្សត់សើចលាយឡំគ្នា ។ ភាពយន្តនេះផ្តោតលើការអប់រំកូនឱ្យដឹងពីតម្លៃមាតាបិតាឬអ្នកមានគុណ ។ បើចេះតែសាងអំពើឱ្យម្តាយឪពុកពិបាកចិត្ត នោះយូរទៅចេះតែខ្លាចខ្លួនឯងរហូតទាល់តែធ្លាក់ខ្លួនឈឺ ហើយពេលស្លាប់ទៅភ័យខ្លាចទៅឋាននរក» ។
ផលិតកម្មកេសារា គ្រោងថតស្នាដៃជាបន្តបន្ទាប់ទៀត ដោយថតបន្តគ្នាពីរឿងមួយទៅរឿងមួយទៀត ដើម្បីវាយលុកទីផ្សារ ។
តារាសម្តែងជើងចាស់លោកទេព រិនដារ៉ូ និយាយថា«ទោះជាមានភាពហត់នឿយ ក្តៅស្ទើរស្ងួតហែងបែបណា វាជាទម្លាប់ទៅហើយដែលខ្ញុំធ្លាប់ជួបប្រទះមិនធុញទេ ព្រោះជាអាជីពរបស់យើង បើមិនធ្លាប់ច្បាស់ជារត់ចោលមិនខាន ។ ខ្ញុំរំពឹងថា បងប្អូនយើងនឹងចូលរួមលើកទឹកចិត្តស្នាដៃរឿង«១៥រោច»ដែលសម្រិតសម្រាំងយ៉ាងល្អ យកមកចែកអ្នកទស្សនា ។ សូមបន្តការលើកទឹកចិត្តអ្នកផលិតគ្មានអ្វីក្រៅពីខ្មែរជួយខ្មែរនោះទេ» ៕
ចែករំលែកព័តមាននេះ